Morgunblaðið - 16.02.2012, Qupperneq 14
Þróun mannfjölda og þjóðkirkjunnar
320.000
300.000
280.000
260.000
240.000
220.000
200.000
Mannfjöldi
1. janúar ár hvert
Skráðir í þjóðkirkjuna
1998 2012
272.381
244.893
(89,91%)
245.456
(76,81%)
319.575
Dæmi um þróun í öðrum trúfélögum
2000 2004 2008 2012
Fjöldi 1. janúar: Fríkirkjan í Reykjavík Kaþólska kirkjan Ásatrúarfélagið
Búddistafélag Íslands Múslimar* Utan trúfélaga
*Fram til 2010 var aðeins Félag múslima á Íslandi. Þá varð til nýtt félag, Menningarsetur múslima á Íslandi.
Tölur fyrir 2012 eru samanlagður fjöldi í báðum félögum. Heimild: Hagstofa Íslands
16.000
14.000
12.000
10.000
8.000
6.000
4.000
2.000
0
5.
13
2
3.
85
7
5.
59
4 8
.0
74 10
.4
55
5.
93
8 7.
51
1 9.
14
3
35
3
4
18
13
4 78
7
51
9
29
2 1.
15
4
75
9
37
3 1.
95
1
94
9
69
45.
99
6
6.
94
1 8.
78
7
15
.8
0
2
FRÉTTASKÝRING
Baldur Arnarson
baldura@mbl.is
Skráðir félagar í þjóðkirkju Íslands
voru 245.456 á nýársdag 2012 og
höfðu þá ekki verið jafn fáir á fyrsta
degi ársins síðan árið 1998.
Ísland er ung þjóð og fjölgar
landsmönnum ár frá ári. Árið 2010 er
undantekning á tímabilinu sem hér
er til skoðunar en þá varð fækkun
vegna brottflutnings.
Hlutfall skráðra félaga í þjóðkirkj-
unni hefur ekki aðeins staðið í stað
heldur hefur það minnkað sem hlut-
fall af íbúafjöldanum.
Samkvæmt mannfjöldatölum
Hagstofu Íslands voru landsmenn
272.381 á nýársdag 1998 og hafði
þeim því fjölgað um 47.194 hinn 1.
janúar sl. er íbúafjöldinn stóð í
319.575. Yfirfært í prósentur þýðir
þetta að 1. janúar 1998 voru rétt
tæplega 90% Íslendinga skráð í þjóð-
kirkjuna eða ríflega 13% fleiri en á
nýársdag 2012, þegar hlutfallið var
76,8%.
7.600 færri í þjóðkirkjunni
Eins og kortið hér til hliðar sýnir
varð stöðug fjölgun í þjóðkirkjunni á
árunum 1998 til 2009 er skráðum fé-
lögum tók að fækka. Félagar urðu
flestir árið 2009 er þeir voru 253.069.
Sem fyrr segir voru þeir 245.456 á
nýársdag í ár og hefur þeim því
fækkað um ríflega 7.600 á þrem ár-
um. Til að setja þessa tölu í sam-
hengi voru 2.766 skráðir í þjóðkirkj-
una í Seltjarnarnesprestakalli 1.
desember 2011 og 4.532 í Selfoss-
prestakalli sama dag ársins 2011,
eða samanlagt 7.298 trúfélagar.
Hröð fjölgun kaþólikka
Allt annað er uppi á teningnum
hjá kaþólsku kirkjunni.
Þar hefur skráðum félögum fjölg-
að úr 3.214 á nýársdag 1998 í 10.455
1. janúar sl. Jafngildir aukningin því
að kaþólikkum hefur fjölgað úr
1,18% sem hlutfall af þjóðinni í
3,27%. Með öðrum orðum: Einn af
hverjum 90 Íslendingum játaði kaþ-
ólska trú árið 1998 en einn af hverj-
um 30 á nýársdag 2012.
Aukningin hjá kaþólska söfnuðin-
um er hröðust upp úr árinu 2005 og
má ætla að það skýrist af straumi
innflytjenda frá ríkjum í Austur-
Evrópu þar sem kaþólska er trú
mikils þorra íbúanna.
Þriðja dæmið um miklar breyting-
ar á félagatali trúfélaga er ásatrúar-
félagið. Árið 1998 var 0,1% Íslend-
inga skráð í söfnuðinn, alls 280
manns. Þeir hafa nú hátt í sjöfaldast
í 1.951 eða sem nemur um 0,61%
íbúafjöldans á nýársdag.
Hefur ásatrúarmönnum því fjölg-
að úr að vera einn af hverjum þúsund
Íslendingum í að vera um það bil
einn af hverjum 164.
Hátt í 700 múslímar á Íslandi
Múslímum á Íslandi hefur líka
fjölgað mikið á tímabilinu.
Árið 1998 voru 78 skráðir í félag
múslíma á Íslandi. Þeim fjölgaði svo
jafnt og þétt í 404 árið 2009 en svo
fækkaði í félaginu árin 2010 og 2011.
Á nýársdag á þessu ári hafði félögum
fjölgað ný og voru þeir þá 419. Við
þetta bætist að í mars 2009 viður-
kenndi dóms- og kirkjumálaráðu-
neytið Menningarsetur múslíma á
Íslandi sem skráð trúfélag. Félagar í
setrinu voru 218 árið 2010, 274 árið
2011 og 275 á síðasta nýarsdag. Fé-
lögin tvö eru aðskilin og voru skráðir
múslímar á Íslandi því 694 á fyrsta
degi ársins.
Búddistum hefur líkað fjölgað
mikið og voru þeir 949 á nýársdag
2012 eða um þrefalt fleiri en sama
dag árið 1998.
