Morgunblaðið - 12.01.2012, Blaðsíða 17

FRÉTTIR 17Innlent
MORGUNBLAÐIÐ FIMMTUDAGUR 12. JANÚAR 2012
–– Meira fyrir lesendur
Katrín Theódórsdóttir
Sími: 569 1105
kata@mbl.is
NÁNARI UPPLÝSINGAR GEFUR:
PÖNTUNARTÍMI AUGLÝSINGA:
Fyrir kl. 16, mánudaginn 16. janúar
Morgunblaðið gefur út
sérblað um Þorrann
föstudaginn 20. janúar.
Þetta sérblað verður
með ýmislegt sem tengist
þorranum bæði í mat
og öðru spennandi efni.
Þorrinn
SÉRBLAÐ
MEÐAL EFNIS:
Allt um Þorramatinn.
Viðtal við sanna þorramatmenn.
Þorrablót í heimahúsum.
Þorrabjórinn.
Þorramatur sem allir geta borðað.
Saga Þorrablótshefðarinnar.
Þorrablót um land allt.
Heimaverkun á þorramat.
Vinsæl sönglög á þorrablótum.
Þorraminningar
þekktra Íslendinga.
Ásamt fullt af spennandi
efni um Þorrann.
ÚR BÆJARLÍFINU
Skapti Hallgrímsson
Akureyri
Bjartsýni ríkir á Akureyri eftir
nýjustu skýrsluna um fyrirhuguð
Vaðlaheiðargöng. „Ég sé ekkert
lengur sem gæti komið í veg fyrir
að göngin verði að veruleika,“ sagði
Geir Kristinn Aðalsteinsson, forseti
bæjarstjórnar, við Morgunblaðið í
gær. Aðrir málsmetandi menn sem
rætt var við virðast líka sannfærðir
um að niðurstaðan verði þessi þó
ekki hafi það verið tilkynnt form-
lega.
  
Kærunefnd jafnréttismála úr-
skurðaði á dögunum að Akureyr-
arbær hefði brotið gegn ákvæðum
laga um jafna stöðu og jafnan rétt
kvenna og karla, við ráðningu í
starf við Ráðgjöfina heim í júlí 2011.
  
Kærandinn er karl, sem taldi að
brotið hefði verið gegn jafnrétt-
islögum þegar ráðið var í starf ráð-
gjafa hjá búsetudeild bæjarins.
Kona var ráðin en karlinn taldi sig
vera hæfari eða a.m.k. jafn hæfan
og sú sem var ráðin.
  
Akureyrarbær taldi aftur á
móti að konan hefði verið hæfasti
umsækjandinn vegna reynslu og
persónulegra eiginleika. Kærunefnd
jafnréttismála komst að þeirri nið-
urstöðu að kærandi hefði bæði
meiri menntun og starfsreynslu en
konan.
  
Kærunefndin segir, að í ljósi
þeirrar niðurstöðu hvíli það á kærða
að leiða líkur að því að kæranda
hafi ekki verið mismunað á grund-
velli kynferðis. Taldi nefndin ekki
nægilega fram komið að aðrar
ástæður en kynferði hefðu legið til
grundvallar ráðningarinnar.
  
Fólk í ferðabransanum á Ak-
ureyri og nágrenni hittist á dög-
unum til þess að bera saman bækur
sínar eftir jóla- og áramótavertíðina
og huga sameiginlega að framtíð-
inni. Ekki er hægt að segja að ver-
tíðin sé orðin „alvöru“ en mjór er
mikils vísir og menn eru bjartsýnir
á að mikil sóknarfæri séu í grein-
inni á þessum árstíma.
  
Bent var á, á áðurnefndum
fundi, að því er mér er sagt, að ekki
væri ýkja langt síðan varla var
hægt fyrir utanbæjarfólk að fá að
borða um páskana, hvað þá að gera
eitthvað annað. Að vísu var hægt að
fara á skíði, en þá var upp talið. Nú
er öldin önnur.
  
Athygli vakti í vikunni að
fulltrúi L-listans í skólanefnd, Anna
Sjöfn Jónasdóttir, lagði fram bókun
þar sem hún mótmælti vinnubrögð-
um L-listans, sem ákvað að fresta
gildistöku fyrirhugaðra breytinga á
morgunverði í leikskólum bæjarins.
  
Rétt fyrir jól sagði Sigurveig
Bergsteinsdóttir af sér sem formað-
ur skólanefndar og hætti störfum
fyrir L-listann vegna sama máls.
  
