Dagblaðið Vísir - DV - 21.08.2007, Blaðsíða 2

þriðjudagur 21. ágúst 20072 Fréttir DV
InnlendarFréttIr
ritstjorn@dv.is
Ræktað Toyota-merki á grasbala borgarinnar er ekki á vegum Toyota á Íslandi:
Auglýsingarnar eru einkaframtak
Á grasbala nærri gatnamótum
Miklubrautar og Sæbrautar má sjá
merki Toyota ritað í grasið. Útlit er
fyrir að um kostaða auglýsingu sé
að ræða en svo virðist ekki vera.
Bjarni Freyr Róbertsson, verkefna-
stjóri á markaðssviði Toyota, kann-
ast ekki við þessa auglýsingu. Hann
telur hugmyndina hins vegar snjallt
einstaklingsframtak. „Þetta er ekki
auglýsing frá okkur og hún er ekki
gerð að okkar tilstuðlan. Ætli þarna
sé ekki einhver ánægður Toyota-eig-
andi eða áhugamaður um Toyota á
ferð? Þetta er hins vegar alls ekki vit-
laus hugmynd sem auglýsingaleið
og við hefðum alveg viljað hafa átt
þessa bráðsnjöllu hugmynd,“ segir
Bjarni Freyr.
Fyrirtækið Garðlist sér um stærst-
an hluta garðsláttar fyrir fram-
kvæmdasvið Reykjavíkurborgar, þar
á meðal á því svæði sem Toyota-
merkið er að finna. Brynjar Kærne-
sted, framkvæmdastjóri Garðlistar,
hefur séð merkið og bendir á að vin-
sælt hafi verið að rækta auglýsingar
í þessa brekku síðustu ár. Hann tek-
ur sem dæmi auglýsingar fyrir Sjálf-
stæðisflokkinn sem þar hafi verið
ræktaðar fyrir nokkru. Aðspurður
útilokar Brynjar alfarið að merkið sé
gert af starfmönnum fyrirtækisins.
„Þetta er vinsæll staður og hann
hefur verið það í mörg ár. Þetta er
gert með því að setja áburð á grasið
og þetta hefur verið vel gert. Ég hef
tilfinningu fyrir því að sami aðilinn
hafi staðið að baki þessu undanfarin
ár. Mér finnst svolítill húmor í þessu,“
segir Brynjar.
trausti@dv.is
Ræktað með áburði grasbalinn við Miklubraut hefur verið vinsæll staður til að
rækta ýmis skilaboð. grunur leikur á að um sama aðila sé að ræða.
Eftirlit með
gæsaveiðum
Lögreglan á Blönduósi mun
sinna reglubundnu eftirliti með
gæsaskyttum á gæsaveiðitíma-
bilinu sem hófst í gær. Lögreglu-
menn keyra um umdæmið og
kanna hvort gæsaskytturnar hafi
tilskilin leyfi til þess að stunda
veiðarnar, bæði byssuleyfi og
veiðileyfi frá landeigendum.
Þá mun lögreglan fylgjast með
því að skotveiðimenn séu ekki
á fjórhjólum þar sem það er
bannað. Að sögn lögreglunnar á
Blönduósi hefur eftirlitið gengið
vel undanfarin ár, því einungis
í undantekningartilvikum hafi
skotveiðimenn ekki rétt leyfi.
Harður árekstur
Fólk slapp án teljandi meiðsla
í hörðum árekstri tveggja bíla
við Skjálfandafljótsbrú í Kinn,
skammt frá Rauðuskriðu á
sunnudagskvöld. Ökumaður
annars bílsins kenndi eymsla í
hálsi og var í kjölfarið fluttur til
skoðunar á sjúkrahúsi, en meiðsl
hans reyndust óveruleg.
Báðir bílarnir voru ökufærir
eftir áreksturinn. Að sögn lög-
reglunnar á Húsavík voru allir
farþegar í bílbeltum.
130 þúsund í
sekt fyrir
ofsaakstur
Lögreglan á Selfossi hafði
í nógu að snúast í nótt við
hraðamælingar á þjóðvegi
númer eitt. Á næturvaktinni
einni, í fyrrinótt, voru 10 öku-
menn teknir fyrir of hraðan
akstur yfir nóttina þar sem
þeir óku flestir á bilinu 110 til
115 kílómetra hraða á klukku-
stund. Fyrir vikið hljóta þeir
myndarlega sekt.
Ungur ökumaður, 24 ára
gamall karlmaður, skar sig úr
í nótt fyrir ofsaakstur nærri
Hveradölum. Lögreglan hafði
afskipti af honum rétt eftir
miðnætti er hann mældist á
150 kílómetra hraða. Öku-
maðurinn missir ökuréttind-
indi sín í mánuð, fær að öll-
um líkindum fjóra punkta og
hlýtur 130 þúsund króna sekt.
Hraðakstur á
Suðurnesjum
Átta ökumenn voru teknir
af lögreglunni á Suðurnesjum
síðustu tvo daga. Gerðust þeir
allir sekir um of hraðan akstur og
flestir þeirra á Reykjanesbraut-
inni.