Fjórðungur ekki í þjóðkirkjunni
Skráðum félögum í þjóðkirkjuna hefur fækkað úr tæpum 90% af landsmönnum árið 1998 í 76,8% í ár
Fjöldi kaþólikka hefur þrefaldast og nálgast nú 11.000 Nífalt fleiri skráðir múslímar nú en árið 1998
Morgunblaðið/Ómar
Strandarkirkja Skráðum félögum
í þjóðkirkjunni fer fækkandi.
14 FRÉTTIRInnlent
MORGUNBLAÐIÐ FIMMTUDAGUR 16. FEBRÚAR 2012
ÚR BÆJARLÍFINU
Skapti Hallgrímsson
Akureyri
Stór veggur við skíðageymsluna á
jarðhæð nýja Icelandair-hótelsins í
höfuðstað Norðurlands var á dög-
unum skreyttur með einstaklega
skemmtilegri ljósmynd. Á henni er
keppnislið Menntaskólans á Ak-
ureyri á Skíðamóti Íslands á Siglu-
firði 1942.
Það var Akureyringurinn Eð-
varð Sigurgeirssonar, sá landskunni
ljósmyndari, sem tók myndina af
þessum glæsilega hópi menntskæl-
inga.
Á myndinni sem má hér til hlið-
ar eru, frá vinstri: Eggert Steinsen,
Haraldur Hermannsson, Jóhann
Indriðason, Hermann Stefánsson,
íþróttakennari við MA, Sveinn
Snorrason, Grímur Björnsson, Pét-
ur Blöndal, Júlíus Björn Jóhann-
esson, Stefán Þórarinsson og Mika-
el Jóhannesson.
Fimm skíðamannanna eru enn á
lífi, Jóhann, Sveinn, Grímur, Pétur
og Stefán. Svo skemmtilega vill til
að einn þeirra býr á Akureyri; Hús-
víkingurinn Stefán Erlendur Þór-
arinsson. Sigrún Björk Jakobs-
dóttir, hótelstjóri og fyrrverandi
bæjarstjóri, bauð Stefáni í heim-
sókn í vikunni og þau skoðuðu
myndina saman. Hafði Stefán gam-
an af.
Stefán rifjaði upp ferðina. Farið
var siglandi og sagði Stefán slæmt
hafa verið í sjóinn og líklega enginn
mjög vel upplagður fyrir skíða-
keppni fyrst eftir að í land kom!
Tónlist Bergþóru heitinnar
Árnadóttur söngvaskálds verður
flutt í stóra salnum í Hofi annað
kvöld. Til stóð að tónleikarnir yrðu í
litla salnum, Hömrum, en vegna
mikillar spurnar eftir miðum voru
þeir færðir.
Mörg af þekktari lögum Berg-
þóru eru á dagskránni en flytjendur
eru Guðrún Gunnars, Pálmi Gunn-
arsson, Svavar Knútur, Aðalsteinn
Ásberg, Hjörleifur Valsson og
Pálmi Sigurhjartarson. Gestasöngv-
ari verður menntaskólaneminn Mó-
heiður Guðmundsdóttir.
Minningarsjóður Bergþóru var
stofnaður í framhaldi af velheppn-
uðum tónleikum vorið 2008 og í
kjölfar veglegrar heildarútgáfu með
verkum söngkonunnar, en tilgangur
sjóðsins er að stuðla að því að tón-
list Bergþóru og minning lifi meðal
þjóðarinnar. Tónleikar þessa árs
eru hinir fimmtu í röðinni.
Magni Ásgeirsson og félagar í
hljómsveitinni Killer Queen verða á
Græna hattinum í kvöld og leika öll
bestu lög sveitarinnar. Einar Þór
Jóhannsson Dúndurfréttamaður er
genginn til liðs við hópinn og mun
sjá um gítarleikinn auk brasilíska
snillingsins Thiago Trinsi.
Andrea Gylfason túlkar svo
helstu perlur kvikmyndatónlist-
arinnar við undirleik Bíóbandsins á
Græna hattinum á föstudags- og
laugardagskvöld ásamt valin-
kunnum undirleikurum.
Þrír listamenn að sunnan opnuðu
um síðustu helgi sýningu í Ketilhús-
inu; þá fyrstu í því rými á vegum
nýstofnaðrar Sjónlistamiðstöðv-
arinnar. Þetta eru þeir Móbergur,
Rafsteinn og Sæmunkur; eins og
þeir kalla sig, listamennirnir Árni
Valur Axfjörð, Hafsteinn Michael
Guðmundsson og Jón Sæmundur
Auðarson. Ástæða er til að hvetja
áhugafólk um nútímalist til að koma
við í Ketilhúsinu.
Má ég, í fullri vinsemd, biðja Ak-
ureyringa um að hafa eitt í huga,
eftir að hafa rannsakað það, reynd-
ar á mjög óvísindalegan hátt í ára-
tug; munið eftir stefnuljósinu. Þetta
er líklega ekki hægt að orða á dipló-
matískari hátt …
Svo mætti kannski nefna að fólk
(líklega utanbæjarmenn …) sem
gengur með hundana sína upp með
Glerá mætti fylgjast betur með því
hvar þessu fallegu og góðu dýr
skíta! Fulloft finnst mér ég rekast á
slíkan úrgang án þess að ég hafi
nokkuð til þess unnið …
Morgunblaðið/Skapti Hallgrímsson
Á skíðum Sigrún Jakobsdóttir hótelstjóri og Stefán Þórarinsson. Stefán er annar frá hægri á myndinni á veggnum.
Af skíðamönnum og stefnuljósum
Þrír í Ketilhúsi Listamennirnir Valur Axfjörð, Jón Sæmundur Auðarson og
Hafsteinn Michael Guðmundsson sem sýna nú í Ketilhúsinu.