Morgunblaðið - 02.02.2012, Blaðsíða 15

FRÉTTIR 15Innlent
MORGUNBLAÐIÐ FIMMTUDAGUR 2. FEBRÚAR 2012
Sigtryggur Sigtryggsson
sisi@mbl.is
Nýliðinn janúarmánuður telst hafa
verið úrkomu- og illviðrasamur um
meginhluta landsins. Svo segir
Trausti Jónsson veðurfræðingur í
yfirliti sínu og er óhætt að segja að
sú umsögn komi landsmönnum ekki
á óvart. Suðvestanlands var venju
fremur snjóþungt og sömuleiðis var
allmikill snjór á Vestfjörðum og
sums staðar norðanlands. Hiti var
ofan við meðallag um land allt, mest
austanlands.
Meðalhiti í Reykjavík mældist 0,4
stig og er það um 1,0 stigi ofan við
meðallag áranna 1961 til 1990 en 0,5
stigum undir meðallagi áranna 2001
til 2010. Á Akureyri var meðalhitinn
0,3 stig og er það 2,4 stigum ofan
meðallags. Á Höfn í Hornafirði var
meðalhitinn 1,7 stig og -4,4 stig á
Hveravöllum, 2,3 stigum ofan með-
allags.
Hæsti hiti mánaðarins mældist á
Skjaldþingsstöðum 29. janúar, 15,6
stig, sama dag mældist hámarkshiti
15,2 stig á sjálfvirku stöðinni á
Siglufirði. Lægsti hiti mánaðarins
mældist á Brú á Jökuldal, -22,6 stig
þann 27. Lægsta lágmark á mann-
aðri stöð mældist á Torfum í Eyja-
firði sama dag, -17,5 stig.
Snjóþungt var um landið sunnan-
og vestanvert og sömuleiðis var
mikill snjór á Vestfjörðum norð-
anverðum og sums staðar norð-
anlands. Olli snjórinn ýmiss konar
vandræðum, ekki síst vegna þess að
mikil svellalög sem fylgdu kulda og
snjó í desember tók seint og illa
upp. Óttast margir kal í vor og sum-
ar.
Mikil snjóþyngsli
Í Reykjavík voru 24 alhvítir dagar
og er það 12 dögum meira en að
meðaltali 1961 til 1990, en 9 dögum
meira en að meðaltali 1971 til 2000.
Alhvítir dagar hafa ekki verið fleiri í
janúar í Reykjavík síðan 1993 en þá
voru þeir 27. Alhvítir dagar voru 23 í
janúar 1995 og 2005. Að magni til er
snjórinn í janúar einnig sá mesti í
janúar frá 1993 og aðeins 5 sinnum
hefur snjór verið meiri í janúar frá
því að samfelldar mælingar á snjó-
dýpt ásamt mati á snjóhulu hófust í
Reykjavík árið 1921. Sé einnig litið
til annarra almanaksmánaða er það
einungis í febrúar árið 2000 sem
snjómagn var svipað og nú, eftir
1993, segir Trausti. Séu mánuðirnir
tveir, desember og janúar, teknir
saman kemur í ljós að aldrei hafa
snjóþyngsli orðið samtals jafnmikil í
mánuðunum tveimur og nú. Aðeins
tvö önnur mánaðapör skáka því
snjómagni sem nú hefur gengið yfir
í Reykjavík, það eru janúar og febr-
úar 1984 og febrúar og mars 1989.
Febrúar og mars 2000 eru ekki
langt undan. Hafa verður í huga að
mælt hefur verið á nokkrum stöðum
í bænum og alls ekki er víst að mæli-
aðstæður séu sambærilegar í raun.
Á Akureyri voru alhvítu dagarnir
21 og er það í meðallagi.
Þótt veðraskak hafi verið talsvert
var lítið um illviðri sem náðu til
stórra hluta landsins eða þess alls,
að því er fram kemur í veðuryfirlit-
inu.
Snjóþungur og illviðrasamur
 Nýliðinn janúarmánuður kemst í annála  Hitinn var þó ofan við meðallag um
land allt  Mikil svellalög fylgdu kulda og snjó og margir óttast kal í vor og sumar
Morgunblaðið/Ómar
Ærið verkefni Svefndrukknum flugfarþega brá í brún þegar hann kom að bíl sínum við Leifsstöð sl. föstudagsmorgun. Moksturinn tók drjúga stund.
Mjög úrkomusamt var á Suður-
og Vesturlandi í janúar og úr-
koma var einnig ofan við með-
allag víðast hvar fyrir norðan.
Í Reykjavík mældist úrkoman
144,6 millimetrar og er það 90%
umfram meðallag. Í Stykk-
ishólmi var úrkoman einnig um
90% umfram meðallag jan-
úarmánaðar. Úrkoma á Akureyri
mældist 72,7 mm og er það um
30% umfram meðallag.
Úrkoma á Stórhöfða í Vest-
mannaeyjum mældist 314,4 mm.
Þar hefur verið mælt samfellt frá
1921 og hefur aldrei mælst meiri
úrkoma í janúar en nú.
Úrkoma 90%
yfir meðallagi
VOTVIÐRASAMUR JANÚAR
Leiguþyrla Landhelgisgæslunnar
er væntanleg til landsins í dag eða á
morgun. Með henni mun aftur
aukast björgunargeta þyrlusveit-
arinnar sem haft hefur eina björg-
unarþyrlu frá því Líf fór í stóra
skoðun í Noregi fyrir miðjan jan-
úar.
Kveðið er á um það í verklags-
reglum flugrekstrardeildar Land-
helgisgæslunnar að þyrla sé ekki
send út á sjó nema til taks sé önnur
leitar- og björgunarþyrla með
áhöfn. Miðað er við 20 sjómílur frá
landi.
Samkvæmt upplýsingum frá
Landhelgisgæslunni á þetta að
tryggja leitar- og björgunargetu
vegna flugs þyrluáhafna út yfir sjó.
Reglurnar eru settar samkvæmt al-
þjóðlegum stöðlum og tekið fram
að reglur flugmálayfirvalda skerði
ekki möguleika til leitar- og björg-
unarflugs yfir sjó. Í nær öllum ná-
grannalöndum hafa yfirvöld tryggt
þessa björgunargetu.
Þyrluáhöfn fór til Noregs í fyrra-
dag til að sækja nýju þyrluna. Fer
það eftir veðri hvenær henni verð-
ur flogið til landsins. helgi@mbl.is
Ljósmynd/Landhelgisgæslan
Leiga Norska þyrlan er að koma.
Þyrlan sótt
til Noregs
Rangt föðurnafn
Í frétt í blaðinu í gær um fund í
stjórnskipunar- og eftirlitsnefnd Al-
þingis var farið rangt með nafn for-
manns nefndarinnar. Hún heitir Val-
gerður Bjarnadóttir. Beðist er
velvirðingar á þessum mistökum.
Nafn féll niður
Í frétt um framboð sr. Þórhalls
Heimissonar til biskups féll niður
nafn eiginkonu hans. Hún er sr.
Ingileif Malmberg, sjúkra-
húsprestur á Landspítalanum og
kirkjuþingsmaður, og eiga þau fjög-
ur börn. Beðist er velvirðingar á
mistökunum.
LEIÐRÉTT