Morgunblaðið - 02.02.2012, Blaðsíða 4

4 FRÉTTIRInnlent
MORGUNBLAÐIÐ FIMMTUDAGUR 2. FEBRÚAR 2012
Ingvar P. Guðbjörnsson
ipg@mbl.is
Engar formlegar samningaviðræður
hafa átt sér stað vegna framkvæmda
við Vaðlaheiðargöng, en lægsta til-
boðið í verkið rennur út 14. febrúar.
Tilboð voru opnuð 11. október sl.
og áttu ÍAV/Marti Contractors Lts.
lægsta tilboðið, upp á 8,8 milljarða.
Stjórnvöld hafa enn ekki náð nið-
urstöðu um framkvæmdina og hefur
Vegagerðin engar heimildir fengið
til að vinna að samningum.
Samkvæmt tilboði verktaka áttu
framkvæmdir að hefjast fyrir ára-
mótin, en áætluð framkvæmdalok
eru 31. júlí 2015.
Karl Þráinsson, forstjóri ÍAV,
segir að einn stuttur skýringafundur
hafi verið haldinn
í kjölfar opn-
unartilboða, en
síðan hafa engin
samskipti verið
vegna málsins.
Annar skýr-
ingafundur hafi
þó verið boðaður í
næstu viku, en
um efni hans seg-
ist Karl ekki hafa
neinar nánari upplýsingar.
„Við fylgjumst bara með fjöl-
miðlum,“ segir Karl spurður um
stöðu mála gagnvart þeim.
Karl segir að fyrirtækið sé tilbúið
til að hefja verkið en það taki þó ein-
hvern tíma að komast af stað. Ræða
þurfi við samstarfsaðila, birgja o.fl.
Verkið mun skapa um 50-70 störf
á vegum ÍAV, en Karl telur að því til
viðbótar skapist fjöldi afleiddra
starfa í Eyjafirði hjá þjónustuaðilum
og undirverktökum. Alls megi áætla
að 120 manns hafi atvinnu við verkið
þegar mest verði.
Karl segir að fyrirtækið þurfi að
bæta við mannskap, en að ákveðinn
kjarni af núverandi starfsmönnum
muni vinna við göngin einnig. Þá
segir hann að vélar og tækjabúnaður
sé til staðar, sumt sérstaklega ætlað
í verkið.
„Það eru græjur hérna á Íslandi
sem við erum búin að eyrnamerkja í
þetta verk,“ segir Karl og bætir við:
„En ef það verður ekki af þessu
verki á þessum tíma getur verið að
þessi tæki fari eitthvað annað.“
Eru í startholunum
 Tilboð í Vaðlaheiðargöng rennur út 14. febrúar  Engar
formlegar samningaviðræður  Mun skapa allt að 120 störf
Karl
Þráinsson
Hólmfríður Gísladóttir
holmfridur@mbl.is
Það var að finna á athugasemdum og
spurningum foreldra barna í Hamra-
skóla og íbúa Hamrahverfis á fundi
með fulltrúum skóla- og frí-
stundaráðs Reykjavíkurborgar í
gærkvöldi, að mikillar óánægju og
reiði gætir í hverfinu vegna fyrirhug-
aðrar sameiningar unglingadeildar
Hamraskóla við unglingadeildina í
Foldaskóla næsta haust. Mikið var
um klapp og frammíköll og fóru fund-
armenn ítrekað fram á að fá að vita
hversu mörgum undirskriftum þyrfti
að safna til að hætt yrði við samein-
inguna.
Fyrir fundinn hafði einn fulltrúi
foreldra í stýrihóp um sameininguna
sagt sig úr hópnum, vegna þess að
honum fannst áhyggjum foreldra
ekki hafa verið svarað. Annar fulltrúi
í stýrihópnum, formaður foreldra-
félags Húsaskóla, þaðan sem einnig á
að flytja unglingadeildina yfir í
Foldaskóla, fór að dæmi hans á fund-
inum í gær og sagði sig einnig úr
stýrihópnum.
