SunnudagsMogginn - 19.02.2012, Qupperneq 11

19. febrúar 2012 11
Knattspyrnan, þessifagri leikur og uppá-hald margra, snýstþví miður ekki bara
um boltann eins og best væri. Sú
hnöttótta uppfinning hefur verið
í hálfgerðu aukahlutverki und-
anfarið.
Þökk sé æðri máttarvöldum
eru þó nokkrar undantekningar
frá þessu; fagurkerar á borð við
Zlatan Ibrahimovic, Lionel
Messi, Christiano Ronaldo, og
margir fleiri auðvitað, sjá til þess
að áhangendur muna um hvað
leikurinn snýst, en komið hefur
vel í ljós upp á síðkastið að
knattspyrnan er meira en bara
leikur.
Knattspyrnuheimurinn er ekki
einangrað fyrirbæri; hann er eins
og lífið sjálft: misjafnlega vel
heppnað fólk kemur þar við
sögu, svikahrappar leynast víða
og ekki síður en annars staðar
eru menn tilbúnir að vera vondir
við náungann. Og sumir virðast
ekki reiða vitið í þverpokum.
Stórveldið Glasgow Rangers í
Skotlandi sótti í vikunni um
greiðslustöðvun og fékk; félaginu
barst reikningur frá skattinum
upp á tæpa tíu milljarða króna og
því fór sem fór. Einhver á kont-
órnum hefur ekki vandað sig
nægilega vel. Portsmouth á Eng-
landi fór sömu leið, í annað skipti á fáeinum misserum.
Þekktasti dómari í Kína var dæmdur í fangelsi fyrir að þiggja mút-
ur frá eigendum félags og dæma því í hag. Farsinn um Argent-
ínumanninn Carlos Tevez hélt áfram; hann neitaði að koma inn á í
leik Manchester City gegn Bayern München í Meistaradeildinni fyrr í
vetur, hefur verið fjarverandi síðan en sættir virtust í sjónmáli þegar
hann ákvað að mæta aftur í vinn-
una en lét þá þau orð falla að
þjálfarinn hefði komið fram við
sig eins og hund þegar áð-
urnefndur leikur fór fram! Þjálf-
arinn, Ítalinn Roberto Mancini,
brást við með þeim orðum að lík-
lega hefði hann komið allt of vel
fram við þann argentínska.
Bjartsýni rak mig líklega til
þess í pistli fyrir viku að vonast
til þess að deilumáli Patrice Evra
og Luis Suárez, leikmanna Manchester United og Liverpool, lyki
þegar liðin leiddu saman hesta sína þann dag. Að tími væri kominn
til að snúa sér að næsta leik í þeirri skák.
Fyrir þá sem ekki muna var Úrúgævinn Suárez kærður fyrir kyn-
þáttaníð í garð Frakkans þeldökka, Evra, og tók út átta leikja bann.
Suárez lék sannarlega næsta leik í þessari skák, en þó ekki þann
sem flestir vonuðust til. Það var sannkallaður afleikur; sniðgekk
Evra þegar leikmenn liðanna tókust í hendur fyrir leik og þar með
varð allt vitlaust.
Eftir að hafa hvergi hvikað í stuðningi við sinn mann síðan málið
kom upp sneru forráðamenn Liverpool loks við blaðinu. Það var
tímabært. Þeir sögðu Suárez hafa sagst myndu taka í hönd Evra og
voru óhressir með að hann sveik það loforð. Ekki kæmi mér á óvart
þó þessi frábæri leikmaður yrði seldur hæstbjóðanda eftir keppn-
istímabilið. Það væri auðvitað synd fyrir (mig og aðra) áhangendur
Liverpool, en félag með þá sál og þá miklu sögu sem drengirnir úr
Bítlaborginni hafa skráð í gegnum tíðina getur varla verið þekkt fyr-
ir að hafa svona mann í vinnu.
Vonandi bætir Suárez ráð sitt. Ég ætla hins vegar ekki að veðja á að
honum takist það.
Handabandið
sem ekki var
Meira en
bara leikur
Skapti Hallgrímsson
skapti@mbl.is
’
Vonandi bætir
Suárez ráð sitt.
Ég ætla hins
vegar ekki að veðja á
að honum takist það.
Já! Zlatan Ibrahimovic hjá AC Mil-
an fagnar marki gegn Arsenal.
