Fréttatíminn - 07.03.2014, Blaðsíða 44
44 matur & vín Helgin 7.-9. mars 2014
vín vikunnar
Louis de Grenelle
Brut Cremant de
Loire
Gerð: Freyðivín.
Þrúgur: Chenin,
Chardonnay,
Cabernet Franc.
Uppruni: Frakkland.
Styrkleiki: 12%
Verð í Vínbúðunum:
2.799 kr. (750 ml)
Umsögn: Skemmti-
legt, lífrænt ræktað
freyðivín. Það er
Cremant eins og
freyðivín sem ekki
eru gerð í kampavíns-
héraðinu kallast, en
er þó framleitt eftir
sömu aðferð. Þetta
er fínasta vín, bæði
létt og þurrt. Hér
færðu mikið fyrir
peningana.
Pujol Originel
Gerð: Rauðvín.
Þrúgur: Grenache
Noir, Carignan, Syrah.
Uppruni: Frakkland,
2012.
Styrkleiki: 13%
Verð í Vínbúðunum:
2.680 kr. (750 ml)
Umsögn: Lífrænt
ræktað rauðvín frá
hinni rómuðu Pujol
fjölskyldu í Frakk-
landi. Ólíkt flestum
öðrum vínum er
engum viðbótar
súlfötum bætt í það.
Ferskt en með kröft-
ugum ávaxtakeim.
Era Veneto Pinot
Grigio
Gerð: Hvítvín.
Þrúga: Pinot Grigio.
Uppruni: Ítalía, 2012.
Styrkleiki: 12%
Verð í Vínbúðunum:
1.998 kr. (750 ml)
Umsögn: Eini Ítalinn
í hópnum er lífrænt
ræktað hvítvín.
Fínasta Pinot Grigio,
létt, þurrt, ferskt og
áreynslulaust.
Lífrænt vín í glasið mitt
Íslendingar hafa smám saman verið að tileinka sér lífrænt ræktaðar vörur. Upp hafa sprottið sérverslanir sem bæði
bjóða upp á „gourmet“ matvæli og leggja áherslu á lífrænt ræktaðar vörur. Við búum reyndar enn ekki svo vel að geta
keypt lífrænt ræktaða lausagangskjúklinga sem ræktaðir eru hér á landi eða íslenskan lífrænt ræktaðan geita-
ost. Og ef út í það er farið er heldur ekki eins og verslanir fái leyfi til að flytja slíkar vörur inn þannig að
hægt sé að selja þær á mannsæmandi verði. Þetta er þó ekki áhyggjuefni þegar kemur að
vínum því þau er ekki hægt að rækta hér og ráðamenn myndu
seint taka upp á því að banna innflutning á þeim. Í staðinn
þurfum að sætta okkur við tolla og aðra gjaldheimtu sem ekki
þekkist í sama mæli í þeim löndum sem við berum okkur saman
við. Einn mesti vöxturinn innan vínheimsins er í vínum gerðum
úr lífrænt ræktuðum þrúgum. Það er í takt við þá vakningu að fólk horfir í auknum mæli í
hvað það setur ofan í sig. Í þessum mánuði eru lífrænir dagar í Vínbúðunum og af því tilefni eru lífræn
vín í hávegum höfð í búðunum. Le Soleilla Petit Mars frá Languedoc er einmitt lífrænt ræktað. Það er unnið úr
þrúgunum Syrah og dökkri Grenache og hefur fengið næga sól og þrúgurnar því þroskast vel. Þetta er mjúkt vín með
örlítið sultuðum keim sem gerir það gott með ostum og fitusprengdu kjöti. Le Soleilla Petit Mars
Gerð: Rauðvín.
Þrúgur: Syrah, Grenache.
Uppruni: Frakkland.