Snúnar samgöngur
Oddný Sturludóttir, formaður
skóla- og frístundaráðs, hóf fundinn á
því að rekja ferlið að baki ákvörð-
uninni en svaraði síðan spurningum
foreldra frá fundi sem haldinn var í
síðustu viku en fulltrúar borgarinnar
sáu sér ekki fært að mæta á.
Í máli Oddnýjar, og þeim spurn-
ingum sem bornar voru upp síðar á
fundinum, kom fram að foreldrum
þykir hvorki hafa verið sýnt fram á að
faglegur né fjárhagslegur ávinningur
verði af sameiningunni en samkvæmt
útreikningum borgarinnar er hann
áætlaður 14 milljónir á þessu ári og
28,5 milljón á því næsta.
Þá voru fjöldamargar athugasemd-
ir gerðar varðandi samgöngumál og
m.a. bent á að vegalengdin milli
Hamrahverfis og Foldaskóla væri 2
kílómetrar. Börnin þyrftu að ganga
þessa vegalengd eða hjóla í alls kyns
veðri, vegna þess að strætó gengi
ekki þessa leið og fyrirsjáanlegt væri
að þetta myndi kosta foreldrana bæði
tíma og peninga vegna bílferða. Þá
var einnig bent á að umferð-
araðstæður við Foldaskóla byðu ekki
upp á slíkt skutl.
Nokkrir vöktu máls á því að þeir
hefðu fjárfest í húsnæði í Hamra-
hverfinu vegna Hamraskóla og rætt
var um hvaða áhrif breytingin hefði á
hverfisbrag. Þá komu fram áhyggjur
af því að hættan á einelti og
áhættuhegðun myndi aukast
við sameininguna en tveir
nemendur unglingadeild-
arinnar skoruðu á fulltrúa
borgarinnar að finna annan
skóla þar sem engin ungling-
ur reykti né drykki líkt og
ætti við um Hamraskóla. „Við
erum ekki bara strik í Excel-
skjali,“ sagði annar
þeirra við mikinn fögnuð
viðstaddra.
Mikil reiði á fundi
vegna sameiningar
 „Hversu mörgum undirskriftum þurfum við að safna?“
Morgunblaðið/Árni Sæberg
Sameiningar Mikill hiti var í fundarmönnum á fundi skóla- og frístundasviðs borgarinnar með foreldrum og íbúum
í Hamrahverfi í gær. Voru margir afar óánægðir með að ekki hefði verið haft meira samráð við foreldra í ferlinu.
Guðni Einarsson
gudni@mbl.is
„Það skilur mann eftir hálftóman að
fá svona fréttir,“ sagði Stefán Óla-
son, bóndi í Merki á Jökuldal. Riða
greindist í heilasýni úr fullorðinni
kind frá bænum sem slátrað var í
haust. Á Merki eru um 530 kindur
og stefnir í að þær verði skornar.
Það verður í annað skiptið sem fé á
bænum er skorið vegna riðu.
Sauðfjárbúskapurinn er aðalat-
vinna Stefáns og konu hans en Stef-
án hefur einnig verið í skólaakstri.
Systir Stefáns á hlut í búinu sem
hann hefur leigt. Stefán hefur verið
sauðfjárbóndi í meira en 30 ár.
Hann sagði það hafa verið erfitt að
ganga í gegnum niðurskurðinn fyrir
um 20 árum þegar fé var skorið á
öllum bæjum á svæðinu. Þá höfðu
menn stuðning hver af öðrum en nú
lendir hann einn í þessu.
„Þetta er gríðarlegt áfall,“ sagði
Stefán. Hann sagði það hafa hleypt
bjartsýni í bændur að ekki skyldi
hafa fundist nein kind með riðu á
landinu í fyrra. Menn hefðu talið að
nú væri að sjást endanlegur árang-
ur í stríðinu við riðuna. Stefán sagði
að ekki hefðu sést nein einkenni um
riðu í fénu á Merki og mjög góðar
heimtur verið af fjalli síðasta haust.
