Morgunblaðið - 09.05.2012, Page 36

36 DAGBÓK
MORGUNBLAÐIÐ MIÐVIKUDAGUR 9. MAÍ 2012
Stjörnuspá
21. mars - 19. apríl 
Hrútur Þér er allt að því ómögulegt að
hafa hugann við vinnuna í dag. Eitthvað
mun fara úrskeiðis, en þannig er það og
þú skalt slappa af.
20. apríl - 20. maí 
Naut Eitthvað fallegt og spennandi mun
gerast á heimilinu eða innan fjölskyld-
unnar í dag. Aðstæður eru góðar fyrir
allt sem viðkemur útiveru.
21. maí - 20. júní 
Tvíburar Einhver þér eldri lumar á góð-
um ráðleggingum í dag. Dragðu bara
djúpt andann og taktu eitt skref í einu.
Þannig kemst þú upp fjallið.
21. júní - 22. júlí 
Krabbi Þú þarft að sýna fjölskyldu þinni
sérstaka þolinmæði í dag, hún þarf á því
að halda. Ósætti er yfirvofandi en ef þú
heldur ró þinni fer allt vel.
23. júlí - 22. ágúst 
Ljón Langi þig til þess að komast áfram
á framabrautinni er allt eins líklegt að
tækifæri til þess gefist í dag. Leyfðu vin-
um að umvefja þig.
23. ágúst - 22. sept. 
Meyja Notfærðu þér þann hæfileika þinn
að vera fundvís á galla í málsmeðferð
annarra. Gefðu þér 3-5 tíma á viku til að
sinna þér og þínum þörfum.
23. sept. - 22. okt. 
Vog Varastu að dreifa kröftum þínum um
of því þá áttu á hættu að koma litlu sem
engu í verk. Gerðu ráð fyrir að verða
mikið á ferðinni og í miklum samskiptum
við útlendinga.
23. okt. - 21. nóv.
Sporðdreki Óvæntar gjafir eða skyndileg
innkaup fyrir heimilið gleðja þig um
þessar mundir. Kunnuglegt umhverfi eyk-
ur á kjark þinn.
22. nóv. - 21. des.

Bogmaður Fólk leitar hugsanlega ráða
hjá þér. Þú ert alæta á bækur. Farðu fyrr
að sofa á kvöldin.
22. des. - 19. janúar 
Steingeit Þú ert bardagamaður. Láttu
ekkert draga úr þér kjark, vandamál eru
til að yfirstíga.
20. jan. - 18. febr. 
Vatnsberi Það er ágætur tími núna til
þess að víkka sjóndeildarhringinn. Gættu
þess samt að fara ekki út í öfgar og
finndu hinn gullna meðalveg.
19. feb. - 20. mars