Sá sem hraðast ók á braut-
inni ók á 136 kílómetra hraða
á klukkustund þar sem leyfður
hámarkshraði er 90. Einn öku-
maður var mældur á 90 kíló-
metra hraða innanbæjar þar sem
leyfður hraði er 50 kílómetrar á
klukkustund. Einn ökumaður var
jafnframt tekinn fyrir ölvunar-
akstur í umdæminu.
Kennara vantar í 21 af 39 grunnskólum Reykjavíkurborgar. Fræðslustjóri Reykjavíkur
er bjartsýnn á að vel gangi að ráða í þær stöður sem enn eru ómannaðar. Formaður
félags grunnskólakennara telur að aukið álag verði á kennara í vetur.
KENNARA VANTAR ENN Í
MEIRIHLUTA SKÓLANNA
„Það er hætt við því að veturinn verði
þungur,“ segir Ólafur Loftsson, for-
maður Félags grunnskólakennara.
Hann segir ljóst að kennarar verði
undir auknu álagi á komandi vetri.
„Það er verið að fjölga í námshópum
og óskað eftir að kennarar vinni meiri
yfirvinnu en góðu hófi gegnir.“
Á fundi menntaráðs Reykjavíkur-
borgar í gær var lýst yfir ánægju með
hversu vel hafi gengið að ráða kenn-
ara til starfa og að ljóst sé að skólahald
muni hefjast með eðlilegum hætti.
Undanfarna tíu daga hefur verið ráðið
í rúmlega þrjátíu kennarastöður. Ól-
afur telur of snemmt að fagna og telur
skynsamlegra að bíða fram á veturinn
með að meta stöðuna.
Réðu 30 kennara á 10 dögum
Ragnar Þorsteinsson, fræðslustjóri
Reykjavíkur, segir að allflestir þeirra
sem ráðnir hafa verið séu með kenn-
aramenntun. „Í örfáum tilvikum er
um að ræða kennaranema sem eiga
afar lítið eftir af náminu. Ekki hefur
þurft að koma til þess að við förum að
ráða leiðbeinendur.“
Ólafur Loftsson segir það koma sér
á óvart að þrjátíu kennarar hafi kom-
ið fram á síðustu tíu dögum og viljað
ráða sig til starfa.
Ragnar segir það ekki undarlegt
þó að um þrír tugir manna geri upp
hug sinn rétt fyrir skólabyrjun. Alls
eru um 1.540 stöðugildi kennara við
grunnskóla Reykjavíkurborgar og
bendir hann á að þrjátíu manns séu
lítill hluti af þeirri heild.
Hann segir að fáa kennara vanti í
hvern þeirra skóla sem ekki hefur náð
að fullmanna. „Það vantar frá hálfu
og upp í tvö stöðugildi í hvern skóla.“
Hann telur eðlilegt að ýmsar tilfærsl-
ur eigi sér stað fyrstu dagana eftir að
grunnskólar hefjist og að skólahald
muni ekki tefjast þó að enn vanti
kennara.
Laun of lág
Ólafur segir að grunnskólarnir séu
ekki samkeppnishæfir við markað-
inn þegar baráttan snýst um kenn-
ara. „Það vantar kennara því þeim
bjóðast betri kjör annars staðar. Bæði
missum við reynda kennara og sjáum
ekki eins marga unga kennara og bú-
ist hafði verið við.“ Því sé ljóst að fólk
með kennaramenntun leitar annað
en í skólana.
„Við bentum á það í fyrra að ef ekki
yrðu gerðar eðlilegar leiðréttingar á
kjörum kennara, eins og heimilt var
samkvæmt kjarasamningi, yrði þetta
staðan í haust,“ segir Ólafur og bendir
á að sá kennaraskortur sem blasir við
nú ætti ekki að koma forsvarsmönn-
um sveitarfélaganna á óvart.
Að mati Ólafs er óviðunandi að
þannig sé hliðrað til í starfi grunn-
skólanna að kennarar þurfi að vinna
undir auknu álagi.
Ragnar viðurkennir að skortur á
starfsfólki valdi þeim streitu sem eru
við störf en kannast ekki við að hóp-
ar séu of stórir. „Bekkjareiningin er á
undanhaldi. Það er orðið mjög algengt
að yngri árgöngum sé kennt saman
sem einni heild.“ Hann tekur dæmi
af fjörutíu manna árgangi. „Kennarar
horfa á þennan árgang sem eina heild
og vinna með hann eftir því sem þörf
er á.“ Þannig sé hópnum mögulega
skipt í minni einingar eftir námsgetu í
hverju fagi. „Annars eru engin viðmið
hvað varðar stærðina. Það er ekkert
hámark og ekkert lágmark.“
„Það vantar kenn-
ara því þeim bjóðast
betri kjör annars stað-
ar. Bæði missum við
reynda kennara og
sjáum ekki eins marga
unga kennara og búist
hafði verið við.“ Ólafur Loftsson þegar kjarasamningar voru ræddir í fyrra var yfirvöldum gert
ljóst að þetta yrði ástandið í haust ef ekk-
ert yrði að gert.
Grunnskólabörn ragnar þorsteinsson, fræðslu-
stjóri reykjavíkur, segir að fáa kennara vanti í
hvern þeirra skóla sem ekki hefur náð
að fullmanna.
ERLa HLynsdÓttiR
blaðamaður skrifar: erla@dv.is