Sveitarstjórnarmál - 01.03.2012, Blaðsíða 15
„Erfitt getur verið að fá orkumikla krakka til þess að sitja
daglangt við skólaborð og einbeita sér að bókum.“
stuðning við skólastarfið og þeir gera gagn-
vart íþróttunum."
Hvetja nemendur og foreldra
til að setja markið hátt
„Ég skrifaði þennan pistil meðal annars til
þess að vekja athygli á skólanum okkar. Ég
veit að foreldrar skynja þann kraft sem er í
krökkunum og með þessum orðum vil ég
beina honum að skólastarfinu til jafns við
íþróttastarfið. Ég er ekki að segja að skóla-
starfið sitji á hakanum en keppnisandinn er
fyrir hendi í íþróttunum og drífur krakkana
áfram. Því þarf ef til vill að hvetja þau betur í
skólastarfinu. Ég veit að skólinn okkar hér í
Grindavík er með bestu grunnskólunum á
Suðurnesjum, en í íþróttunum myndum við
aldrei sætta okkur við veru í þriðju deild."
Róbert segir að allir kennarar við Grinda-
víkurskóla séu með kennsluréttindi og að um
vel þjálfað fólk sé að ræða. Auk þess sé starf-
andi öflug skólaskrifstofa, sérkennarar og
námsráðgjafi sé til staðar og fleira fagfólk
sem sinni málefnum nemenda. Breiður hópur
af fagfólki sé því að vinna með skólanum og
leikskólanum og veita þá ráðgjöf og stuðn-
ingsþjónustu sem skólastarfi er nauðsynleg.
„Með greininni f Járngerði var ég að vekja
athygli á þessu og hvetja nemendur og
foreldra til þess að setja markið jafn hátt og
þau gera f íþróttunum. Við erum með um
460 nemendur og starfsfólkið telur um sjö
tugi þannig að í svo stórum hópum getur eitt
og annað komið upp sem þarf að takast á
við og leysa en ég tel okkur vel búin til þess
að takast á við þann vanda sem steðjað
getur að."
Lengja frímínúturnar
Róbert víkur að hvað sé góður árangur í
skólastarfi. „Þar koma ýmsir þættir saman.
Einn þeirra er að nemendur nái góðum
árangri í prófum og annar að öllum líði vel í
skólanum. Ég held að þarna sé sterkt sam-
band á milli aðstæðna og árangurs. Ég er
einnig þeirrar skoðunar að auk þurfi vægi
verklegra námsgreina. Skólaárið hefur verið
að lengjast og það hentar ekki öllum að bæta
stöðugt við bóknámið. Ég held líka að við
Unnið að gerð atvinnustefnu
Bæjarstjóm Grindavíkurbæjar er að hefja vinnu við gerð atvinnustefnu bæjarfélagsins
þar sem helstu möguleikar liggja í nýtingu jarðvarmans, sjávarútvegi og ferðaþjónustu.
Bæjarráð fer með atvinnumálin. Að sögn Guðmundar Pálssonar, formanns bæjarráðs, var
nú f febrúar lögð megináhersla á að afla upplýsinga og kynnast helstu möguleikum til frek-
ari uppbyggingar atvinnulífsins.
„Við höfum fengið til okkar góða gesti frá atvinnuþróunarfélaginu Heklunni, íslenska
jarðvarmaklasanum (lceland Geothermal), Sjávarklasanum og Matís. Bæjarráð er nú betur í
stakk búið til að greina tækifærin sem liggja í Grindavík eftir þessar heimsóknir," segir
Guðmundur.
Þó mikil óvissa sé í stefnumótun ríkisins varðandi sjávarútveg, þá er mikilvægt að hugsa
til framtíðar, að mati Guðmundar. „Miklir möguleikar eru hér í Grindavík hjá okkar sterku
sjávarútvegsfyrirtækjum til enn frekari fullvinnslu sjávaraflans. Er þá ekki einungis verið að
tala um að pakka fiskinum í neytendaumbúðir heldur aukna möguleika á frekari efna-
vinnslu f fiskinum svo sem prótín og ensím. Til þess að þetta sé möguleiki þarf bærinn að
leggja sitt af mörkum með atvinnulífinu í rannsóknar- og þróunarstörf í þessum geira."
Meðal þess sem kannað hefur verið í þessu sambandi er samstarf við MATfS um að
stofnunin setji upp starfsstöð í Grindavík til að rannsaka frekar fullnýtingu sjávarafurða og
hvetja meistara- og doktorsnemendur til rannsókna- og þróunar í samstarfi við sjávarútveg-
inn í Grindavík Unnið er að þessu verkefni í samstarfi við Sjávarklasann og sjávarútvegs-
fyrirtæki í bænum, að sögn Guðmundar.
15