SunnudagsMogginn - 24.06.2012, Síða 16

16 24. júní 2012
Nú hafa sex ungir hús-gagnasmiðir, sem allir eruprýðilega menntaðir í starfs-grein sinni, hafizt handa af
mikilli bjartsýni og dugnaði, komið sér
upp fullkomnum vélakosti, sem í sumum
greinum mun bera af öllu því, sem
þekkzt hefur hér á landi,“ var skrifað í
Verkamanninum 1. maí 1953. Ak-
ureyrska húsgagnaverksmiðjan Valbjörk
var þá opnuð í fyrsta skipti. Valbjark-
arhúsgögnin eru landsmönnum vel
kunnug en þau áttu eftir að rata víða um
land.
Hálfri öld síðar er enn blómstrandi
dugnaður og bjartsýni á Akureyri. Fyrr í
mánuðinum opnuðu þrír ungir hús-
gagnasmiðir, Ingibjörg Björnsdóttir,
Guðrún Björg Eyjólfsdóttir og Berglind
Júdith Jónsdóttir, húsgagnaverkstæðið
Mublur þar í bæ. Sunnudagsmogginn
náði tali af Berglindi Júdith.
Það er mikil ringulreið í kringum
Berglindi Júdith þegar blaðamaður nær
tali af henni. Hún er að leggja af stað út á
land en gefur sér þó tíma til þess að tala
um nýja húsgagnaverkstæðið, Mublur, á
Akureyri. Það hýrnar yfir Berglindi Jú-
dith þegar hún rifjar upp tilkomu fyr-
irtækisins. „Ég hef mikinn áhuga á því að
gera upp gömul hús og húsgögn,“ segir
hún en Berglind er einnig lærður húsa-
smiður. „Þetta er því hugmynd sem hafði
blundað í mér lengi en það var ekki fyrr
en ég kynntist stelpunum sem að við
ákváðum að láta verða af þessu,“ segir
hún. Stúlkurnar þrjár kynntust í hús-
gagnasmíði í Verkmenntaskólanum á
Akureyri. Berglind Júdith lauk við námið
í vor en hinar tvær eiga eina önn eftir.
Húsgagnaverkstæðið Mublur býður upp á
húsgagnaviðgerðaþjónustu en einnig
munu þær stöllur selja uppgerð húsgögn
og hanna og smíða eigin húsgögn. „Ef þú
átt gamlan skenk þá getur þú komið með
hann til okkar og við löppum upp á
hann,“ segir hún glaðlega.
Berglind Júdith segir að húsgögnin séu
ekki aðeins fyrir Akureyringa. „Nei, alls
ekki. Við erum til dæmis búnar að stofna
Facebook-síðu. Þar geta áhugasamir
skoðað húsgögnin,“ segir hún en bætir
því við að síðan sé ekki fullkláruð. Mark-
miðið er að selja húsgögnin á síðunni og á
verkstæðinu. Hún segir að ekki sé til
sambærileg verslun á Akureyri og því
hafi íbúar bæjarins hingað til þurft að
leita til smiða með gömul húsgögn. Hún
gerir því ráð fyrir að mikill markaður sé
fyrir slíkt verkstæði á Akureyri. „Það
hjálpar til hvað samfélagið er lítið. Íbú-
arnir frétta fljótt af þessu,“ segir hún.
Hún viðurkennir þó að smæð samfélags-
ins fylgi einnig gallar því færri húsgögn
séu í minni samfélögum. Hún segir það
koma vel til greina að þær muni einn
daginn opna verkstæði í höfuðborginni.
„Það er auðvitað draumur að geta stækk-
að fyrirtækið sitt,“ segir hún en bendir
þó á að fyrirtækið sé á frumstigi.
Ömmu- og afahúsgögn
Ungu konurnar deila áhuga á gömlum ís-
lenskum húsgögnum. Í miklu uppáhaldi
eru húsgögn frá Valbjörk. „Þessi húsgögn
voru alls staðar en urðu svo hrikalega
hallærisleg um 1980. Þau fóru því flest á
Stúlkurnar kynntust í
húsgagnasmíði. Frá
vinstri Berglind Júdith,
Ingibjörg og Guðrún.
Morgunblaðið/Skapti Hallgrímsson
Guðrún hannaði skartgripaskrín ásamt Þorleifi kennara sínum. Skrínið var fyrir demants-
nælu sem bróðir hennar hannaði. Nælan var fyrir Elísabetu Englandsdrottningu.
Bjartsýni og
dugnaður
Akureyrsku dugnaðarforkarnir Berglind Júdith,
Guðrún og Ingibjörg láta ekki tal um kreppu og
atvinnuleysi draga úr sér kraftinn. Á dögunum
réðust þær í að stofna húsgagnaverkstæðið
Mublur á Akureyri.
Ingibjörg Friðriksdóttir if@mbl.is
Skrínið sem Guðrún og Þorleifur hönnuðu á
krýningarafmæli Elísabetar drottningar.