Dagblaðið Vísir - DV - 21.08.2007, Blaðsíða 19

DV Skóladagar miðvikudagur 15. ágúst 2007 19
Áfall að sjÁ
kennarann reykja
Framhald
á næstu síðu
Steingrímur J. Sigfússon alþingismaður
„Ég held að orðið prúður sé
ekki beinlínis rétta orðið þegar ég
rifja upp mína skólagöngu,“ seg-
ir Steingrímur Jóhann Sigfússon
þegar hann er spurður hvort hann
hafi verið prúður drengur á fyrstu
stigum skólagöngunnar. „Það
mætti kannski frekar nota orðið
„uppátækjasamur“. Skólastjórinn
var náfrændi minn af næsta bæ og
ég viðurkenni að hann þurfti stöku
sinnum að siða okkur drengina
til. Við vorum þó ekki alslæmir og
vorum til dæmis nokkuð dugleg-
ir að grípa til ýmissa verka sem til
féllu,“ segir Steingrímur sem ólst
upp á Gunnarsstöðum í Þistilfirði.
Hann segist muna óljóst eftir fyrsta
skóladeginum. „Ég var 9 ára gam-
all þegar ég hóf reglulega skóla-
göngu í skólanum í Svalbarðs-
hreppi en hafði þó tekið próf frá 7
ára aldri. Þetta þætti líklega seint í
dag. Ég man að fyrsta daginn var
ég eðillega nokkuð spenntur þótt
ég hafi nú þekkt flestalla krakkana
í skólanum.“ Steingrímur hóf sína
skólagöngu árið 1964 en skólinn
í Svalbarðshreppi var fámennur
á mælikvarða nútímans. „Í yngri
deild voru um 10 nemendur og
svipaður fjöldi var í eldri deild.
Það var eins konar farskólasnið á
þessu fyrstu árin því skólinn var
til skiptis á tveimur bæjum í ná-
grenninu. Andrúmsloftið var engu
að síður nokkuð heimilislegra en
gengur og gerist í dag.“ Steingrím-
ur segir að landafræði hafi verið
hans uppáhaldsfag í barnaskóla.
„Ég hafði mjög gaman af landa-
fræði og kunni flestar höfuðborg-
ir og slíkt utanbókar. Ég var líka
ágætur í sögu en stærðfræðin var
aldrei í sérstöku uppáhaldi hjá
mér. Ég lærði hana af skyldurækni
frekar en áhuga.“
Steingrímur segist aðspurður
muna eftir mörgum skemmtileg-
um atvikum úr grunnskóla. „Við
krakkarnir í skólanum grófum vet-
urinn 1968 gríðarlega stórt snjó-
hús í fönn við árgil heima á Gunn-
arsstöðum, en skólinn var þar í
nokkur ár. Snjólög voru slík
þennan vetur að við gátum
grafið mjög langt inn í skafl-
inn í gilinu. Við enduðum
á því að grafa heila íbúð
inn í fönnina, líklega upp
á eina 100 fermetra. Þarna
var meðal annars stofa,
þrjú til fjögur herbergi og
eldhús. Þennan sama vet-
ur gerðum við ekta snjó-
hús að grænlenskri fyr-
irmynd. Við notuðum
bækur til að læra hvernig
ætti að bera sig að svo þetta
var mjög fagmannlega gert.
Við meira að segja sváfum
í húsinu einhverjar nætur,“
segir Steingrímur léttur í
bragði að lokum.
Prúður ekki rétta orðið
Gerður Kristný Guðjónsdóttir,
rithöfundur og skáld
„Ég man ekki beinlínis eftir fyrsta
skóladeginum en ég man að mér
þótti ofboðslega gaman að byrja í
skóla. Þá fer ég fyrst að muna eft-
ir mér. Ég fékk glæný skólaföt úr
Hagkaupum Skeifunni; samfesting
úr gallaefni með rennilás að fram-
an. Mér fannst ég mjög fín,“ segir
Gerður Kristný sem hóf skólagöngu
sína í Álftamýrarskóla. „Ég kunni þá
þegar að lesa og sá litla ástæðu til
að leyna því. Ég man eftir mér þar
sem ég sat uppi á borði og las fyrir
bekkjarsystkini mín,“ segir Gerður
og hlær. „Þetta endaði með því að
ég var send til skólasálfræðingsins
sem lagði fyrir mig þroskapróf. Ég
var svolítið stressuð í prófinu enda
hafði ég aldrei séð manninn áður.
Hann spurði mig meðal annars að
því hver fyrsti landnámsmaðurinn
hefði verið. Ég svaraði því til að það
hefðu verið Adam og Eva.“
Gerður Kristný stóðst prófið þrátt
fyrir að hafa ekki fengið fullt hús
stiga og var í kjölfarið hækkuð um
bekk. Hún segist þó hafa átt í basli
með raungreinar í skóla. „Ég var
aldrei hrifin af stærðfræði og öðr-
um raungreinum en gekk hins vegar
mjög vel í íslensku og tungumálum.
Ég gat meira að segja lært dönsku,“
rifjar Gerður upp. Spurð um eftir-
minnileg atvik úr grunnskóla seg-
ist hún alltaf muna eftir deginum
þegar Helga bekkjarsystir hennar sá
kennslukonuna þeirra reykja inni á
kaffistofu. „Við urðum fyrir miklu
áfalli, enda hafði kennslukonan oft
farið með okkur í bíósalinn þar sem
við sáum skelfilegar fræðslumyndir
um afleiðingar reykinga. Þar gat að
líta reykingafólk sem dró á eftir sér
súrefniskúta eða hafði jafnvel misst
útlimi af völdum reykinga. Við ætl-
uðum þess vegna ekki að trúa þessu
upp á kennarann okkar,“ segir Gerð-
ur Kristný létt í bragði. „Seinna las
ég svo ævisögu Bubba Morthens þar
sem kom í ljós að hann hafði haft
nákvæmlega sömu kennslukonuna
og líka orðið fyrir áfalli þegar hann
komst að því að hún reykti. Það var
svolítið skondið.“
Hvað finnst þér um reykingar?þér um reykingar?Hvað finnst þér um reyHvað finnst þérSkrifaðu stutta setningu um það sem þér finnst u reykingar í eina af talbólunum.
D
V
m
yn
d
Á
sg
ei
r
DV mynd Stefán