SunnudagsMogginn - 24.06.2012, Page 11

24. júní 2012 11
Ég bjóst ekki við því að ég myndi fara aftur út tilþess að klára námið,“ segir Magnea sem nýlegalauk bakkalárgráðu frá listaháskólanum Cent-ral Saint Martins í London. Magnea hafði lokið
við fyrstu tvö árin af náminu þegar að hún varð ólétt. Á
þriðja námsári þegar bekkjarfélagar hennar fóru í starfs-
nám hélt hún heim til Íslands í barneignarleyfi. Í mars
fæddist lítill drengur sem breytti lífi hennar mikið.
Rúmu ári síðar ákvað hún þó að halda áfram og klára
námið.
Gúmmírúlla sem undirstaða
„Ég ákvað að lífið væri ekki búið þó ég hefði eignast
barn. Ég fékk styrk frá sjóði einstæðra foreldra, pakkaði
saman föggum okkar og við mæðginin lögðum af stað til
London. Ég tók með mér ýmislegt sem ég vonaðist til að
gæti nýst í lokaverkefninu mínu. Það var til dæmis rúlla
af gúmmíi sem maður setur undir teppi. Þetta efni heill-
aði mig og það varð á endanum undirstaðan í lokaverk-
efninu mínu.“ Lokaverkefni Magneu samanstendur af
sex heilum fatasettum.
„Ég bjó til sex handgerða kjóla. Uppaflega stefndi ég á
að nota prjón sem undirstöðu í gerð efnanna. Undir lok-
in breyttist það þó og ég ákvað að bródera þá með
garni,“ en Magnea segist vera heppin að hafa hlotið
styrk frá Ístex en fyrirtækið gaf ull í verkefnið. „Með
hverjum kjól fylgir svo taska og sokkabuxur. Sokkabux-
urnar eru einnig handgerðar úr íslenskri ull en tösk-
urnar eru úr hnotuvið. Sigríður Sigurðardóttir tréút-
skurðarkona skar töskurnar út en ég teiknaði
mynstrið,“ útskýrir Magnea. Spurð út í hvernig hug-
myndin hafi komið til segir hún: „Þetta er mjög per-
sónulegt verkefni. Ég er búin að búa í kössum síðustu ár
og þess vegna valdi ég að láta fyrirsæturnar halda á
litlum, kassalaga töskum. Snið kjólanna er einfalt, einn-
ig kassalaga, en ég vinn mikið með efnin. Það er fyrst og
fremst textíll sem ég legg áherslu á,“ segir hún.
„Venjulega er ég á leiðinni heim úr skólanum milli
fjögur og fimm á daginn. Þá eru ljósaskiptin í London.
Þau eru mjög ólík ljósaskiptunum heima. Það tekur að-
eins nokkrar mínútur hér á meðan þau vara mun lengur
á Íslandi. Þessir ólíku litir í ljósaskiptunum hafa mikil
áhrif á mig. Þeir voru innblástur við gerð efnanna. Svo
heitir auðvitað sonur minn Rökkvi,“ segir hún glaðlega.
Hönnun Magneu fékk mjög góðar viðtökur. Fatasettin
voru fyrst sýnd á tískusýningu en nú eru þau sýnd á
standandi sýningu á vegum skólans. „Skólinn útvegar
fyrirsætur, förðunarmeistara og hárgreiðslukonur fyrir
tískusýninguna. Þar sýna allir útskriftarnemar sex heil-
sett. Við fáum ekki að ráða uppsetningunni á tískusýn-
ingunni en á standandi sýningunni höfum við meira að
segja. Settin eru svo öll ljósmynduð. Ég fékk Sögu Sig
ljósmyndara til þess að taka myndirnar fyrir mig,“ segir
Magnea en Saga Sig hefur gert það gott upp á síðkastið í
London, meðal annars með ljósmyndablogginu sag-
anendalausa.blogspot.com.
Innblástur frá biskupsfrúnni
Þegar Magnea er spurð hvort guðfræði hefði ekki legið
betur við skellir hún upp úr. „Nei, ég var ung þegar ég
ákvað að ég ætlaði ekki að verða prestur. Við erum þrú
systkinin og völdum öll aðrar brautir. Bróðir minn er
viðskiptafræðingur, systir mín er tónlistarkona og ég er
í fatahönnun,“ segir hún en Magnea er barnabarn Sig-
urbjörns Einarssonar biskups. „Amma mín og nafna,
Magnea Þorkelsdóttir, var mikil handavinnukona svo
list liggur líka í fjölskyldunni. Hún kenndi mér að hekla
og sauma út þegar ég var lítil. Sjálf var hún ótrú-
lega dugleg og var alltaf að vinna að einhverri
handavinnu.“ Þegar Magnea var í barneign-
arleyfi á Íslandi gáfu dætur og barnadætur
Magneu Þorkelsdóttur út bók um handavinnu
hennar. „Ég lá mikið yfir handavinnu ömmu á
þessum tíma. Frænka mín sem er ljósmyndari
sá svo um að ljósmynda efnið fyrir bókina. Það
sátu svo þrjár frænkur mínar í ritstjórn.“ Sýn-
ing á verkum Magneu Þorkelsdóttur fór fram á
Þjóðminjasafninu.
