Morgunblaðið - 16.02.2012, Qupperneq 36
36 MENNING
MORGUNBLAÐIÐ FIMMTUDAGUR 16. FEBRÚAR 2012
Norrænu tónlist-
arverðlaunin, Nor-
dic Music Prize,
verða veitt í annað
sinn í kvöld í Osló.
Tólf plötur koma til
greina og m.a. eiga
Björk og GusGus þar fulltrúa. En
mikið vona ég að þessi plata hér,
með dönsku pönkrokkssveitinni
Iceage, hreppi hnossið. Hún gjör-
samlega snýtir öðrum vonbiðlum og
ég er enn að melta þá staðreynd að
þessi innblásna, ástríðufulla og kol-
brjálaða tónlist komi frá Danmörku
af öllum löndum en þarlendir hafa
ekki beint verið þekktir fyrir stór-
kostleg afrek á tónlistarsviðinu.
Þessir átján ára gömlu strákar vinna
með síðpönksáhrif, hljómurinn er
hrár og skítugur og það er bara
„eitthvað“ þarna sem hefur hana
upp fyrir þær sveitir sem eru að
gera tilraunir með sambærilega
hluti. Ég man ekki eftir að hafa orðið
svona æstur yfir að heyra svona tón-
list síðan ég dýfði fyrst tám í þetta
form um fermingaraldurinn. Amen.
Tékkið á þessu og það sem fyrst!
Iceage – New Brigade
bbbbb
Undur og
stórmerki
Arnar Eggert Thoroddsen
Tólf plötur voru til-
nefndar til Nor-
rænu tónlistarverð-
launanna (sjá líka
dóm hér til hliðar)
og þriðjungur
þeirra er eftir söngkonur. Björk var
tilnefnd fyrir Bíófílíuna, hin norska
Ane Brun fyrir It All Starts With One
og hin sænska Lykke Li fyrir Wound-
ed Rhymes, en sú síðasttalda er á
þröskuldi heimsfrægðar eftir þessa
síðustu plötu sína. Af þessum fjórum
þykir mér Anna Järvinen þó hafa náð
að landa mest sannfærandi gripnum,
þrátt fyrir að teljast þeirra hefð-
bundnust. Hér er á ferðinni ang-
urvært, blíðlegt popprokk með ræki-
legum áttunda áratugar keim
(tilkomnum vegna samstarfs hennar
við meðlimi Dungen). Hljóðheimurinn
er heillandi, lífrænn mjög og umlykj-
andi en í miðið standa svo sjálfar
lagasmíðarnar, lokkandi og þær líða
yndislega áreynslulaust um eyrun,
eru nánast heilandi. Gott stöff frá
Skandinavíu sem fer allt of oft fram
hjá okkur (en það er önnur saga).
Norrænn
seiður
Anna Järvinen – Anna Själv
Tredje
bbbbn
Arnar Eggert Thoroddsen
Þeir eru ekki marg-
ir sem ná athygli
heimspressunar
með því að gefa út
plötu 77 ára gamlir.
Leonard Cohen er
heldur ekkert
venjulegur maður, arfleifð hans í
vestrænni dægurtónlist verður seint
ofmetin. Það er því ekki skrýtið að
nýja platan hans, Old Ideas, hafi ver-
ið lofuð af öllum helstu tónlistar-
tímaritum og vefsíðum að und-
anförnu. Eins og gefið er til kynna í
titlinum er ekki verið að finna upp
hjólið hér. Útsetningarnar eru klass-
ískar Cohen-útsetningar: minimal-
ískar og lágstemmdar þar sem allar
tímasetningar eru hárfínar. Lögin
líða löturhægt áfram og styðja hár-
fínt við rödd Cohens sem er eðlilega
orðin hrjúf eftir að hafa verið í
fremstu röð í 45 ár. Yfirbragðið á
plötunni er hlaðið þessari einstöku
reisn sem Coen býr yfir og svo fáum
er gefin. Hljómarnir og hljómagang-
arnir eru blúsaðir og gospel-skotnir
að því leiti er verið að vinna með
gamlar hugmyndir af gamla mann-
inum.
Ef finna ætti einhvern galla á plöt-
unni væri það þá helst að maður hef-
ur heyrt mikið af þessu áður hjá Co-
hen. Lögin fjalla um trú, dauða og
reynslusögur sem hljóma kunn-
uglega. Það ætti þó alveg að fyrirgefa
manninum þar sem hann stóð uppi
slyppur og snauður um síðasta áratug
eftir að hafa verið snuðaður af um-
boðsmanni sínum. Því er skiljanlegt
að hann sé ekki jafn leitandi í list sinni
eins og t.d. I’m your man frá árinu
1988 þar sem hann gerði vel heppn-
aðar tilraunir.Platan stendur þó fylli-
lega fyrir sínu og á eflaust eftir að
falla í kramið hjá aðdáendum Cohens.
Formúlan virkar enn og á plötunni
eru nokkur lög sem eru góð viðbót í
magnað lagasafn hins aldna meistara.