Vínarsveifla, rómantík og
glæsileiki ráða ríkjum á nýjárstón-
leikum kvennakórsins Emblu í Ket-
ilhúsinu á laugardaginn. Þar verður
flutt Vínartónlist eftir Jóhann
Strauss og fleiri. Gestur er Gissur
Páll Gissurarson og stjórnandi Roar
Kvam. Tónleikarnir hefjast kl. 16.
  
Aðrir nýárstónleikar eru fyr-
irhugaðir á laugardag; þeir verða
kl. 20 í Hofi og á sviðinu verða
Lúðrasveitin Svanur og hljóm-
sveitin Hundur í óskilum. Músík Jó-
hanns Strauss er líka á efnisskránni
þar, ásamt mörgu öðru, en blærinn
örugglega annar en í Ketilhúsinu og
útsetningar á aðra lund. En þar
sem hundarnir eru, og 60 manna
lúðrasveit, verður örugglega fjör!
  
Fresta varð rimmu MA-inga og
Laugamanna í spurningakeppni
framhaldsskólanna, Gettu betur, á
Rás 2, í vikunni vegna veðurs og
ófærðar. Laugamenn komust ekki
(aðallega) vegna þess að ekki er bú-
ið að bora í gegnum Vaðlaheiðina...
Vissir um að göngin verði að veruleika
Morgunblaðið/Skapti Hallgrímsson
Heilbrigð sál... Akureyringar eru duglegir að hreyfa sig eins og aðrir, ekki síst eftir jólin. Fallegt var við Sundlaug
Akureyrar í ljósaskiptunum síðdegis í gær, gufa lá yfir lauginni vegna frostsins. Trimmarar í Þrekhöllinni í baksýn.
Lögreglan á höfuðborgarsvæðinu
fékk nýverið tilkynningu um mann
sem sagður var sitja hreyfingarlaus
á bekk við suðurenda Reykjavíkur-
tjarnar. Brást lögreglan skjótt við,
enda allt eins víst að maðurinn væri
í bráðri hættu.
Á vettvangi reyndist vissulega
vera um hreyfingarlausan mann á
bekk að ræða, sjálfan Tómas Guð-
mundsson Reykjavíkurkáld. En
þetta var að sjálfsögðu styttan af
Tómasi og gátu lögreglumenn hald-
ið til annarra verka. Fær lögreglan
stundum útköll sem þetta sem reyn-
ast á misskilningi byggð.
Lögreglu tilkynnt um mann við Tjörnina
– reyndist vera styttan af borgarskáldinu
Stytta Snjór yfir Tómasi Guðmundssyni.
Ljósmynd/Lögreglan
Íslandsstofa mun verða með allstórt
sýningarsvæði á Heimsleikum ís-
lenska hestsins sem haldnir verða í
Berlín í byrjun ágúst á næsta ári.
Reiknað er með að íslensk fyrirtæki
sem stunda viðskipti í Þýskalandi
sjái sér hag í að kynna sig þar, þótt
þau byggi ekki sérstaklega á þjón-
ustu við hestafólk.
Íslandsstofa hefur skipulagt þátt-
töku íslenskra fyrirtækja á Heims-
leikum íslenska hestsins á undan-
förnum árum. Þar hafa fyrirtæki í
hestatengdri þjónustu verið mest
áberandi. Aðalsteinn Haukur Sverr-
isson, verkefnisstjóri á sýningar-
sviði, segir að búið sé að taka frá sýn-
ingarsvæði í samvinnu við Hrímni og
Top Reiter og íslenskum fyrirtækj-
um verði boðið að vera þar undir
hatti Íslandsstofu. Reiknar hann
með því að fyrirtækin telji eftirsókn-
arvert að kynna sig á þessu móti sem
haldið er inni í stórborg.
Verið er að byggja upp veglegt
„heimsþorp“ með sýningar- og sölu-
aðstöðu við reiðvöllinn í Karlshorst í
Berlín þar sem leikarnir verða
haldnir. Búist er við góðri aðsókn en
allt að 19 þúsund gestir geta verið
við völlinn í einu. Aðalsteinn bendir á
að gestirnir hafi áhuga á íslenska
hestinum og raunar öllu sem íslenskt
er. Því ættu öll íslensk fyrirtæki sem
stunda viðskipti í Þýskalandi að geta
séð sér hag í að kynna sig.
helgi@mbl.is
Fyrirtæki vilja
kynna sig í Berlín
Stóð Fyrirtækin vilja tengja sig við
íslenska hestinn á HM í Berlín.