Sveitarstjórnarmál - 01.10.2013, Blaðsíða 20

Fréttir
Sveitarfélagið Hornafjörður:
Hjalti Þór hættir sem bæjarstjóri
Hjalti Þór Vignisson bæjarstjóri.
Hjalti Þór Vignisson mun láta af starfi
bæjarstjóra í Sveitarfélaginu Hornafirði í byrj-
un nóvember. Hjalti Þór hefur starfað sem
bæjarstjóri sveitarfélagsins í sjö ár en mun
hefja störf hjá lcelandic Pelagic ehf. Þetta
kemur fram í yfirlýsingu sem Hjalti sendi frá
sér og birst hefur á heimasíðu sveitarfélags-
ins.
í yfirlýsingunni kveðst Hjalti hafa gegnt
ábyrgðarstarfi hjá Sveitarfélaginu Hornafirði í
níu ár og þar af síðustu sjö árin sem bæjar-
stjóri. Sá tími hafi verið skemmtilegur og við-
burðaríkur og öli árin hafi hann notið þess að
starfa með góðu fólki, bæði kjörnum full-
trúum og starfsfólki sveitarfélagsins.
„Eftir umhugsun síðustu vikur og mánuði
komst ég að þeirri niðurstöðu að rétt væri að
sækjast ekki eftir að gegna starfi bæjarstjóra
að loknu yfirstandandi kjörtfmabili. Það er
mitt mat að ekki sé farsælt fyrir samfélagið
að sami einstaklingur gegni starfi bæjarstjóra
of lengi," segir Hjalti í yfirlýsingunni.
Er stórfelld fækkun sveitar-
félaga framundan í Noregi?
Er stórfelld fækkun sveitarfélaga framund-
an í Noregi? Verði ríkisstjórn hægri flokk-
anna svokölluðu; Hægriflokksins, Framfara-
flokksins, Kristilega þjóðarflokksins og
„Venstre" sem er skilgreindur hægri flokk-
ur, að veruleika eru áform um að fækka
sveitarfélögunum um allt að þrjá fjórðu.
Erna Solberg, formaður Hægriflokksins,
sem leiðir stjórnarmyndunarviðræðurnar og
verður að líkum næsti forsætisráðherra Noregs
takist stjórnarmyndunin, hefur haft róttæka
sameiningu sveitarfélaga á stefnuskrá sinni.
Ekki er ákveðið hvernig staðið verður að
þessari róttæku sameiningu ef af henni verð-
ur en norska þingið mun þá ræða málið og
kortleggja hvernig staðið verður að fram-
kvæmdinni en gert er ráð fyrir að breytingin
verði afstaðin árið 2017 eða fyrir lok kjör-
tímabils nýkjörins þings. Þeir flokkar sem
standa að stjórnarmyndunarviðræðunum eru
þó ekki alfarið samstíga í málinu og mun
mestu andstöðuna að finna innan Kristilega
þjóðarflokksins.
Ferðamenn í Reykjavik i september 2013.
Alltað 1,5
milljónir
ferðamanna
árið 2023
Að mati Boston Consulting Group mun erlend-
um ferðamönnum sem hingað koma fjölga
úr um 700 þúsund í allt 1,5 milljónir fyrir árið
2023 eða að ríflega tvöfaldast á 10 ára tíma-
bili. Þetta kom fram hjá talsmönnum þess á
fundi sem haldinn var ( Hörpu fyrir skömmu.
„Gangi þetta eftir hefur það umtalsverð
áhrif á rekstur þjóðarbúsins og Ijóst að sveit-
arfélög munu einnig njóta góðs af," segir í
skýrslu Boston Consulting Group.
I skýrslunni kemur fram að á liðnu ári hafi
erlendir ferðamenn greitt um 15 milljarða
króna í beina skatta sem svarar til um 120
þúsund króna framlags til hvers heimilis í
landinu. Ef óbeinir skattar eru reiknaðir með
telst heildarfjárhæðin um 27 milljarðar króna
á árinu 2012. Vöxturinn í útflutningstekjum
af ferðaþjónustu á fyrsta áratug þessarar
aldar er talinn nema um 136%.
Frá Dröbak á austurströnd Óslófjaröarins, skammt sunnan Óslóar. Mögulega veröur allt Óslóarsvæðið
gert að einu sveitarfélagi.