Á leið til London
Magnea fékk ung áhuga á tísku og vissi vel
hvert hún stefndi eftir menntaskóla. „Ég tók
ársfrí frá menntaskóla til þess að fara í
textílskóla í Danmörku, eins konar
lýðháskóla. Ég úrskrifaðist frá Mennta-
skólanum við Hamrahlíð en þaðan lá
leið mín í Myndlistaskólann í Reykja-
vík þar sem ég lauk við fornámið vorið
2007.“ Fornám Myndlistaskólans er
undirbúningsnám fyrir hönnunar- og myndlist-
arnema. „Í Myndlistaskólanum fékk ég góðan grunn
fyrir hönnunarnámið. Ég lærði til dæmis litafræði,
hönnunarfræði og teikningu. Námið leggur meiri
áherslu á myndlist en hönnun en ég hafði samt mjög
gott af því. Það er mikilvægt að komast inn í stemn-
inguna að vera í listnámi. Það er ótrúlega ólíkt bók-
námi.“
Eftir fornámið sótti Magnea um eftirsótta tískuhá-
skólann Parsons í París. „Þetta er bandarískur skóli með
útibú í París. Þar er mikil áhersla lögð á tækni. Eftir að ég
kláraði eitt ár í Parsons langaði mig að fara í Central Sa-
int Martins í London. Ég vildi sérhæfa mig meira og var
spennt fyrir prjónadeildinni sem skólinn bauð upp á. Ég
var því mjög ánægð þegar ég komst inn,“ segir hún
brosandi.
Bakkalárritgerð um bloggara
Þegar Magnea var í barneignarleyfi á Íslandi fylgdist hún
vel með tískunni úr fjarlægð. Hún lá löngum stundum
yfir tískubloggum en einn af hennar uppáhalds-
bloggurum er sænska tískugyðjan Caroline Engman. Í
barneignarleyfinu kviknaði hugmynd að ritgerðarefni
fyrir bakkalárritgerðina. „Titillinn á ritgerðinni minni er
„Screen over print - The rise of the independent fashion
blogger“. Ég skoðaði tískubloggara frá nokkrum sjón-
arhornum, til dæmis sögu þeirra, áhrif á tískuheiminn
og hvernig valdið væri smám saman að færast frá stóru
tísku- húsunum og yfir til almennings. Ég ræddi við
fimm tískubloggara, meðal annars eina ís-
lenska stelpu sem heitir Sara Hlín.“ Á
síðustu árum hefur tískubloggheim-
urinn stækkað gríðarlega. Bloggarar
sem vegnar vel geta unnið við blogg í
fullu starfi. Telur Magnea þá að
tískutímarit tilheyri fortíðinni?
„Nei, alls ekki. Ég komst að þeirri
niðurstöðu í ritgerðinni að þetta er ný
kynslóð og atvinnugrein. Tísku-
bloggarar eru áhrifavaldar í
tískuheiminum í dag en
það er enn markaður fyrir
tískutímarit.“ Magnea
segist ekki geta hugsað sér
að verða tískubloggari
sjálf þó að bloggararnir
veki áhuga hennar.
Svartsýnir samnemendur
Aðspurð hvað taki við
eftir námið segist hún
vonast til þess að ná sér í
starfsreynslu en henni
fannst sárt að missa af
starfsnámsárinu í skól-
anum. „Stóru tískufyr-
irtækin koma á lokasýn-
ingu skólans og
útskriftarnemar hafa feng-
ið tækifæri í framhaldi af
því. Samnemendur mínir
eru þó margir heldur svart-
sýnir. Það var þema í
nokkrum lokaverkefnum að
ekkert líf væri eftir fatahönn-
un og enga vinnu að fá. Sjálf er
ég nú ekki svo svartsýn,“ segir
Magnea glaðlega. „Ég vil fá
starfsreynslu erlendis og gæti
vel hugsað mér að vinna fyrir
stóru tískuhúsin. Ég veit ekki
hvort ég verð áfram í London,
það á eftir að koma í ljós. Ég þarf
líka að hugsa hvað er best fyrir
strákinn minn.“
Magnea segist vel geta hugsað
sér að koma einn daginn aftur til
Íslands. „Íslendingar eru mjög
opnir fyrir tísku. Ef ég myndi ætla
að vinna sjálfstætt þá kæmi ég
heim.“
Aðdráttarafl
ljósaskiptanna
Fatahönnuðurinn Magnea Einarsdóttir ákvað ung að feta ekki í
fótspor skyldmenna sinna og gerast prestur. Hún fór þess í stað til
London og lærði fatahönnun með áherslu á prjón.
Ingibjörg Friðriksdóttir if@mbl.is
Mynstrið sem er á trétöskunum hannaði Magnea en
listakonan Sigríður Sigurðardóttir skar þær út.
Ljósmynd/Saga Sig
Magnea Einarsdóttir útskrifaðist í vor úr fatahönnun frá
listaháskólanum Central Saint Martins í London.
Ljósmynd/Sigríður Sigurðardóttir
Flíkurnar eru útsaumaðar
með íslensku garni.
Ljósmynd/Saga Sig