Morgunblaðið - 11.01.2012, Blaðsíða 14

14 FRÉTTIRInnlent
MORGUNBLAÐIÐ MIÐVIKUDAGUR 11. JANÚAR 2012
BAKSVIÐ
Anna Lilja Þórisdóttir
annalilja@mbl.is
Sumar starfsstéttir finna meira fyrir
færðinni en aðrar. Þannig þurfa
sjúkraflutningamenn að ryðjast í
gegnum skafla með fárveikt fólk og
sorphirðumenn eru margfalt lengur
að gegna störfum sínum þegar mikill
snjór er á götum og gangstéttum.
Svo eru þeir sem hreinsa snjó af göt-
um og þurfa að byrja vinnu sína um
miðja nótt til að geta lokið sem
mestu áður en borgarbúar fara á ról.
„Það getur verið mjög erfitt að
komast með slökkvibílinn í þessari
færð. Strákarnir á sjúkrabílnum
hafa eitthvað verið að festa sig, en
hafa nú náð að bjarga sér,“ sagði
Þorvaldur Geirsson, varðstjóri hjá
Slökkviliði höfuðborgarsvæðisins,
þegar Morgunblaðið leit inn í starfs-
stöð slökkviliðsins í Skógarhlíð í
gærmorgun.
„Stundum, þegar lítið sem ekkert
er búið að ryðja, komumst við ekki
alveg að húsunum og þurfum að
bera fólk nokkra tugi metra að
sjúkrabílnum,“ segir Sverrir Árna-
son, sjúkraflutningamaður hjá
Slökkviliði höfuðborgarsvæðisins.
„Það getur verið mjög erfitt fyrir
bráðveikt eða slasað fólk að láta
hnoðast svona með sig í snjónum og
sumir verða mjög hræddir. Það er
algerlega verið að setja sig í hendur
annarra.“
Stórvirkar vinnuvélar voru sendar
í efri byggðir borgarinnar í gær, en
þar var illfært. Unnið var á veghefl-
um í húsagötum og hafist var handa
við að flytja á brott stærstu snjó-
haugana sem myndast höfðu við
snjóhreinsun undanfarnar vikur.
Hjörtur Traustason sat undir
stýri á stórum pallbíl í Leifsgötu um
hádegisbilið í gær. Hann var þar að
störfum ásamt gröfumanni, sem
mokaði mannhæðarháum snjósköfl-
um á pallinn á bíl Hjartar. „Snjónum
er sturtað í haug við höfnina og fer
síðan út í sjó, sagði Hjörtur. „Við
byrjuðum klukkan fjögur í nótt og
þetta er gata númer tvö. Þetta er
mjög seinlegt, margar götur eru
mjög þröngar og mikið af bílum.
Maður talar nú ekki um þegar líða
tekur á daginn og umferðin byrjar.
En það er fullt af götum eftir og við
tökum eins mikið og við getum
mögulega náð.“
Haukur segir flest fólk afar þakk-
látt þegar það sér hann að störfum.
„Margir koma til okkar og þakka
okkur fyrir, öðrum finnst við hrein-
lega þvælast fyrir. En ég lenti í
pönnukökum í síðustu viku. Fólkið
var svo ánægt þegar við ruddum
götuna þeirra, að þau hættu ekki
fyrr en við komum inn til þeirra í
pönnukökur og kaffi.“
Spáð rigningu um helgina
Gangi spá Veðurstofu eftir mun
veður lægja talsvert í dag. Spáð er
norðvestan 8-15 á Norðausturlandi,
annars verður fremur hæg vest-
anátt. Dálítil él verða með norður-
og vesturströndinnni, annars bjart á
köflum. Frost verður 0-8 stig.
Á morgun er spáð 0-12 stiga
frosti, en á föstudaginn verður hiti
3-9 stig síðdegis. Suðlæg átt verður
um helgina og væta með köflum.
Mikilli rigningu er síðan spáð um
helgina og gæti færð þá orðið svipuð
og síðustu helgi, en þá voru borg-
aryfirvöld í Reykjavík gagnrýnd fyr-
ir að hafa ekki sinnt sandburði og
söltun sem skyldi. Guðni Hann-
esson, umsjónarmaður snjómokst-
urs og hálkueyðingar hjá borginni,
segir að betur verði staðið að mál-
um. „Við förum út alla morgna og er-
um alltaf tilbúin,“ segir Guðni.
Fleiri finna fyrir vetrartíð en
mannfólkið. Við Leifsgötuna var
verið að draga bifreið á brott í gær-
morgun og við eftirgrennslan blaða-
manns kom í ljós að bíllinn þoldi illa
kulda og vosbúð og gaf því upp önd-
ina í gær. „Hann er núna á leiðinni á
verkstæði, inn í hlýjuna,“ sagði eig-
andinn. „Hann þolir eiginlega ekki
meira en fimm stiga frost.“
Þurfa að bera tunnurnar
Helgi Helgason starfar hjá Sorp-
hirðu Reykjavíkurborgar og var við
störf í Selvogsgrunni á hádegi í gær.
„Það er búið að vera rosalegt ástand
á okkur alveg síðan fyrir jól,“ sagði
Helgi. „Þessi snjór og hálka er mar-
tröð öskukarlsins.“
Hann sagði að mjög misjafnt væri
eftir hverfum borgarinnar hvernig
sorphirða gengi. Förinni var heitið í
Fossvoginn síðar um daginn og
sagðist Helgi kvíða því. „Þar verður
svakalegt ástand. Það hefur nánast
ekkert verið rutt þarna.“
Helgi sagði að þegar svona mikill
snjór væri á götum og gangstéttum
væri margfalt álag að keyra tunn-
urnar. Stundum er það ekki hægt og
sorphirðumenn þurfa þá að bera
þær. „Menn eru að fara í bakinu og
eru búnir eftir daginn,“ sagði Helgi.
Sorphirða er núna um tveimur
dögum á eftir áætlun og að sögn
Helga hafa flestir borgarbúar á því
fullan skilning. „Það flýtir auðvitað
fyrir okkur ef fólk mokar frá tunn-
unum.“
Helgi hefur starfað við sorphirðu í
40 ár, eða frá árinu 1972. „Ég man
svo sannarlega eftir svona veðurfari.
Það voru miklu þyngri vetur áður.
Undanfarin tíu ár hafa verið eins og
paradís, við erum orðin svo góðu
vön.“
Morgunblaðið/Sigurgeir S.
Snjóskaflar Sjúkraflutningamenn þurfa að ösla skafla, rétt eins og aðrir landsmenn. Vandasamt er að flytja fólk á börum í slæmri færð og hafa þeir þurft að bera sjúklingana.
Martröð öskukarlsins
 Sjúkraflutningamenn þurfa að bera veikt fólk yfir skaflana  Mikið álag er á sorphirðumönnum
 Stórvirkar vinnuvélar moka snjó í borginni  Snjósköflum Reykjavíkur verður sturtað út í sjó
Sorphirða Snjór og hálka eru martröð öskukarlsins, segir sorphirðumaður
hjá Reykjavíkurborg. Sorphirða er um tveimur dögum á eftir áætlun.
Grafa Ýmsar stórvirkar vinnuvélar hafa verið að störfum undanfarna daga.