Sveitarstjórnarmál - 01.04.1981, Blaðsíða 16

Prúðbúnir bæjarfulltrúar í afmælishófinu.
Æskulýðs- og dagvistarheimilið í Narssak er nýtízkulegt.
Fiskur til þerris á klöppum í Narssak.
salerni og rennandi vatn er ekki í öllum húsum. Á
sumrin er vatn leitt ofanjarðar í plastslöngum í flest
hús, en á vetrum flytur vatnsbíll vatn til fólksins.
Narssak bær er vel upplýstur, og fær hann raf-
magn frá díselstöð. Þar sem erfitt er að koma raf-
magnsleiðslum í jörð bæði að húsum og ljósastaur-
um, þá er nokkuð um loftlínur, aðallega á stálstaur-
um.
Fyrirhugað er, að á næstu árum verði gert átak í
því að koma sem flestum leiðslum, bæði skolp-,
rafmagns- og símaleiðslum í jörð, en það mun vera
ákaflega dýrt.
Byggingarframkvæmdir fara nær eingöngu fram
að sumrinu. Flest hús í Narssak eru í svipuðum stíl,
timburhús á steyptum grunni með bröttu risi og
yfirleitt máluð í sterkum litum. Nokkur fjölbýlishús
hafa verið byggð í Narssak undanfarin ár.
Tómstundum sínum ver fólk á ýmsan máta eins
og annars staðar. Tækifærin eru kannski ekki eins
fjölbreytt og bezt verður á kosið, en í samkomuhús-
inu eru haldnir dansleikir og diskótek með svipuðu
sniði og sama hávaða og hér; þar er einnig eina
kvikmyndahús bæjarins, einnig eru a. m. k. tveir
aðrir staðir, þar sem danssamkomur eru haldnar og
veitingar seldar. I tengslum við skólann eru ýmis
kvöldnámskeið fyrir unga og gamla, þar er
öldungadeild starfrækt fyrir þá, sem vilja læra. Þá er
í bænum æskulýðsheimili og þar starfræktir ýmsir
klúbbar fyrir unglinga, alls eru í bænum 17 félög af
ýmsu tagi, iþróttafélög, söngfélög, bindindisfélög
o. fl. o. fl. Einn knattspyrnumalarvöllur er i bænum,
en ekki sá ég iðkaðar íþróttir þar að nokkru ráði,
meðan við dvöldumst i bænum.
Mikið er um, að menn fari til veiða, bæði sel- og
fiskveiða svo og laxveiða, og oft sáum við ungt fólk
fara með bakpoka sína og tjöld, annað hvort gang-
andi til fjalla eða á litlum hraðbátum til þess að fara
í útilegur.
Við heimsóttum nokkur grænlenzk heimili, og þar
sem við komum, var ekki annað að sjá en fólk byggi
mjög vel, og íslendingar, sem ég hitti og eru við
námugröftinn í Kvenefjalli, sögðu, að í Narssak
væri unnt að lifa ágætu lífi. Aðalvandamál Græn-
lendinga töldu þeir vera drykkjuskap, og urðum við
að sjálfsögðu vör við það. Mikið er búið að skrifa um
þau mál, og þótt ég vildi segja eitthvað frá þeim og
SVKITARSTJÓRNARMÁL