Morgunblaðið - 16.02.2012, Síða 16

16 FRÉTTIRInnlent
MORGUNBLAÐIÐ FIMMTUDAGUR 16. FEBRÚAR 2012
–– Meira fyrir lesendur
Skólahreysti er starfrækt í um 120
grunnskólum landsins og í ár
taka um 720 nemendur
þátt í mótinu sjálfu.
Þetta er einn vinsælasti
íþróttaviðburður sem
grunnskólakrakkar taka þátt í.
NÁNARI UPPLÝSINGAR:
Katrín Theódórsdóttir,
sími 569 1105, kata@mbl.is og
PÖNTUN AUGLÝSINGA:
Fyrir kl. 12, fimmtudaginn 23. febrúar.
Skólahreysti
SÉRBLAÐ
Þann 28. febrúar gefur
Morgunblaðið út sérblað
tileinkað Skólahreysti
sem hefst 1. mars 2012.
Sprengjugengið Sýnir listir sínar.
Sprengjugengi Háskóla Íslands
verður með tvær sýningar á laug-
ardag í Háskólabíói klukkan 13:30
og 15. Aðgangur er ókeypis.
Sprengjugengið er hópur efna-
fræðinema við HÍ sem hefur staðið
fyrir efnafræðisýningum.
„Þegar Sprengjugengið er á
ferðinni upplifa áhorfendur ótrú-
legar litasjónhverfingar, óvenju-
legar gastegundir á sveimi og óg-
urlegar sprengingar sem kitla
hlustirnar,“ segir í tilkynningu.
Sprengjugengið
með sýningar
Bæjarráð Vestmannaeyja ákvað í
vikunni að fella niður fasteigna-
gjöld 2012 á íbúðarhúsnæði í eigu
íbúa sem eru 70 ára og eldri.
Í tilkynningu frá Elliða Vignis-
syni, bæjarstjóra Vestmannaeyja,
segir að bæjarráðið telji að sterkur
rekstur seinasta árs hafi búið til
aukið svigrúm til að lækka álögur á
eldri borgara með það fyrir augum
að gera þeim kleift að búa sem
lengst í eigin húsnæði.
Inn í þessa ákvörðun spili að illu
heilli hafi ríkið þrengt mjög að
eldri borgurum seinustu ár og við
því verði sveitarfélög að bregðast
ef þau hafi til þess getu.
Í tilkynningunni kemur fram að
Vestmannaeyjabær hafi áður
ákveðið að veita öllum börnum und-
ir 18 ára frítt aðgengi að sundlaug-
inni, styrkir til íþrótta- og tóm-
stundafélaga hafi verið auknir,
leikskólagjöld farið úr því að vera
þau hæstu á landinu niður fyrir
landsmeðaltal og öllum börnum í
grunnskólum standi til boða nið-
urgreiddur hádegismatur.
Eyjar Sterkur rekstur síðasta árs hefur aukið svigrúm til að lækka álögur á eldri borgara.
Vestmannaeyjabær fellir niður
fasteignagjöld hjá íbúum 70 ára og eldri
Morgunblaðið/Brynjar Gauti
Landsbankinn efnir á næstu vikum
til opinna funda víða um land um
stöðu bankans, stefnu hans og
framtíð.
Fram kemur í tilkynningu að á
síðasta ári hafi Landsbankinn stað-
ið fyrir níu slíkum fundum sem ríf-
lega 800 manns sóttu.
Að þessu sinni verði lögð megin-
áhersla á atvinnusköpun og frum-
kvæði í atvinnulífinu og með í för
verði fulltrúar frá Nýsköpunarsjóði
og nýjum fyrirtækjum í ýmsum at-
vinnugreinum, sem muni fjalla um
reynslu sína af uppbyggingu á síð-
ustu árum.
Þegar hafa verið haldnir fundir á
Sauðárkróki og í Fjarðabyggð. Í
kvöld verður fundur í Reykjanesbæ
og síðar verða fundir í Kópavogi,
Snæfellsbæ, á Ísafirði, Selfossi og
loks á Akureyri miðvikudaginn 29.
febrúar.
Meðal þeirra fyrirtækja sem taka
þátt í fundaröð bankans eru Val-
orka, Gagnavarslan, Grindavík Ex-
perience, Ferðaþjónustan Mjóeyri,
Kerecis, Steinunn, Caoz, Saltverk
og Sjávarleður.
Fundað Höfuðstöðvar Landsbankans.
Landsbankinn efnir
til opinna funda
Samtök ferðaþjónustunnar (SAF)
halda í dag ráðstefnu sem nefnist
„ Dagur menntunar í ferðaþjón-
ustu“.
Verður ráðstefnan á Hilton
Reykjavík Nordica og að sögn
samtakanna mun athyglin þar
beinast að mikilvægi stjórnand-
ans, símenntun og fræðslu starfs-
fólks.
