Morgunblaðið - 16.02.2012, Síða 18
18 FRÉTTIRErlent
MORGUNBLAÐIÐ FIMMTUDAGUR 16. FEBRÚAR 2012
Bogi Þór Arason
bogi@mbl.is
Fjármálaráðherra Grikklands, Ev-
angelos Venizelos, sagði í gær að
„mikil hætta“ væri á því að Grikkir
þyrftu að leggja niður evruna vegna
þess að ráðamenn nokkurra evru-
landa vildu ekki lengur að Grikkland
yrði áfram á evrusvæðinu.
Venizelos skírskotaði einkum til
stjórnvalda í Þýskalandi, Hollandi
og Finnlandi sem hafa efasemdir um
að grísk stjórnvöld standi við sparn-
aðartillögur sem samþykktar voru á
gríska þinginu um helgina.
The Financial Times sagði í gær
að vaxandi ágreiningur væri innan
Evrópusambandsins um hvort veita
ætti Grikklandi neyðarlán til að af-
stýra greiðsluþroti í næsta mánuði.
Skiptar skoðanir væru einnig um
hvaða afleiðingar greiðsluþrot
Grikklands myndi hafa.
Oli Rehn, sem fer með efnahags-
mál í framkvæmdastjórn ESB, hef-
ur varað við því að greiðsluþrot
Grikklands myndi hafa „hörmulegar
afleiðingar“ og skorað á ráðamenn
evrulandanna að samþykkja neyðar-
lánið. The Financial Times segir að
Seðlabanki Evrópu og ríkisstjórn
Frakklands styðji afstöðu Rehns en
stjórnvöld í Þýskalandi, Hollandi og
Finnlandi treysti ekki grískum
stjórnvöldum til að standa við skil-
málana og beiti sér sífellt meira fyrir
því að Grikkland verði látið fara í
greiðsluþrot. „Við nálgumst óðum
greiðsluþrot,“ hafði blaðið eftir hátt-
settum embættismanni sem tekur
þátt í viðræðum evrulandanna.
„Þjóðverjar, Finnar og Hollend-
ingar eru að missa þolinmæðina.“
The Financial Times hefur einnig
eftir Wolfgang Schäuble, fjár-
málaráðherra Þýskalands, að evru-
svæðið sé betur undir það búið núna
að takast á við greiðsluþrot evruríkis
en fyrir tveimur árum.
Schäuble áréttaði í útvarpsviðtali í
gær að hann efaðist um að
sparnaðartillögunum yrði komið í
framkvæmd í Grikklandi eftir þing-
kosningar sem ráðgerðar eru í apríl.
„Við getum hjálpað en við ætlum
ekki að dæla peningum í botnlausa
hít.“
Gríski fjármálaráðherrann skír-
skotaði til þessara sjónarmiða þegar
hann ræddi við fréttamenn í gær.
„Við þurfum að segja grísku þjóðinni
sannleikann,“ sagði hann. „Nokkrar
þjóðir á evrusvæðinu vilja okkur
ekki lengur.“
Ráðgert hafði verið að fjár-
málaráðherrar evrulandanna kæmu
saman í Brussel í gær til að ræða
málið en ákveðið var að halda í stað-
inn símafund. Ráðgert er að ráð-
herrarnir komi saman í Brussel á
mánudag til að ákveða hvort veita
eigi Grikklandi aðstoðina.
Stendur við samkomulagið
með fyrirvara
Búist er við að Antonis Samaras,
leiðtogi íhaldsflokksins Nýs lýðræð-
is, verði næsti forsætisráðherra
Grikklands eftir kosningarnar í apr-
íl. Hann studdi sparnaðartillögurnar
á gríska þinginu en gaf til kynna að
hann vildi semja um breytingar á
neyðarláninu eftir kosningarnar.