Styrkleiki: 14%
Verð í Vínbúðunum: 2.740 kr. (750 ml)
Höskuldur Daði Magnússon
Teitur Jónasson
ritstjorn@frettatiminn.is
Fréttatíminn mælir með
Uppskrift vikunnar
Alvöru pylsur að þýskum sið
Það mun eflaust reynast þrautin
þyngri að ætla að finna sér lífrænt
ræktað kjöt hér á landi. Þangað
til það breytist er um að gera að
gefa því gaum sem þó er vel gert
eins og Tröllapylsum sem seldar
eru á Laugalæk.
„Maðurinn minn er Þjóðverji
og hann á bæði uppskriftina að
pylsunum og hvítkálssalatinu. Það
tók margra mánaða tilrauna-
starfsemi að þróa þetta og okkur
tókst meðal annars að rústa heilli
Kitchen Aid-vél hjá mömmu,“
segir Lóa Bjarnadóttir sem fram-
leiðir Tröllapylsur ásamt manni
sínum, Sascha Trajkovic.
Tröllapylsur voru kynntar á
matarmarkaði Búrsins í Hörpu um
liðna helgi og vöktu verðskuldaða
athygli. Þær eru gerðar úr alvöru
kjöti og eru ekki uppfullar af
aukaefnum.
„Það er kjöt, fita og krydd í
þeim, ósköp einfalt. Við notum
gott svínakjöt, kjöt sem valið er af
skepnunni. Þetta eru ekki neinir
afgangar,“ segir Lóa.
Tröllapylsurnar eru að þýskri
fyrirmynd og eru þær grófari og
stærri en við eigum að venjast.
Stærðin og það að notað er alvöru
hráefni við gerð þeirra gerir það
að verkum að þær eru talsvert
dýrari en íslensku pylsurnar.
Lóa og hennar fólk selur pyls-
urnar í Ísbúðinni við Laugalæk.
Þar er bæði hægt að kaupa sér
pylsupakka og hvítkálssalat með,
kjósi fólki svo, eða bara að fá sér
eina slöngu á staðnum.
„Í Þýskalandi eru þær vanalega
bornar fram í rúnnstykki en við ís-
lenskum þetta aðeins. Við seljum
pylsurnar í íslensku pylsubrauði
með steiktum og hráum lauk,
hvítkálssalati og svo getur fólk
valið úr mismunandi sinnepi og
fleiri sósum. Þeir sem eru með
glúteinóþol geta fengið þær bara
á diski, þær eru frábærar líka með
kartöflumús, salati eða kartöflu-
salati.“
Lóa og Sascha opnuðu Ísbúðina
við Laugalæk þegar þau misstu
vinnuna eftir hrun. Þau eru með
mikið af fastakúnnum í hverfinu
sem kemur ekki á óvart enda er
einstaklega hugguleg stemning
þarna í kring; Frú Lauga í næsta
húsi og Pylsumeistarinn og
bakarí hinum megin við götuna.
Vinsældir ísbúðarinnar minnkuðu
ekki þegar þau hófu að selja
pylsurnar fyrir fjórum árum.
„Fólk fór að biðja um að fá þær í
pökkum svo það gæti steikt þær
eða grillað heima svo við urðum
við því. Og það hafa litlar verslanir
sýnt því áhuga að selja pylsurnar.
Það verður bara að koma í ljós
hvort við förum út í það.“
Lóa og Sascha selja Tröllapylsur í Ísbúðinni á Laugalæk. Þær eru gerðar að þýskum sið og eru frábær viðbót við matarmenn-
inguna í borginni. Þau selja einnig ljúffengt hvítkálssalat sem passar einstaklega vel með pylsunum. Ljósmyndir/Hari
Viking Pils Organic
Með pylsum að
þýskum sið drekkur
maður bjór og hinn líf-
ræni Pils smellpassar.
Mörkinni 4 - 108 Reykjavík - Sími 533 3500
Síðasti dagur rýmingarsölu
á morgun Laugardag
8. mars
– fyrst og fre
mst
– fyrst og fre
mst
ódýr!
248kr.pk.
Verð áður 4
95 kr.pk.
Cheerios, 3
97 g
DÚNDUR
50%afsláttur
TILBOÐ!
Hámark
4 pakkará mann meðan birgðir endast!