Dagblaðið Vísir - DV - 21.08.2007, Blaðsíða 17
DV Sport þriðjudagur 21. ágúst 2007 17
enski boltinn
Boro Býður í Alves
Enska úrvalsdeildarliðið Middles-
brough hefur boðið 6,1 milljón punda,
um 817 milljónir króna, í brasilíska
sóknarmanninn
alfonso alves,
leikmann
Heerenveen.
alves er 26 ára
og var
markahæsti
leikmaður
hollensku úrvals-
deildarinnar á
síðustu leiktíð
með 34 mörk. „Félagið hefur mikinn
áhuga á mér. Middlesbrough hefur sýnt
það með þessu tilboði. Ég hef áhuga á
að spila með svona stóru liði og í ensku
úrvalsdeildinni,“ segir alfonso í samtali
við hollenska blaðið de telegraaf.
Fjórir drAgA sig úr hópnum
steven gerrard, darren Bent, sol
Campbell og Owen Hargreaves hafa
allir dregið sig úr enska landsliðs-
hópnum vegna meiðsla. England
mætir
þýskalandi í
æfingaleik á
Wembley á
morgun.
gerrard er
tábrotinn, Bent
meiddur á læri,
Campbell í nára
og Hargreaves
er meiddur á
hné. góðu fréttirnar fyrir Englend-
inga eru þær að david Beckham
verður með. Beckham mætti á
æfingu í gær þar sem þrír markverðir
voru mættir og aðeins þrettán
útileikmenn. þjóðverjar hafa einnig
þurft að horfa á eftir leikmönnum í
meiðsli. Miroslav Klose, Bastian
schweinsteiger og sami Khedira hafa
allir dregið sig úr þýska hópnum
vegna meiðsla.
gAllAs Frá í þrjár vikur
William gallas, leikmaður arsenal,
verður frá keppni næstu þrjár
vikurnar vegna nárameiðsla sem
hann hlaut í leik arsenal og
Blackburn.
gallas meiddist
á 24. mínútu
eftir samstuð
við roque
santa Cruz.
gallas bað strax
um sjúkraþjálf-
ara og haltraði
af velli skömmu
síðar. „Hann er
meiddur í nára, ég vissi það strax.
Hann verður frá í þrjár vikur,“ sagði
arsene Wenger, stjóri arsenal.
meiðsli Bojinovs verri en
hAldið vAr í Fyrstu
Meiðsli Valeris Bojinov, sóknarmanns
Manchester City, eru verri en haldið
var í fyrstu. Bojinov meiddist í leik
nágrannaliðanna Manchester City og
Manchester
united og í
fyrstu var talið
að hann yrði frá
keppni í þrjá
mánuði. Nú er
talið að hann
gæti orðið frá
keppni í fjóra til
fimm mánuði
vegna
skaddaðra liðbanda í hné. Bojinov fer
til rómar á næstu dögum og mun
gangast undir aðgerð þar hjá sama
lækni og kom ítalska sóknarmannin-
um Francesco totti í lag fyrir HM í
fyrra.
BouBA diop má FArA
Papa Bouba diop, leikmaður Fulham,
hefur sagt að hann megi yfirgefa
félagið. „Ég sagði stjóranum í sumar
að ég vilda nýja áskorun og nú hefur
hann sagt já.
þetta er mitt
fjórða tímabil
með Fulham og
ég hef aldrei
unnið neitt. Ég
vil vinna
eitthvað eða
spila í
Evrópukeppni.
Ég veit ekkert
hvort ég fari til liða eins og arsenal
og Manchester united en það eru
góð lið sem hafa áhuga á mér og
verða að bíða. Ég vil ekki segja hvaða
lið það eru. En ég býst við að yfirgefa
Fulham áður lokað verður fyrir
leikmannakaup,“ segir diop.
Enski knattspyrnudómarinn Rob
Styles mun ekki dæma leik í ensku
úrvalsdeildinni í knattspyrnu um
næstu helgi vegna slakrar frammi-
stöðu í leik Liverpool og Chelsea.
Þetta staðfesti Keith Hackett, yfir-
maður dómaramála í ensku úrvals-
deildinni.
Styles færði ensku bikarmeistur-
unum í Chelsea vítaspyrnu á silfur-
fati þegar franski landsliðsmaðurinn
Florent Malouda féll í vítateig Liver-
pool. Styles bað Liverpool afsökunar
eftir leikinn.