Fiskar Þú skalt halda þig við þína sann-
færingu og láta ekki aðra villa um fyrir
þér. Sestu niður, kannaðu stöðuna og
leiktu svo þann leik sem þér þykir best-
ur.
Hnullungur er ljóðelskur kunn-ingi Vísnahornsins sem slær
stundum á þráðinn. Hann lýsti í gær
ferð með farm til Englands. „Við
veiddum sumt og svo hirtum við upp
dagafla bátanna á bryggjum í kring,
eins og tíðkaðist í stríðinu, og fórum
með farminn til Englands,“ segir
hann.
„Við vorum úti á Sléttunni, þá
sagði kapteinninn að sér hefði láðst
að taka nokkuð með sér að lesa. Það
eina sem ég hafði með mér voru Fer-
skeytlur eftir Miðfirðinginn Jón S.
Bergmann, rúmar 70 síður og þrjár
vísur á hverri síðu. Er við komum til
baka eftir átta daga ferð til
Grimsby, þá skilaði hann bókinni og
fór með fyrstu vísuna:
Eru skáldum arnfleygum
æðri leiðir kunnar.
En ég vel mér veginn um
veldi ferskeytlunnar.
Ég spurði hann út úr hinum vísum
bókarinnar, stundum sagði ég fyrsta
orðið, og hann kunni alla bókina ut-
an að! Svona var fólkið í gamla daga
þegar það átti ekki bækur, það lærði
utan að eða skrifaði hjá sér. Svo
spurði hann hvort ég gæti ort vísur
og ég svaraði:
Lánist andartökin taka
tökum stinnum,
milli handa stöku staka
stöku sinnum.“
Hnullungur hefur ort fleira. „Einu
sinni heyrði ég lesna sögu í útvarp-
inu af kerlingu sem aldrei féll verk
úr hendi. Þá kom mér í hug:
Eg var að góna á iðin hjón
einstök sjónin héðan;
hann var að þjóna holdsins bón,
hún var að prjóna á meðan.“
Og hann lofar umsjónarmanni að
heyra „öðruvísi“ vísu, sem farið er
með í lausu máli, og telur að Gísli
Konráðsson sé höfundurinn:
„Stjórnmálaflokkarnir sýnast sam-
sekir um framúrskarandi mikla
fíflsku í framferði sínu við kosn-
ingar.“
Ef nánar er að gáð má greina vísu
sem er svohljóðandi:
Stjórnmálaflokkarnir sýnast sam
sekir um framúrskar
andi mikla fíflsku í fram
ferði sínu við kosningar.
Pálmi Jónsson á Sauðárkróki yrk-
ir að gefnu tilefni:
Áhrifin af óstjórn sér,
alþjóð bundin kvöðum.
Ríkisstjórnar fundur fer
fram á Egilsstöðum.
Pétur Blöndal pebl@mbl.is
Vísnahorn
Af Hnullungi, Ferskeytl-
um og ríkisstjórnarfundi
G
æ
sa
m
a
m
m
a
og
G
rí
m
u
r
G
re
tt
ir
S
m
áf
ó
lk
H
ró
lfu
r
h
ræ
ð
ile
g
i
Fe
rd
in
a
nd
FÓLK SKIPTIR
MIG MEIRA MÁLI EN
VERALDLEGAR EIGUR
ÞAÐ ER VEGNA ÞESS AÐ
EIGUR ÞÍNAR ERU SVO
ÓMERKILEGAR
HVAÐ ER SVONA MERKILEGT
VIÐ ÞAÐ?
ÞAÐ ER FULLT AF HUNDUM
SEM FARA Í HLÍÐNISKÓLA!
SEM ERU
Í FJARNÁMI?
HÉRNA VITA ÞEIR
NÁKVÆMLEGA
HVERNIG ÉG VIL
HAFA SPAGETTÍIÐ
MITT
ÞETTA ER
UPPÁHALDS ÍTALSKI
VEITINGASTAÐURINN
MINN!
HVAÐ ER
ÞETTA HVÍTA
SEM ER
EFST?
ÞEYTTUR
RJÓMI!
HINIR HUNDARNIR VORU
AÐ SEGJA MÉR AÐ ÞÚ VÆRIR
KÖTTUR!?!
ÉG ER
EKKERT AÐ
FLAGGA ÞVÍ
AF HVERJU
ER ÉG SÍÐASTUR
TIL AÐ FÁ AÐ VITA
ÞAÐ?
JÁ
ÉG
SKRÁÐI
SNOOPY Í
HLÍÐNISKÓLA
Víkverji skilur ekki af hverju hannfann ekki upp á Facebook, sem
á íslensku ýmist er nefnd Fésbók
eða Snjáldra. Nú stefnir í að fyrir-
tækið verði sett á markað á næstu
dögum og er talið að fyrirbærið sé á
milli 60 og 96 milljarða dollara virði.
Það eru 7.500 til 12.000 milljarðar ís-
lenskra króna og reynist hærri talan
nær lagi er um að ræða upphæð,
sem nota mætti til að reka íslenska
ríkið í rúmlega tvö ár. Víkverji rekur
reyndar sýndarsjálf á Facebook, en
verður að viðurkenna að athafna-
semi hans þar er í lágmarki og hann
því vart með lífsmarki. Hann þekkir
hins vegar ýmsa, sem njóta þess að
dvelja á Facebook og hafa aldrei
verið betur að sé um hagi stórfjöl-
skyldunnar, saumaklúbbsins og ann-
arra hópa, sem hittast ekki daglega.
Ugglaust er eitthvað hæft í því að
margir gætu ekki ímyndað sér dag-
lega tilveru án Facebook og talað er
um að fyrirbærið sé að leggja undir
sig heila kynslóð ungs fólks þannig
að nægur er efniviðurinn.
x x x
En hvað er Facebook? Félags-vefurinn er fyrirbæri margra
fésa. Þegar alda mótmæla fór um
arabaheiminn var Facebook notað
til að boða til funda. Er hann þá afl-
vaki lýðræðis? Skilvirknin getur líka
verið fullmikil eins og þegar stúlka
ein hugðist bjóða nánustu vinum í 16
ára afmæli sitt með því að setja
skilaboð á Facebook og 1.600 manns
komu í partíið. Aldurstakmörk eru á
aðild að Facebook, en iðulega er
horft fram hjá þeim og þess dæmi að
nýir félagar séu skráðir inn við fæð-
ingu. Það er hins vegar full ástæða
til að hafa varann á. Á netinu þrífst
margt misjafnt, einelti og þaðan af
verra, og það á ekkert síður við um
Facebook en aðrar vistarverur þess.
x x x
Í flestum tilvikum er athafnaseminá Facebook auðvitað saklaus. En
hvaðan koma þá verðmætin? Þau
eru fólgin í því að hver sá sem fer inn
á Facebook veitir aðgang að sjálfum
sér. Þegar þessum aðgangi fylgja
upplýsingar um smekk og venjur
fólks getur hann verið ómetanlegur
fyrir þá, sem vilja koma vörum sín-
um á framfæri. víkverji@mbl.is
Víkverji
Orð dagsins: Kostið kapps um að kom-
ast inn um þröngu dyrnar, því margir,
segi ég yður, munu reyna að komast
inn og ekki geta. (Lk. 13, 24.)
Bíldshöfði 14 » 110 Reykjavík » Sími 567 6744 » gsvarahlutir.is
Triscan gormar, bremsu- og stýrishlutir
Pöntum á fimmtudögum, varan komin á mánudegi