Fréttatíminn - 07.03.2014, Side 41

aður hann er. Sem danshöfund-
ur hef ég gert framsækin verk
þótt grunnur minn sé klass-
ískur. Ég hefði viljað fara meira
í dans og einblína á dansinn í
sínu hreinasta formi þótt ég sé
líka mjög hrifin af dansleikhúsi
þegar það er vel gert.“
Álag og illindi
„Auðvitað er í lagi að fólk gagn-
rýni störf mín ef gagnrýnin er
byggð á málefnalegum grunni.
Þetta er miklu stærra mál en
bara að ég sé að hætta. Jú, það
er listrænn ágreiningur. Ég næ
ekki að gera breytingar og finn
að hópurinn stendur ekki að baki
mér en þetta snýst líka um fram-
tíðarhorfur Íslenska dansflokks-
ins og hvaða kröfur eru gerðar
til hans.
Mér finnst mjög sárt þegar
fólk, sem ég hef borið á höndum
mér, endalaust gefið tækifæri og
hreinlega þroskað sem lista-
menn, stingur mig í bakið. Þú
hittir alls konar fólk á lífsleið-
inni. Með þeim sem eru í sama
orkuflæði áttu alltaf samleið en
öðrum ekki. Sumt fólk kemur
svo bara inn í þitt karma, er þar
í einhvern ákveðinn tíma og svo
lýkur því. Það er ekkert við því
að gera en ég lít ekki á þetta fólk
sem óvini mína. Ég myndi aldrei
segja að þetta væru óvinir mínir
en okkar sambandi er lokið. Ég
óska þessu fólki alls hins besta.“
Lára segist hafa treyst döns-
urunum þegar hún hóf störf.
„Þetta eru vinir mínir. Dansarar
sem ég þekki mjög vel. Fólk
sem ég hef þjálfað og samið
fyrir þannig að mér fannst ég
ekki að eiga að vera mamma
þeirra. En það var meðal þess
sem ég fékk að heyra, að ég ætti
að vera betri við þau. En þetta
er fullorðið fólk og ber ábyrgð
á líkama sínum sem er starfs-
tæki dansarans. Það olli mér
mjög miklum vonbrigðum að
dansarar mæta ekki vel í tíma
og sinna þjálfun ekki vel. Það
er ákveðið agavandamál þegar
dansari gerir það ekki.“
Viðburðaríkt afmælisár
„Ég var búin að plana mjög
spennandi verkefni til 2016.
Danssamfélagið er lítið hérna og
það er krafa um að sinna því en
það þarf líka að huga að hinum
almenna borgara. Af hverju kem-
ur hann ekki á sýningar? Hann
vill kannski sjá meira dansað.
Þetta er krefjandi verkefni sem
ég var tilbúin að fara í.“
Lára tók við Dansflokknum á
40 ára afmælisári hans og lagði
mikla áherslu á að halda upp
á tímamótin með glæsibrag.
Það var því mikið um sýningar
auk þess sem samstarf ÍD við
Borgarleikhúsið í Mary Poppins
tók mikla orku þar sem sýning-
um fjölgaði endalaust í kjölfar
vinsælda.
„Ég held að dansararnir hafi
aldrei áður fengið jafn mikinn
pening í vasann og aldrei haft
jafn mikið að gera og í fyrra. En
um leið skapaðist mjög mikil
óánægja yfir álaginu sem var á
þeim. En ég er þannig mann-
eskja að ég myndi aldrei mis-
bjóða neinum. Ég fylgdi öllum
hvíldarákvæðum í samningum
og reyndi að koma til móts við
flestar óskir einstaklinga. Ég
hef unnið mikið með hópum
alla mína tíð og sem skólastjóra
gekk mér mjög vel og átti gott
samstarf við fólk þannig að mér
finnst mjög óvægið að tala um
að ég misþyrmi dönsurum.
