Sveitarstjórnarmál - 01.04.1950, Qupperneq 18

14
SVEITARST J ÓRNAKMÁL
JÓNAS GUÐMUNDSSON, skrifstofustjóri:
Ferð til Finnlands.
í júnímánuði s.l. barst Sambandi ísl. sveit-
arfélaga bréf frá Kaupstaðasambandi Finn-
lands, þar sem Sambandi ísl. sveitarfélaga var
boðið að senda fulltrúa á 12. þing Kaupstaða-
sambands Finnlands, er haldið skyldi í Tav-
astahus í Finnlandi 30. ágúst 1949.
Óvíst var með öllu hvort hægt yrði að
þiggja boð þetta, en þá skipaðist svo síðari
hluta ágústmánaðar, að ákveðið var að for-
maður Samb. ísl. sveitarfélaga, Jónas Guð-
mundsson skrifstofustjóri, skyldi sækja félags-
málaráðherrafund Norðurlanda, sem halda
átti í Oslo 25.-27. ágúst, og varð því úr að
hann skryppi um leið til Finnlands og sæti
fund finnska kaupstaðasambandsins, og hef-
ur hann látið „Sveitarstjómarmálum" í té
eftirfarandi frásögn af ferðalagi sínu til Finn-
lands og þingi kaupstaðasambandsins.
*
Eftir að ráðið var, að ég skyldi sitja fé-
lagsmálaráðherrafundinn í Oslo 25.—27.
ágúst s.l. sumar, þótti rétt að tekið vrði
boði Kaupstaðasambands Finnlands urn að
gestur mætti þar frá samtökum íslenzkra
sveitarstjórnarmanna, og þar sem það þurfti
ekki að lengja för mína nema um 6—7 daga
að fara þangað, og kostnaðarauki tiltölulega
lítill, varð það úr að ég skyldi mæta þar sem
fulltrúi Sambands ísl. sveitarfélaga.
Ég lagði af stað frá Stokkhólmi 29. ágúst
kl. 3.30 e. h. með Helsingfors-flugvélinni frá
Bromrna flugvellinum. Veður var hið bezta
og skyggni ágætt. Flogið var yfir Álandsevjar
og stefnt nokkuð fyrir norðan Helsingfors,
sennilega vegna hersetu llússa á Porkalaskag-
anum, sem ekki rná fljúga yfir. Það er tveggja
klukkustunda flug frá Stokkhólmi til Hels-
ingfors. Úr flugvélinni sést alla leið til Rúss-
lands stranda eða réttara sagt til stranda
hinna litlu baltisku ríkja, sem hlutu þau ör-
lög að verða innlimuð í Rússland, og síðan
eru þau „týnd“, jafnvel hinum vestrænu ná-
grannaþjóðum sínurn.
Einn af starfsmönnum kaupstaðasam-
bandsins kemur til rnóts við mig á flugstöð-
inni og tjáir mér, að þingið eigi að hefjast
næsta morgun í hinum fornfræga bæ Tavasta-
hus, en þangað er 3 klst. ferð með jámbraut-
arlest, og flestir séu þangað famir, en hann
eigi að vera mér samferða, og við verðum að
fara kl. 9.30 um kvöldið, enda fari þá einnig
þeir, sem enn séu eftir í Helsingfors.
Á tilsettum tíma er lagt af stað, en það er
komið myrkur, svo að ég sé lítið af skógurn
Finnlands og náttúrufegurð þess úr lestinni.
Ég hafði séð Finnland úr lofti um daginn
og séð hvemig skógar og vötn skiptust á,
en fjöll sáust hvergi.
í lestinni eru einnig ýmsir embættismenn
frá Helsingfors og ráðherrar, sem taka eiga
þátt í þinginu eða sitja það í heiðursskvni.
Um nóttina kl. 12—1 komum við til Tav-
astahus, sem er fomfrægur staður, sérstaklega
í sambandi við kristniboð Svía í Finnlandi.
Skammt utan við bæinn stendur stórt og
veglegt hótel í hrein amerískum stíl og þar
er þingið haldið. Allir fulltrúar og gestir,
starfslið og þjónustufólk býr í hótelinu, með-
an þingið stendur, enda hefur öllum öðrum