Sveitarstjórnarmál - 01.01.2004, Blaðsíða 22

Viðtal mánaðarins
Uppsveitirnar þróast í eitt sveitarfélag
Samgöngubætur eru víða forsendur fyrir sameiningu sveitarfélaga, segir Gunnar Þorgeirsson, sem tel-
ur að sveitarfélögin í uppsveitum Árnessýslu muni þróast í eitt sveitarfélag.
Gunnar Þorgeirsson á Ártanga í Grímsnes-
og Grafningshreppi var kosinn formaður
Sambands sunnlenskra sveitarfélaga á aðal-
fundi þess að Laugalandi í Holtum í
nóvember sl. Gunnar er borgarbarn, fæddur
í Reykjavík og uppalinn þar og í Kópavogi.
Hann er lærður prentari og starfaði frá unga
aldri hjá fyrirtæki fjölskyldu sinnar, Prent-
smiðjunni Odda. Hann snéri hins vegar frá
prentiðninni eftir að hafa lokið námi og hélt
til Danmerkur þar sem hann hóf nám í
garðyrkju og lauk prófi frá garðyrkjuskóla í
Óðinsvéum árið 1985. Eftir að hann snéri
heim stofnaði hann garðyrkjubýli að Ár-
tanga í Grímsnesi sem hann hefur rekið síð-
an. Gunnar kveðst minnast samskipta við
heiðursmenn frá þeim tíma er hann starfaði
í prentsmiðjunni. Þar á meðal er Unnar
Stefánsson er ritstýrði Sveitarstjórnarmálum
um áratugi og Grímur Engilberts, sem lengi
var ritstjóri Æskunnar. „Ég hef prentað Sveit-
arstjórnarmál og Grími fannst eins og að
hann væri að fara upp í sveit þegar Oddi
flutti upp á
Ártúnshöfða," sagði Gunnar áður en hann snéri sér að málefnum
sveitarstjórnar og líðandi stundar.
Borgarbarn í sveitina
Hann segir rétt vera að hann hafi synt á móti straumnum. Borgar-
barnið hafi flutt í sveitina. Hann hafi þó ekki verið ókunnugur lífi
utan borgarinnar; verið í sveit á sumrum frá bernsku; fyrst í Laug-
ardalnum og síðar í Grímsnesinu þar sem hann hafi kynnst konu
sinni á sveitaballi. Allt hafi stefnt að því að þau settust að fyrir
austan þannig að hann hafi þurft að huga að nýjum tækifærum.
Af þeim sökum hafi þau farið til Danmerkur þar sem hann hafi
kynnt sér garðyrkju. Gunnar kveðst hafa um tíma íhugað að ger-
ast hefðbundinn bóndi og koma sér upp kúabúi en garðyrkjan
hafi orðið ofan á. „Þegar ég kom heim að skólanáminu loknu
hófst ég strax handa við að byggja garðyrkjustöðina upp. Það var
minn praxis í viðbót við hið bóklega nám ytra og síðan hef ég
starfað við þetta."
Félagsmálaf rík
Gunnar segir að fljótlega eftir að hann hafi sest að í sveitinni hafi
hann farið að skipta sér af félagsmálum. Hann er búinn að vera
níu ár í sveitarstjórn en starfaði í nefndum á vegum sveitarfélags-
ins fjögur árin þar á undan þannig að hann hefur verið viðloð-
andi sveitarstjórnarmál í nær einn og hálfan áratug. Gunnar tók
þátt í uppbyggingu björgunarsveitar og segir
það ef til vill upphafið að því að hann gaf
sig að sveitarstjórnarmálunum. Hann hefur
þó ekki yfirgefið þann vettvang og starfar
nú sem gjaldkeri Slysavarnafélagsins Lands-
bjargar. „Ég er eins konar félagsmálafrík
eins og það er kallað," segir Gunnar og
hlær að þessum einlæga áhuga sínum á fé-
lagsmálum. Hann kveðst hafa leiðst inn á
þessa braut og trúlega ekki eiga afturkvæmt
af henni nema þá með því að draga sig al-
veg í hlé frá félagsstörfum. „Það er einhvern
veginn erfitt að minnka við sig. Það fer frek-
ar á hinn veginn."
Uppsveitirnar í eina sæng
Gunnar var kosinn fyrsti oddviti Grímsnes-
og Grafningshrepps eftir sameiningu
hreppanna árið 1998 og hefur verið eini
oddviti sveitarfélagsins. Hann segir að trú-
lega verði þetta ekki langlíft sveitarfélag.
Skoðanir manna um frekari sameiningu séu
eflaust nokkuð skiptar en uppsveitahrepparnir
í Árnessýslu eigi margt sameiginlegt. Hann
nefnir byggingafu11trúa, félagsmálafulltrúa og ferðamálafulltrúa og
segir að nú sfðast hafi verið ráðinn sameiginlegur skipulagsfulltrúi
til starfa fyrir sveitarfélögin í uppsveitunum. „Því er um ýmis sam-
eiginleg verkefni að ræða sem tengja þessi sveitarfélög sterkum
böndum," segir Gunnar og bætir við að nú sé verið að Ijúka
vinnu við sameiginlega endurmenntunaráætlun fyrir uppsveitir
Árnessýslu í samvinnu við Atvinnuþróunarsjóð Suðurlands og
Skólaskrifstofu Suðurlands. Þannig sé samstarfið orðið mjög víð-
tækt á mörgum sviðum. „Við hittumst reglulega, einu sinni í
mánuði, oddvitarnir í Laugaráshéraðinu eins og við köllum þetta
svæði gjarnan þar sem við ræðum öll þau mál sem við vinnum
sameiginlega að. Við sjáum fyrir okkur að þróun verði í þá átt að
sameina þessi fjögur sveitarfélög; Bláskógabyggð, Grímsnes- og
Grafningshrepp, Hrunamannahrepp og Skeiða- og Gnúpverja-
hrepp. Nafnið verður væntanlega ekki vandamál við sameining-
una. Það eru svo margir þekktir staðir á þessu svæði sem hægt
væri að nefna sveitarfélag eftir," segir Gunnar og orðið „Skál-
holtsbyggð" hrekkur sfðan upp úr honum. „En vissulega koma
mörg önnur nöfn til greina."
Samgöngubætur gjörbreyta aðstöðunni
íbúar í Grímsnes- og Grafningshreppi felldu með um einum tug
atkvæða að vera með í þeirri sameiningu er lagði grunn að Blá-
skógabyggð á sínum tíma. Gunnar segir meginvandann við að
Cunnar Þorgeirsson, oddviti Grímsnes- og
Grafningshrepps.
22