Ég er mjög óhress með þenn-
an óhróður í fjölmiðlum sem
mér finnst særandi og jaðra við
ærumeiðingar þegar fólk talar
svona og ekki einu sinni undir
nafni.“
Verkin eiga að tala
„Ég kom bara þarna inn með
mína sýn og ég er mjög ánægð
með síðasta starfsár. Ég gaf
strax ákveðnum dönsurum frí
þar sem þeir vildu sinna öðrum
verkefnum og mér fannst ljóst
að þeir vildu fikra sig frá minni
listrænu stefnu. Ég réði yngri
dansara inn í staðinn á meðan
og treysti því að ég fengi að
halda minni sýn og fannst að
þeir sem vildu ekki vinna með
mér hefðu þá bara átt að taka
ákvörðun um að hætta. Ég
er ráðin til að móta stefnu og
stjórna en fékk ekki mikið svig-
rúm til þess.“
Lára telur að veikleiki sinn
hafi ekki síst falist í því að hún
þekkti allt þetta fólk mjög vel.
„Ég studdi mörg þeirra inn í
flokkinn á sínum tíma. Ég hef
samið dansa fyrir talsvert af
þessi fólki og fer því þarna inn
á svolitlum jafnréttisgrundvelli.
Mér finnst líka teymið skipta
mestu máli og vildi fá hópinn
með mér. Ég var kannski veik
að því leyti að ég tók ekki strax
á því þegar ég fann að það var
einhver pirringur í gangi. Fyrir
mér var ástríðan að skila góðri
vinnu. Það skiptir mig máli að
verkin tali. Sérstaklega í þessari
listgrein.“
Lára segist í raun telja að sam-
skipti ættu að geta verið mjög
góð í svona litlum hópi. „Það
þarf að vera gleði og góð orka í
þessari listgrein og vinnusemi
og metnaður til að gera góða
hluti er nauðsynlegur. Ég held
að það sé réttur hvers og eins
stjórnanda sem tekur við dans-
flokki að hann fái svolítið að
velja sér sitt fólk með sér. Það
þætti undarlegt að hafa fótbolta-
landslið með fastráðnum leik-
mönnum.“
Draumastarfið varð mar-
tröð
„Á þessum stutta tíma er ég
búin að efla íslenska danshöf-
unda mikið og ég reyndi að
virkja dansarana. Ég reyndi
virkilega að leggja mig fram
um að hafa dansarana ánægða
með því að setja þá í krefjandi
verkefni, leyfa þeim að semja
verk og auka tekjur þeirra með
mörgum verkefnum. Auðvitað
hef ég skilning á því að dönsur-
um sé umhugað um kjör sín en
dansástríðan má ekki víkja fyrir
launabaráttu endalaust.
Þetta var draumastarfið mitt
og ég hlakkaði til en það snerist
upp í martröð. Ég vildi takast
á við þetta og gefa fólki sem ég
trúði á tækifæri,“ segir Lára
sem kveður nú Íslenska dans-
flokkinn miklu fyrr en áætlað
var. Sátt við sín störf þótt hún
hafi ekki séð sér fært að halda
áfram.
Þórarinn Þórarinsson
toti@frettatiminn.is
Kaupaukinn þinn í Lyfju
Glæsilegur kaupauki* fyrir þig ef þú verslar tvær vörur
eða fleiri frá Estée Lauder í Lyfju Lámúla, Smáratorgi og Selfossi
dagana 4. -10. mars.

Kaupaukinn inniheldur:
Take It Away Makeup Remover – farðahreinsi, 30ml
Daywear Creme SPF 15, – dagkrem sem ver húðina, 15ml
Advanced Night Repair Eye – alhliða augnkrem, 5ml
Advanced Night Repair Serum – viðgerðardropa, 7ml
Sumtuous Extreme Mascara/Lash Primer Plus – svartan maskara og augnháranæringu
Pure Color Lipstick – varalit, fulla stærð, lit Pink Parfait
Pure Color Eyeliner – augnblýant,lit Blackened Black
Smarta snyrtitösku
*meðan birgðir endast
20%
afsláttur
af öllum vörum í Estée Lauder
á kynningardögunum.
viðtal 41 Helgin 7.-9. mars 2014