Nei! Ally McCoist aðalþjálfari
Rangers á æfingu í gærmorgun.
Reuters
Reuters
Sjötta myndin í röð stuttmynda sem Mbl.Sjónvarp sýnir á sunnudögum í samvinnuvið Kvikmyndaskóla Íslands heitirKennitölur. Leikstjóri og handritshöf-
undur er Hallur Örn Árnason og er myndin út-
skriftarverkefni hans frá skól-
anum. Myndin er í senn grín og
ádeila og fjallar um „skólabörn
sem neyðast til þess að taka
ábyrgð á fjárhagslegum „mis-
tökum“ foreldra sinna“, eins og
segir í tilkynningu.
Myndin segir frá Guðrúnu, 10
ára. Dag einn er hún kölluð inn á
skrifstofu skólastjóra sem til-
kynnir henni að jeppabifreið í
hennar eigu hafi brunnið til kaldra kola fyrr um
morguninn. Á meðan Guðrún eyðir frímínútunum
í að reyna að átta sig á því hvað skólastjórinn hafi
átt við fer af stað rannsókn á brunanum, sem
beinist að Guðrúnu sjálfri.
Súrrealísk myndlíking fyrir hrunið
„Myndin er nokkurs konar myndlíking fyrir
hrunið,“ segir Hallur sem vill ekki útskýra of mik-
ið fyrirfram. „Börnin eru látin taka ábyrgð á ein-
hverju sem þau skilja ekki alveg. Einhvern veginn
er þetta þeim að kenna án þess að þau átti sig á út
af hverju.“
Myndin hefur fengið ágætis viðtökur og verið
sýnd í nokkrum löndum, nú síðast í Skotlandi.
Halldóra Líney Finnsdóttir, ung leikkona úr
Sönglist, leikur Guðrúnu og Sigurður Skúlason er í
hlutverki skólastjórans. Margir krakkar eru í
myndinni og eru þeir úr Sönglist og Hlíðaskóla,
þar sem myndin er tekin upp.
Eftir útskrift gerði Hallur stuttmyndina Meg-
inlandið, sem var frumsýnd á RIFF í fyrra og
verður sýnd næstu helgi á Northern Wave-
hátíðinni í Grundarfirði. Hann tekur einnfremur
óhefðbundin kvikmyndaviðtöl fyrir heimasíðuna
snoop-around.com en viðtölin eru unnin í anda
kvikmynda þekktra leikstjóra.
Hann vinnur einnig að heimildarmynd um raf-
tónlistarmenningu á Íslandi með áherslu á neð-
anjarðarmenningu.
Nánari upplýsingar um Kennitölur er að finna á
kennitolur.blogspot.com og á www.imdb.com.
ingarun@mbl.is.
Börnin erfa jeppann
Halldóra Líney Finnsdóttir leikur Guðrúnu.
Hallur Örn
Árnason
ÍMARK DAGURINN
8.30 Skráning og morgunverður
9.00 Ráðstefna sett
9.10 ÍMARK erindi
9.20 Henry Mason
12 Crucial Consumer Trends for 2012
10.20 Hlé - Tengslanetið eflt
10.40 Diana Derval
Delivering the right sensory mix
regarding your consumers´ needs
and product preferences
11.40 Guðni Rafn Gunnarsson
Sviðsstjóri, fjölmiðlarannsóknir og
markaðsgreining Capacent
12.00 Hádegishlé - Léttur hádegisverður
13.00 Jessica Butcher
A magical new way for your brands to
deliver exciting new messages, offers
and experiences to customers
13.45 Simon Collisson
A More Meaningful Web
14.30 Hlé - Tengslanetið eflt enn frekar
15.00 Jose Miguel Sokoloff
How changing the lives of people can change the
world, marketing towards guerillas in Colombia
Ráðstefnustjóri: Ragna Árnadóttir
Skrifstofustjóri Landsvirkjunar
Ráðstefna í Hörpu / Silfurbergi
föstudaginn 24. febrúar kl. 8.30 – 16.00
Kynntu þér fyrirlesarana og skráðu þig á www.imark.is
D
ag
sk
rá
Fyrirlesarar í fremstu röð fjalla um allt sem er nýjast
og heitast í markaðsmálum og spá í framtíðina.