„Það er undir dómurunum komið
að hafa stórar ákvarðanir á hreinu og
í þessu tilfelli var þetta röng ákvörð-
un. Rob mun því ekki dæma um
næstu helgi,“ segir Hackett.
Skömmu eftir að hafa gefið Chel-
sea vítaspyrnu virtist hann sýna Mi-
chael Essien, leikmanni Chelsea,
gult spjald en Essien hafði fengið gult
spjald fyrr í leiknum. Styles sagði að
hann hefði verið að gefa John Terry,
fyrirliða Chelsea, gult spjald. Essien
var hins vegar næstur dómaranum
og taldi að hann hefði verið að fá sitt
annað gula spjald.
Steven Gerrard, fyrirliði Liver-
pool, sagði að vítaspyrnudómur-
inn hefði verið mjög ósanngjarn og
var ósáttur við frammistöðu Styl-
es í leiknum. Jose Mourinho, stjóri
Chelsea, var á öðru máli og sagði
að Styles hefði átt jákvæðan leik,
á heildina litið. „Ég held að þetta
hafi verið víti,“ sagði Mourinho eftir
leikinn. Hann var hins vegar meira
hissa á gula spjaldinu sem Styles
sýndi Terry.
„Dómarinn sagði aðeins hafa
spjaldað einn leikmann, John Terry,
en Essien stóð þarna lengi og hann
sagði við mig eftir leikinn að hann
hefði haldið að hann væri að fá sitt
annað spjald,“ bætti Mourinho við.
styles þarf frí
Enski dómarinn Graham Poll
komst í fréttirnar á síðasta ári fyrir
að gefa króatíska varnarmanninum
Josip Simunic þrjú gul spjöld áður
en hann rak Simunic af velli. Leik-
urinn var í riðlakeppni HM í Þýska-
landi. Poll fékk í kjölfarið vænan
skammt af gagnrýni og sagði Styles
að hann hefði gott af því að dæma
ekki um næstu helgi.
„Ef þetta væri ég, þá yrði ég sátt-
ur með að fá frí um næstu helgi,
sleikja sárin, endurheimta styrkinn
og sjálfstraustið og koma svo aftur,“
segir Poll, sem lagði dómaraflaut-
una á hilluna eftir HM í fyrra.
Poll segir að Styles hafi ekki ver-
ið í góðri aðstöðu til að sjá atvikið.
„Ef hann hefði verið á réttum stað,
þá hefði hann séð þetta eins og við
sáum það í sjónvarpinu og þá hefði
hann aldrei dæmt vítaspyrnu.“
deildin má ekki við því að
missa styles
Jeff Winter, sem einnig er fyrr-
verandi dómari í ensku úrvalsdeild-
inni, er á öðru máli. Hann segir að
enska úrvalsdeildin megi ekki við
því að missa Styles um næstu helgi.
„Það er vandamál í ensku úr-
valsdeildinni, við sáum dómara
hætta eftir síðasta tímabil. Þeir eru
ekki nægilega margir,“ segir Winter
en viðurkennir að Styles hafi gert
mistök þegar hann dæmdi víta-
spyrnuna.
„Það voru mikil mistök. Eitt af
því sem dómari veit er að hann
mun gera mistök í leikjum. Það
sem þeir vonast eftir er að þau mis-
tök hafi ekki áhrif á úrslit leiksins.
Því miður fyrir Rob Styles, þá réðu
þessi mistök miklu um úrslit leiks-
ins. Hver veit? Þetta gæti haft áhrif
á niðurstöðu tímabilsins. Það er
ekki hægt að verja þessa ákvörðun.
Það var augljóslega ekki vítaspyrna
og hafði áhrif á úrslit leiksins,“ seg-
ir Winter.
Aðstoðardómari í bann
Annað umdeilt atvik stendur upp
úr eftir leiki helgarinnar í ensku úr-
valsdeildinni. Fulham kom boltan-
um yfir marklínu Middlesbrough í
uppbótartíma en dómarinn og að-
stoðarmaður hans dæmdu ekki
mark. Aðstoðardómarinn í þeim
leik, Ian Gosling, hefur einnig verið
dæmdur í bann um næstu helgi.