Ráðamenn á evrusvæðinu kröfð-
ust þá þess að leiðtogar flokkanna,
sem eiga aðild að bráðabirgðastjórn-
inni í Grikklandi, legðu fram skrif-
legt loforð um að staðið yrði við
sparnaðaráformin eftir kosning-
arnar. Samaras varð við kröfunni í
gær og sendi embættismönnum
ESB bréf þar sem hann kvaðst ætla
að standa við „markmið og mikil-
vægustu stefnuatriði“ sam-
komulagsins um skilmála neyðar-
lánsins. Hann setti þó þann
fyrirvara að ef til vill væri þörf á
„lagfæringum“ á stefnunni til að
tryggja að hægt yrði að koma öllum
markmiðunum í framkvæmd, eink-
um hvað varðar hagvöxt.
Flokkur Samaras hefur gagnrýnt
samkomulagið, segir að of mikil
áhersla sé lögð á skattahækkanir og
launalækkanir sem hindri hagvöxt
eftir fimm ára samdráttarskeið í
Grikklandi.
Sagðir nálgast
óðum greiðsluþrot
Leiðtogar ESB deila um hvort veita eigi Grikkjum aðstoð
Óttast gengishrun
» Hermt er að þriðjungur inni-
stæðna á bankareikningum í
Grikklandi hafi verið tekinn út
vegna þess að margir telji að
drakman verði tekin upp í land-
inu að nýju í stað evrunnar.
» Sparifjáreigendur óttast að
innistæðunum verði breytt í
drökmur. Hagfræðingar telja
að gengi drökmunnar myndi
lækka um 50%.
Embættismenn í Hondúras sögðu í
gær að talið væri að yfir 350 fangar
hefðu farist í eldsvoða í fangelsi í
bænum Comayagua.
Fréttaveitan AFP hafði eftir ör-
yggismálaráðherra Hondúras, Po-
peyo Bonilla, að 272 lík hefðu fundist
en talið væri að yfir 350 fangar hefðu
farist. Mannréttindafulltrúinn Ra-
mon Custodio sagði að 850 fangar
hefðu verið í fangelsinu og ekki væri
vitað um afdrif 357 þeirra. „Þetta
þýðir ekki að þeir hafi allir dáið,“
sagði hann og bætti við að einhverjir
fanganna kynnu að hafa verið fluttir
á sjúkrahús eða notað tækifærið til
að strjúka úr fangelsinu.
Tugir fanga voru fluttir á sjúkra-
hús í bænum.
Til átaka kom þegar um 300 ætt-
ingjar fanga reyndu að ryðjast inn í
fangelsið í örvæntingarfullri tilraun
til að komast að því hvort þeir væru á
lífi. Verðir hleyptu af byssum upp í
loftið og beittu táragasi gegn fólkinu.
Fram hafa komið tvær tilgátur um
eldsupptökin. Slökkvilið bæjarins
sagði að verið væri að rannsaka
hvort kviknað hefði í út frá rafmagni
eða hvort fangi hefði kveikt í dýnu.
Reuters
Stórbruni Fangi með brunasár er hér fluttur á sjúkrahús í Tegucigalpa, höfuðborg Hondúras, eftir eldsvoða í fang-
elsi í bænum Comayagua, um 75 km norðan við höfuðborgina. Margir fanganna brunnu inni í læstum klefum.
Hundruð fanga fórust
í eldsvoða í Hondúras
–– Meira fyrir lesendur
PÖNTUN AUGLÝSINGA: Fyrir kl. 16, mánudaginn 5. mars.
FERMINGAR
Fermin
g
SÉRBLAÐ
Föstudaginn 9. mars kemur út
hið árlega Fermingarblað
Morgunblaðsins.
Fermingarblaðið hefur verið eitt af vin-
sælustu sérblöðumMorgunblaðsins
í gegnum árin og verður blaðið í ár
sérstaklega glæsilegt.
NÁNARI UPPLÝSINGAR GEFUR:
Katrín Theódórsdóttir
Sími: 569 1105
kata@mbl.is
MEÐAL EFNIS:
Veitingar í veisluna.
Mismunandi fermingar.
Fermingartíska.
Hárgreiðslan.
Myndatakan.
Fermingargjafir.
Fermingar erlendis.
Hvað þýðir fermingin?
Viðtöl við fermingarbörn.
Nöfn fermingarbarna.
Eftirminnilegar fermingargjafir.
Fermingarskeytin.
Boðskort.
Ásamt fullt af spennandi efni.