SunnudagsMogginn - 24.06.2012, Qupperneq 8

8 24. júní 2012
Helsta
ástæða þess
að Cameron
Diaz náði
öðru sætinu í
ár er grín-
myndin Bad
Teacher. Hún
varð óvæntur
smellur og
halaði inn um
27 milljarða króna í miðasölu en
kostaði 2,5 milljarða króna í
framleiðslu. Auk launa fékk hún
hluta af ágóðanum sem var í
þessu tilfelli umtalsverður. Hún
er auk þess í tveimur stórum
myndum til viðbótar, What to Ex-
pect When You’re Expecting og
The Green Hornet og því mat
Forbes árslaun Diaz um 4,2 millj-
arða króna.
Slæmur kenn-
ari, gott kaup
Cameron
Diaz
Kristen Stewart er hæstlaunaða leik-konan í heimi samkvæmt árlegumlista Forbes-tímaritsins. Hún þénaðium 4,3 milljarða króna á tímabilinu
frá maí 2011 til maí 2012 þökk sé leik hennar í
Twilight-vampírumyndunum og kvikmynd-
inni Snow White and the Huntsman. Stewart,
sem fær nú um 1,6 milljarða króna á mynd,
skaust fyrir ofan margar frægar leikkonur. Í
öðru sæti er Cameron Diaz og á eftir henni fylgir
Sandra Bullock og í fjórða sæti er hæstlaunaða
leikkonan frá því í fyrra, Angelina Jolie.
Stewart sat í fimmta sæti listans í fyrra með
jafnháar tekjur og Julia Roberts, sem í ár er í
sjötta sæti. Tekjur hennar hafa aukist mjög frá
því að hún lék í fyrstu Twilight-myndinni.
Kvikmyndaverin borga jafnan ungum leikurum
lítið fyrir leik sinn í fyrstu mynd í nýjum
myndaflokki. Þau spara sér peningana sem þarf
til að ráða stjörnu og borga nýliðunum lítilræði,
það er á þeirra stjarnfræðilega mælikvarða!
Launamisrétti kynjanna staðreynd
Þetta breytist auðvitað þegar farið er að gera
þriðju eða fjórðu mynd í myndaflokki. Ný-
stjarnan er þá orðin ómissandi og kvikmynda-
verið þarf að borga fullt stjörnuverð.
Samkvæmt Forbes fá konur borgað minna en
karlar í kvikmyndaheiminum. Topp tíu-
leikkonurnar þénuðu samtals um 25 milljarða
króna miðað við um 45 milljarða króna tekjur
launahæstu leikaranna. Launamisréttið er því
staðreynd en sem betur fer nær það ekki endi-
lega til einstakra mynda. Stewart fær jafn mikið
borgað og samleikarar hennar, Robert Patt-
inson og Taylor Lautner, en hún er þó launa-
hærri í ár vegna Snow White and the Huntsm-
an. Þó frægðarsól Stewart hafi risið hratt og hún
sé nú launahæst er hún aðeins í 43. sæti á stjör-
nulista Forbes, sem tekur bæði til peninga og
frægðar.
Yngst á listanum
Stewart, sem er 22 ára, er yngsta leikkonan á
topp tíu-lista Forbes en hin 62 ára gamla Meryl
Streep er sú elsta. Stewart er meira að segja
langyngst á listanum, fædd 1990. Sú næstyngsta
er Jolie sem er fædd 1975 en þar á eftir fylgir
önnur tiltölulega ný stjarna, Kristen Wiig, sem
er fædd 1973. Wiig er heldur óvenjulegt dæmi
því hún er ein af launahæstu leikkonunum í
Holllywood en komst ekki inn á stjörnulista
Forbes því þrátt fyrir peningana þykir hún ekki
enn þá nógu þekkt. Peningana fékk hún í laun
fyrir síðustu þáttaröð sína af Saturday Night
Live en líklegra er að fólk þekki hana úr sum-
arsmellinum Bridesmaids. Ekki er ólíklegt að
hún haldi sig á þessum listum og komist að
minnsta kosti inn á stjörnulistann því hún
verður á hvíta tjaldinu á næsta ári í myndinni
The Secret Life of Walter Mitty þar sem hún
leikur á móti Ben Stiller.
Tekjur úr tískuheiminum
Ekki allar stjörnurnar á listanum fá peningana
sína úr kvikmyndaleik.Til dæmis þénar Jolie
mikið þó hún sé ekki að leika í stórmynd og
kemur það til vegna samninga hennar við fyrir-
tæki á borð við Louis Vuitton. Allra augu eru
jafnan á henni og Brad Pitt, sem bað hennar í ár.
Hún var á hvorki meira né minna en 78 tíma-
ritaforsíðum á síðastliðnu ári.
Aðrar stjörnur á listanum fá líka pening úr
tískuheiminum. Til dæmis er Charlize Theron
andlit Dior-tískuhússins. Sarah Jessica Parker
er líka á listanum þrátt fyrir að mynd hennar I
Don’t Know How She Does It hafi gengið illa.
Hún græðir pening á endursýningum á hinum
vinsælu þáttum Sex and the City og líka á sölu
ilmvatna sinna, NYC and Lovely. Hún fær líka
borgað fyrir að vera andlit Garnier-hárvara.
Blóð-
peningar
Stewart
Græðir á
vampírumyndum
og Mjallhvíti
Ljósmyndararnir sátu um Kristen Stewart þegar hún gekk rauða dregilinn á nýliðinni kvikmyndahátíð í Cannes í Frakklandi.
AFPVikuspegill
Inga Rún Sigurðardóttir ingarun@mbl.is
1. Kristen Stewart
(4,3)
2. Cameron Diaz
(4,2)
3. Sandra Bullock
(3,1)
4. Angelina Jolie
(2,5)
5. Charlize Theron
(2,2)
6. Julia Roberts
(2,0)
7. Sarah Jessica
Parker (1,9)
8. Meryl Streep
(1,5)
9. Kristen Wiig (1,5)
10. Jennifer Aniston
(1,4)
Tekjurnar eru í sviga taldar
upp í milljörðum króna.
Topp tíu
Dalvegi 10-14 ▪ 201 Kópavogur ▪ Sími: 595 0570 ▪ parki.is
Plankaparket
í miklu úrvali
Bjóðum einnig upp á sérframleitt parket
eftir óskum hvers og eins.
Burstað, lakkað, olíuborið, handheflað,
reykt, fasað, hvíttað, eða hverning vilt þú
hafa þitt parket ?
Láttu drauminn rætast hjá okkur.