Sveitarstjórnarmál - 01.12.1960, Blaðsíða 32

28
SVEITARSTJÓRNARMÁL
istrygginga er erfitt að spá, en þær ættu að
draga úr útgjöldum á næstu árum, en auka
þau síðar.“
Loks segir svo um breytingar þær, sem
lagt er til, að gerðar verði á ákvæðunum
um barnalífeyri:
„Með afnámi skerðingarákvæðanna mynd-
ast misræmi í greiðslum barnalífeyris, að
óbreyttum bótaákvæðum að öðru leyti.
Þannig verður að telja óeðlilegt, að maður,
sem hefur fullar atvinnutekjur, en á eigin-
konu, sem dvelst á hæli á kostnað trygging-
anna eða ríkisframfærslunnar, eigi rétt á
fullúm barnalífeyri með börnum sínum,
þótt ekkill með sömu tekjur eigi engan
rétt. Óbreytt ákvæði um barnalífeyri vegna
örorku virðast því mundu hafa í för með
sér, að taka yrði upp greiðslu barnalífeyris
til ekkla almennt, en slíkt mundi valda
verulegri útgjaldaaukningu. Ekki virðist
heldur sjálfsagt, að maður, sem kominn er
á ellilífeyrisaldur og á því óskoraðan rétt til
ellilíl’eyris, en heldur þó fullum atvinnu-
tekjum, eigi að auki rétt á barnalífeyri.
Af framangreindum ástæðum er með
frumvarpinu lagt til, að um greiðslur barna-
lífeyris, þegar annað hvort foreldranna er
ellilífeyrisþegi eða móðirin er örorkulíf-
eyrisþegi, gildi heimildarákvæði hliðstæð
því, sem gilt hefur um greiðslur til ekkla.“
Sjúkrahótel.
Árið 1950 tók til starfa í Bergen í Nor-
egi svonefnt sjúkrahótel, þ. e. gistihús, sem
ætlað er sjúku fólki og barnshafandi kon-
um, sem bíða þess að komast í sjúkrahús
eða á fæðingarheimili. Þessi starfsemi hefur
síðan aukizt svo mjög, að nú eru rekin í
Noregi 11 sjúkrahótel, og fleiri munu bæt-
ast við.
Sjúkrahótelin eru starfrækt með svipuð-
um hætti og venjuleg gistihús, en þar er
þó meiri heimilisbragur og gisting er þar
ódýrari. Venjulega eru þau staðsett í
grennd við sjúkrahús, og er það hagræði
fyrir fólk, sem koma þarf til reglubundins
eftirlits eða meðferðar í sjúkrahús.
Oft sparast legudagar í sjúkrahúsum, þeg-
ar ekki er brýn nauðsyn á sjúkrahúsdvöl, en
í staðinn hægt að vísa sjúklingi á sjúkrahót-
el og haía hann jafnframt undir læknis-
hendi. Einnig getur það lengt sjúkrahús-
dvöl, ef erfitt reynist að finna sjúklingi
viðunandi dvalarstað, meðan hann bíður
aðgerðar eða þegar henni er lokið. Fyrir ut-
anbæjarfólk hefur þessi bætta aðstaða mikla
þýðingu, enda taka sjúkrasamlög í Noregi
nokkurn þátt í dvalarkostnaðinum.
(Heimild: Sygekassetidende, október 1960).
Frá sjúkrasamlögum.
IÐG J ALD AHÆKK ANIR.
Sjúkrasamlag Ásahrepps .... úr kr. 3S6 í kr. 420 á ári frá 1/7 1960
— Borgarfjarðarhrepps .... - - 216 - _ 300 1/7 1960
— Eyrarsveitar ,... - - 336 - - 420 1/7 1960
— Grafningshrepps .... - - 384 - - 540 1/7 1960
— Ólafsfjarðar .... - - 276 - - 360 1/7 1960
— Sauðaneshrepps .... - - 336 - - 360 1/1 1960