„Við höfum ekki haft neinn grun
um svona,“ sagði Stefán. Hann sagði
að þau hefðu alltaf sent fullorðna féð
í sláturhús, þótt lítið fengist fyrir
það, í stað þess að lóga því heima
eins og margir gera. Þá viti engin
neitt um mögulegt riðusmit. Bærinn
þarf að vera fjárlaus í a.m.k. tvö ár.
Stefán kvaðst vona að þetta ár yrði
talið með því ekkert fé færi frá bæn-
um í haga á þessu ári. Hann á mikil
hey og hefur kostað miklu til að afla
þeirra, bæði áburðar og rúlluplasts.
Ekki má selja hey frá riðubæjum.
Stefán kvaðst ekki vita hvað hann
ætti að gera við allt heyið.
Ekki jafn smitandi afbrigði
Riðan í kindinni frá Merki er af
afbrigðinu NOR 98 en það fannst
fyrst í Noregi árið 1998. Þetta er í
fjórða skipti sem afbrigðið finnst
hér en það fannst áður í Miðfirði,
Biskupstungum og Hrunamanna-
hreppi. Þetta afbrigði hefur ekki
verið talið eins smitandi og önnur
afbrigði riðu og hafa Norðmenn
reynt að þrýsta á að það sé ekki litið
jafn alvarlegum augum og önnur
riða.
„Við höfum fylgt Alþjóðadýra-
læknastofnuninni og Evrópusam-
bandinu í afstöðu til þessa afbrigð-
is,“ sagði Þorsteinn Ólafsson,
sérgreinadýralæknir hjá MAST.
Hann sagði að Íslendingar hefðu
beitt hörðum aðgerðum gegn riðu
og ekki hefði verið tekin ákvörðun
um annað en að líta á þetta sem al-
varlega gerð af riðu. Hér viðhefðu
menn fulla varúð gegn riðunni.
Hægt er að yfirfæra NOR 98 af-
brigðið í mýs en hún er greinilega
ekki jafn smitandi og önnur riða.
Þrjú síðustu tilfelli um riðu, á
undan þessu, fundust vegna þess að
bændur kölluðu til dýralækna vegna
einkenna sem þeir sáu í fénu.
Skera 530 fjár
frá Merki á Jök-
uldal vegna riðu
 Riða af afbrigði NOR 98 sem er ekki
talið eins smitandi og önnur afbrigði riðu
Morgunblaðið/RAX
Sauðfé Riðan er sjúkdómur sem
m.a. leggst á sauðfé og geitur.
Ráðist gegn riðunni
» Merki er í Héraðshólfi, milli
Jökulsár á Dal og Lagarfljóts.
Síðast greindist riða í hólfinu á
einum bæ árið 1997.
» Allt fé á svæðinu var skorið
vegna riðu árið 1990, fyrir
rúmum 20 árum.
» Riðuveiki er arfbundinn,
langvinnur og ólæknandi sjúk-
dómur í sauðfé og geitum.
Riðuveiki í sauðfé berst ekki í
fólk.
Formaður skóla- og frí-
stundaráðs, Oddný Sturludóttir,
nefndi aukna áherslu á valfög
sem faglegan ávinning af sam-
einingunni og sagði að þótt
sparnaðurinn virtist lítill við
hverja sameiningu fyrir sig
þyrfti að líta á heildarmyndina í
borginni. Fjárhagslegt svigrúm
sem af þessu hlytist yrði nýtt til
að sinna t.d. bókasöfnum og
skólaþróunarverkefnum sem
hefðu setið á hakanum und-
anfarin ár.
Oddný sagði þekkt að breyt-
ingar á skólastarfi mættu and-
stöðu til að byrja með en yf-
irleitt hefði ríkt sátt um þær
eftir á. Hún sagði að vissulega
væru hlutir sem hefði mátt
gera öðruvísi, sú leið sem
hefði verið farin hefði aðeins
verið ein af mörgum mögu-
legum.
Hvað varðaði kröfu for-
eldra barnanna í Hamra-
skóla sagði hún afar
ólíklegt að fallið yrði
frá sameining-
aráformunum.
Ólíklegt að
hætt verði við
BREYTINGAR
Oddný
Sturludóttir