Til ráðstefnunnar hefur m.a.
verið boðið þremur fyrirlesurum:
Tony Donohoe, fræðslustjóra systursamtaka Samtaka atvinnulífsins á Ír-
landi, Hrund Gunnsteinsdóttur hjá Krád Consulting og Helmut Kronika,
framkvæmdastjóra BEST í Austurríki.
Í lok ráðstefnunnar verður starfsmenntaviðurkenning SAF afhent því
fyrirtæki sem þykir skara fram úr í greininni. Katrín Jakobsdóttir mennta-
og menningarmálaráðherra mun afhenda viðurkenninguna.
Ráðstefna um menntun í ferðaþjónustu
Morgunblaðið/Eggert
Þinghópur Hreyfingarinnar boðar
til opins fundar í dag um íslenska
lífeyrissjóðakerfið. Er þetta í tilefni
af útkomu skýrslu um lífeyrissjóð-
ina
Framsögumenn verða Benedikt
Sigurðarson framkvæmdastjóri,
Eygló Harðardóttir þingmaður,
Margrét Tryggvadóttir þingmaður,
Ragnar Ingólfsson, stjórnarmaður í
VR, og Vilhjálmur Birgisson, for-
maður VLFA
Fundurinn verður í Grasrót-
armiðstöðinni, Brautarholti 4 í
Reykjavík og stendur frá klukkan
20 til 22.
Rætt um stöðu
lífeyrissjóðanna
STUTT
Ingveldur Geirsdóttir
ingveldur@mbl.is
„Okkur er tilkynnt 27. janúar að
börnin fari í Engi næsta vetur og við
vorum ekkert spurð hvað við vildum
gera. Skólastjórinn hefur ekki einu
sinni kallað okkur á fund,“ segir
Ingibjörg Hjaltadóttir, foreldri
barns í 7. bekk í Vættaskóla-Borgum
í Grafarvogi. Engjaskóli og Borga-
skóli sameinuðust í Vættaskóla í
byrjun janúar. Sú ákvörðun hefur
verið tekin að sameina unglingadeild
skólans næsta haust og þurfa börnin
í 8. til 10. bekk í Borgum að fara yfir í
Engi. Óánægja er með það meðal
foreldra, þá sérstaklega hvernig að
sameiningunni var staðið.
Foreldrafundur í ísbúð
„Það eru 27 krakkar í 7. bekk í
Borgum og þau hafa verið saman í
bekk frá upphafi. Næsta haust á að
taka þau í sundur, dreifa í 8. bekkina
í Engjaskóla og setja í nýtt umhverfi
á viðkvæmu aldursskeiði,“ segir
Ingibjörg og bætir við að hún hafi
ekki fengið nein haldbær rök fyrir
þessum flutningi.
„Þeir segja að þetta sé til-
raunaverkefni sem verði faglega
metið eftir þrjú ár. Þá verður barnið
mitt búið að ljúka 10. bekk. Ég er
ekki tilbúin að taka áhættuna á að
setja barnið í þessa tilraun því ég vil
að það geti staðið sterkt uppi eftir
grunnskóla og valið sér mennta-
skóla. Ég er sárust yfir að vera ekki
spurð hvort ég vilji setja barnið mitt
í þessa tilraun, þetta er bara ákveðið
af borginni og mér er sagt að mig
varði ekki um þetta,“ segir Ingi-
björg.
Óánægðir foreldrar barna í 7.
bekk í Borgum héldu fund í byrjun
febrúar um stöðuna. Fundurinn fór
fram í ísbúðinni í Spöng eftir að leyfi
til að funda í skólanum var dregið til
baka. Foreldrarnir áttu að fá að vera
í skólastofu barna sinna en þegar
halda átti fundinn hringdi aðstoðar-
skólastjórinn í forsvarsmann for-
eldranna, dró leyfið til baka og sagði
að forsendur fundarins hefðu breyst.
En nokkrir foreldrar barna í öðrum
bekkjum í Borgum vildu funda með
þeim og þá máttu þeir ekki vera í
skólastofunni. Foreldrunum þótti
undarlegt að fá ekki að vera í skól-
anum því þetta voru aðeins foreldrar
barna í Borgum sem ætluðu að
funda um hag barna sinna. Um þrjá-
tíu foreldrar mættu á fundinn í ís-
búðinni.
Dæmt til að mistakast
Sigurrós Jónsdóttir, formaður
foreldrafélags Vættaskóla-Borga,
staðfestir að það sé óánægja hjá
ákveðnum hópi foreldra með sam-
einingu unglingadeildanna. „Yfir-
völd þurfa að vinna svona viðkvæm
mál í góðu samstarfi við foreldra svo
að vel takist til. Óánægjan á sér fyrst
og fremst grunn í samskiptaleysi
borgaryfirvalda við foreldra,“ segir
Sigurrós.
Morgunblaðið/Golli
Óánægja Frá vígslu Borgaskóla í Grafarvogi árið 2001. Nú hefur hann ver-
ið sameinaður Engjaskóla og heitir nýr skóli Vættaskóli.
Gengið framhjá for-
eldrum í Vættaskóla