Sveitarstjórnarmál - 01.04.1981, Blaðsíða 10

„GRÆNLENDINGAR FYLGJAST
VEL MEÐ MÁLEFNUM Á ÍSLANDI"
Rætt vió Sigurjón Ásbjörnsson, sem verió hefur við leiðbeiningarstörf
á Grænlandi sl. vetur
Á seinasta vetri var í vissum skilningi brotið blað í
samskiptum Islendinga og Grænlendinga hvað við-
skipti varðar.
Á vegum Iðnaðardeildar Sambands ísl. sam-
vinnufélaga á Akureyri var haldin kynning á ís-
lenzkum ullarvörum i Quarqortoq (Júlianeháb), hin
fyrsta sinnar tegundar á Grænlandi, en sérstök
áherzla var lögð á að kynna íslenzka lopann, sem
hingað til hefur verið næsta óþekkt vara á Græn-
landi.
Kynningu þessari var síðan fylgt eftir með því, að
haldin voru sérstök handprjónanámskeið undir ís-
lenzkri leiðsögn, þar sem eingöngu var unnið úr ís-
Sigurjón Ásbjörnsson: „fslenzk fyrirtæki hafa áhuga á að
kanna markaðsmöguleika á Grænlandi."
lenzkum lopa, og fóru þau námskeið fram í sam-
vinnu við Grænlenzka kvenfélagasambandið og
menntamálaráðuneytið í Nuuk (Godtháb).
Frumkvæði að þessu samstarfi átti Sigurjón Ás-
björnsson á Álafossi, og var hann á Grænlandi sl.
vetur og annaðist milligöngu og stjórn með fram-
kvæmd þessa m. a. Hann hefur því haft gott tæki-
færi til að kynnast ýmsum málum frá sjónarhóli
Grænlendinga, og ekki tjóir að tala um aukið sam-
starf milli þessara þjóða, ef ekki er um gagnkvæman
vilja að ræða í þeim efnum.
Sigurjón kom hingað til lands í aprílmánuði í
tengslum við heimsókn sjónvarpsins í Júlíaneháb, og
við notuðum tækifærið til þess að biðja hann að
miðla lesendum Sveitarstjórnarmála nokkru af
reynslu sinni á Grænlandi og kynnum sínum af
sjónarmiðum Grænlendinga varðandi þau mál, sem
hér eru rædd.
— Fréttir íslenzku fjölmiðlanna af Grænlands-
málefnum hafa helzt verið bundnar deilum Græn-
lendinga við Efnahagsbandalagið um fiskveiðirétt-
indi. Hversu mikil áhrif hafa þessi mál á atvinnulíf
á Grænlandi nú?
„Þó að deilt hafi verið hart um fiskveiðiréttindin
við Grænland, er ekki annað að sjá en að sjávarút-
vegur Grænlendinga eflist hröðum skrefum og
auknar framkvæmdir bendi á grósku í atvinnumál-
um. Á sviði sjávarútvegs er nú mest áherzla lögð á
aukna afkastagetu og betri nýtingu aflans í landi, og
byggðar hafa verið fullkomnar fiskvinnslustöðvar á
vesturströndinni með nýjasta vélabúnaði. Helzta
umræðuefni manna á meðal á Grænlandi um þessar
mundir eru hugsanlegar afleiðingar úrsagnar úr
Efnahagsbandalaginu. Grænland er í bandalaginu
sem hluti af Danmörku, þrátt fyrir andstöðu meiri-
hluta Grænlendinga. Þeir vilja nú fá full yfirráð yfir
200 mílna fiskveiðilögsögu sinni, en þurfa nú eins og
kunnugt er að sækja til stjórnar Efnahagsbanda-
lagsins í Brússel, þar sem úthlutun fiskveiðileyfa við
strendur Grænlands fer fram. Grænlendingum berst
hins vegar nokkurt fé frá bandalaginu, og snýst um-
ræðan um það, með hvaða hætti megi bæta upþ
brottfall þessara fjárstrauma með nýjum tekjulind-
um, sem fengjust með fullum yfirráðum yfir græn-
lenzku fiskveiðilögsögunni. I þessu sambandi er rætt
um möndulinn Færeyjar — Island — Grænland og
víðtækara samstarf um fiskveiðimál og fiskveiði-
stefnu.“
— Finnst þér vera hljómgrunnur fyrir slíku
samstarfi meðal Grænlendinga?
SVEITARSTJÓRNARMÁL