Gamlar hugmyndir virka stundum vel
Leonard Cohen - Old Ideas
bbbbn
Hallur Már
Reynsla Cohen gaf út sína fyrstu plötu fyrir 45 árum og hefur engu gleymt.
Erlendar plötur
Vilhjálmur Andri Kjartansson
vilhjamur@mbl.is
Grænlenska hljómsveitinNanook er orðin nokkuðþekkt hjá íslenskum tón-listarunnendum en hún
hefur spilað á Íslandi, m.a. í Nor-
ræna húsinu, og töluvert verið
fjallað um hana hér á landi.
Hljómsveitin, sem skipuð er
bræðrunum Frederik K. og
Christian K. Elsner ásamt Ib Uld-
um, Martin Zinck og Mads Rön,
syngur lög sín á grænlensku og
hefur hrint af stað nýrri bylgju
tónlistar í þessu gífurlega stóra en
fámenna landi sem Grænland er.
Nanook gaf fyrir stuttu út nýj-
an disk sem ber heitið Ai Ai en að
sögn Christians er hugmyndin á
bak við diskinn að efla sjálfsmynd
Grænlendinga. „Við viljum með
plötunni sýna Grænlendingum að
það er engin skömm að því að
vera Grænlendingur. Við gerum
þetta á jákvæðan og upp-
byggilegan hátt í gegnum tónlist-
ina og reynum að fá fólk til að
hafa trú á sjálfu sér. Þegar allt
kemur til alls skiptir trúin á sjálf-
an þig meira máli en margt ann-
að.“
Trúir sjálfum sér
og samkvæmir
Vinsældir hljómsveitarinnar
hafa aukist til muna eftir útgáfu
síðustu plötu og þá hlýtur pressan
og freistingin að syngja á ensku
að vera mikil. „Vinsældir okkar
hafa aukist töluvert eftir gullplöt-
una „Seqinitta Qinngorpaatit“ og
„Ai Ai“ er komin í silfurplötu nú
þegar. Þess vegna munum við
spila meira utan Grænlands á
þessu ári og nú þegar hafa tvö
plötufyrirtæki í Skandinavíu beðið
okkur að syngja á ensku fyrir sig.
Það er ekki að við getum ekki
sungið á ensku heldur viljum við
vera trúir sjálfum okkur og syngja
á okkar móðurmáli. Textinn flæðir
auðveldar fram þegar við semjum
og syngjum á grænlensku og
þannig viljum við hafa það, í bili
að minnsta kosti.“ Christian bætir
því við að þó svo það muni
kannski auka möguleika sveit-
arinnar að syngja á ensku finnist
þeim mikilvægt fyrir sjálfsmynd
sína og Grænlendinga að syngja á
sínu fallega móðurmáli.
Ákveðin pressa að
spila á Íslandi
„Það eru engin plön eins og
stendur að spila á Íslandi á þessu
ári en við höfum spilað þar nokkr-
um sinnum og það er sérstök til-
finning því kröfurnar sem gerðar
eru til tónlistarinnar eru miklar
og íslensk tónlist er mjög inn-
blásin og hvetjandi.“
Christian segir að hann langi til
þess að spila meira á Íslandi og
sveitin komi ef tækifæri gefist til
þess.
Platan, sem tók um fimm vikur
að gera, hefur að geyma mörg
skemmtileg og dáleiðandi lög.
Christian segir að þeir reyni að
nota óhefðbundin hljóðfæri með
þeim klassísku og það gera þeir til
dæmis í laginu „Inuinnaagavit“
sem þýðir „Þú ert mannlegur“.
Platan, sem snýst öll um jákvæðni
og sjálfsmynd Grænlendinga,
minnir um margt á það sem hefur
verið að gerast í íslenskri tónlist-
arflóru undanfarin ár. Ljóst er að
landsmenn eiga eftir að sjá og
heyra meira frá nágrönnum okkar
í vestri á komandi árum ef Nano-
ok er forsmekkurinn af því sem
koma skal.
Samið fyrir grænlenska þjóðarsál
Morgunblaðið/Ernir
Tónleikar Grænlenska sveitin Nanook hefur spilað í Norræna húsinu en hljómsveitin hefur í tvígang spilað hér á landi fyrir aðdáendur sína.
Plötur Nanook hafa fengið góðar
viðtökur í Grænlandi. Fyrsta plata
sveitarinnar, Seqinitta Qinn-
gorpaatit, seldist í meira en 5.000
eintökum og fór því inn á tíunda
hvert heimili í Grænlandi sem
dugði til að gera plötuna að gull-
plötu í heimalandinu. Þá hefur
nýja platan þeirra Ai Ai nú þegar
náð silfri, en platan, sem er með
skemmtileg og jákvæð skilaboð til
Grænlendinga, stefnir í að seljast
ekki minna en Seqinitta Qinn-
gorpaatit. Þó svo textar séu á
grænlensku er hún grípandi og
skemmtileg og vel þess virði að
eiga eintak af uppi í hillu.
Gull og silfur
GRÆNLENSKT ROKK