Atvikið hefur vakið upp umræðu
um að fá aukna tækni í fótboltann og
Graham Poll er sammála því. „Þeir
sögðu aldrei að þetta hefði ekki verið
mark. Það sem þeir sögðu var að þeir
sáu ekki nægilega vel hvort boltinn
fór yfir línuna eða ekki. Það er kom-
inn tími á aukna tækni og því fyrr, því
betra,“ segir Poll.
dAgur sveinn dAgBjArtsson
blaðamaður skrifar: dagur@dv.is
stYles Í bAnn
Afdrifarík ákvörðun rob styles mun
ekki dæma leik í ensku úrvalsdeildinni
um næstu helgi vegna mistaka sem
hann gerði í leik Liverpool og Chelsea.
Umdeildar ákvarðanir robs styles í
leik Liverpool og Chelsea draga dilk
á eftir sér. Nú hefur yfirmaður dóm-
aramála í ensku úrvalsdeildinni
gripið til aðgerða. Tveir fyrrverandi
dómarar í ensku úrvalsdeildinni
hafa nú komið Styles til varnar,
annar segir að hann þurfi á fríi að
halda en hinn segir að úrvalsdeildin
megi ekki við því að missa Styles.
Fram svaraði yfirlýsingu frá Valsmönnum um hugsanleg félagaskipti sigfúsar páls:
SIGFÚSARSAGAN HELDUR ÁFRAM
Framarar sendu frá sér yfirlýsingu
í gær vegna máls leikmannsins Sigfús-
ar Páls Sigfússonar, sem vill yfirgefa fé-
lagið. Þar segja þeir Valsmenn afbaka
ákvæði úr samningi Sigfúsar um að fé-
lagið megi kaupa leikmanninn að and-
virði fimm þúsund evra. Það ákvæði
hafi eingöngu verið sett í samning ef
Sigfús færi til vinnu eða náms erlendis
og spili þar með smáliði.
Í síðustu viku setti Valur yfirlýsingu
á heimasíðu sína þar sem þeir vitna í
útdrátt úr samningi sem þeir hafa í
höndum frá Sigfúsi. Þar stendur með-
al annars að Valsmenn megi kaupa
leikmanninn fyrir um 450.000 krón-
ur og sé það í samningi Sigfúasar við
Fram en Valsmenn voru með útdrátt
úr honum sem þeir vitnuðu í á heima-
síðu sinni.
„Hámarksfjárhæð í samningum
um félagaskipti við smálið erlendis er
5000 evrur ... (u.þ.b. ísl. Kr. 450.000.-)
Gæta skal sanngirni í samningum um
félagaskipti við innlend lið og stórlið
erlendis. Valur hefur boðið Fram ann-
ars vegar kr. 600.000,- og hins vegar kr.
1.500.000.“ segir í yfirlýsingu frá Val á
föstudag.“
Framarar svöruðu þessu í yfirlýs-
ingu á heimasíðu sinni í gær. „Eins
og kemur fram á heimasíðu Vals, er
kveðið á um í samningi Sigfúsar Páls
að hámarksfjárhæð í samningum um
félagaskipti við smálið erlendis er
5.000 evrur. Þetta ákvæði var sett inn
til skýringar á öðru ákvæði í viðauka-
samningi Sigfúsar sem fjallar um þá
hugsanlegu stöðu að leikmaðurinn fái
inngöngu í erlendan skóla eða myndi
ráða sig til starfa erlendis. Ef Sigfús Páll
vill hins vegar ganga til liðs við erlent
stórlið eða annað félag innanlands á
þetta ákvæði ekki við. Það er vægast
sagt lágkúrulegt af hálfu Valsmanna
að reyna að snúa út úr velvild Fram til
að sýna sveigjanleika gagnvart félaga-
skiptum leikmanna sinna til smáliða
erlendis samhliða náms- eða vinnu-
dvöl erlendis, sér til hagsbóta.
Sérstaklega var tekið fram í samn-
ingaviðræðum milli Fram og um-
boðsmanns Sigfúsar að ef Sigfús hefði
áhuga á að ganga til liðs við Val, eða
annan af helstu keppinautum Fram
hérlendis, myndi félagaskiptagjald-
ið vera töluvert hærra en ef liðið sem
um ræddi væri t.d. í annarri deild en
Fram,“ segir í yfirlýsingu á heimasíðu
Fram og félagið krefst auk þess afsök-
unarbeiðni frá Val, vegna yfirlýsing-
ar félagsins. Ekki náðist í Sigfús vegna
málsins en ljóst er að nokkuð mun
dragast á langinn að niðurstaða fáist í
þetta mál.
vidar@dv.is
vill fara sigfús Páll sigfússon, leikmaður
Fram, vill komast frá félaginu og ganga í
raðir Íslandsmeistara Vals.