Sveitarstjórnarmál - 01.10.2013, Blaðsíða 42
Fréttir
Svalbarðsstrandarhreppur fær
sveitarfélagsmerki
Svalbarðsstrandarhreppur tók nýlega í notk-
un sveitarfélagsmerki. Fram að því var Sval-
barðsstrandarhreppur fjölmennasta sveitar-
félagið á íslandi sem ekki var með sveitar-
félagsmerki en íbúar eru tæplega 400 tals-
ins.
Magne Kvam, íbúi í hreppnum, var feng-
inn til að hanna merkið ( nokkrum mis-
munandi útfærslum. Síðan var efnt til kosn-
inga meðal íbúanna um bestu útfærsluna.
Þess skal getið að allir íbúar sveitarfélagsins
höfðu atkvæðisrétt, líka börnin.
Kvöldsólin og vitinn
„Litur merkisins og sólin sem er að setjast
vísa til kvöldsólarinnar sem æði oft nýtur við
á ströndinni. Vitinn á Svalbarðseyri er eitt
helsta kennileiti Svalbarðseyrar. Fjallið í bak-
grunni er Kaldbakur í Grýtubakkahreppi, sem
við gerum pínulítið tilkall til af því að hann
Sveitarfélagsmerki Svalbarösstrandarhrepps.
er hluti af útsýninu okkar," segir Jón Flrói
Finnsson, sveitarstjóri Svalbarðsstrandar-
hrepps.
Þess má geta að byggingaframkvæmdir á
Svalbarðsströnd, á vegum kjötvinnslufyrir-
tækisins Kjarnafæðis, eru nú langt komnar
en fyrirtækið hyggst flytja alla sína starfsemi
þangað innan tíðar. Starfsmenn Kjarnafæðis
eru um 120 talsins og verður fyrirtækið lang-
stærsti atvinnurekandinn á svæðinu.
Framkvæmdir við gerð Vaðlaheiðarganga hófust i grennd við Halllandsnes i Svalbarðsstrandarhreppi i júli sl.
Áætlað er að göngin verði opnuð i árslok 2016.
Ibúasýn fyrir sveitarfélög
Utgáfa 3.3
Hugbúnaðarkerfi fyrir uppflettingu í þjóðskrá og íbúaskrá
Reglulegar uppfærslur úr þjóðskrá
Talning og nafnalistar íbúa eftir aldri, götum og hverfum
Búsetuvottorð, sambúðar- og flutningstilkynning prentuð
Hreyfingar og samtölulisti sveitarfélags
Kynjaskipting og fjöldatölur íbúa fyrir hverja götu
Niðurstöður færðar yfir í Excel
íbúasýn er í notkun hjá 38 sveitarfélögum
Tenging við OneSystems