SunnudagsMogginn - 24.06.2012, Page 17

24. júní 2012 17
haugana en við erum að reyna að bjarga
þeim,“ segir Berglind Júdith. „Þetta eru
þessi dæmigerðu ömmu- og afahús-
gögn,“ segir hún.
Húsgögnin sem þær gera upp og selja
eru aðallega frá sjötta- og sjöunda ára-
tugnum.
Í nóvember, áður en hugmyndin um
húsgagnaverkstæðið kviknaði, hönnuðu
þær ruggustól úr beyki. „Við fengum það
verkefni í VMA að herma eftir borðstofu-
stól sem skólinn hafði keypt. Við vildum
hins vegar ekki eiga einn stakan borð-
stofustól,“ segir Berglind Júdith. Í fram-
haldi lögðust þær á netið í leit að betri
lausn. „Okkur datt í hug að hanna
barnamatarstól eða ruggustól,“ segir hún
en ruggustóll varð á endanum ofan á.
Skólinn gaf leyfi fyrir því að þær myndu
breyta verkefninu og útkoman varð
glæsileg. Stólarnir eru til í þremur út-
gáfum þar sem þær settu allar persónu-
legt mark á stólana. Þeir verða til sölu hjá
Mublum.
Samsafn af húsgögnum
Þríeykið hefur unnið hörðum höndum að
því að opna verkstæðið en Berglind Jú-
dith segir að það sé mikil vinna að baki.
Opnuninni seinkaði þó talsvert í vor.
Ástæða þess var verkefni sem þær unnu
fyrir nýja kaffihúsið í Lystigarðinum.
Á hundrað ára afmæli Lystigarðsins og
hundrað og fimmtíu ára afmæli Akureyr-
arbæjar var opnað langþráð kaffihús í
garðinum. Lystigarðurinn er eitt af
þekktari kennileitum bæjarins en þetta
er fyrsta kaffihúsið sem er opnað þar. Um
rekstur kaffihússins sjá þeir Sigurður
Guðmundsson og Njáll Trausti Friðberts-
son. Þeir fengu þá hugmynd að innrétta
kaffihúsið með húsgögnum frá Valbjörk
og auglýstu því eftir þeim. Það gekk von-
um framar og brátt var kaffihúsið fullt af
húsgögnum í misjöfnu ásigkomulagi.
Þeir höfðu þá uppi á Berglindi Júdith og
báðu hana að aðstoða sig við verkefnið.
„Ég hafði samband við stelpurnar og við
tókum þetta að okkur,“ segir hún. „Þetta
eru húsgögn úr öllum áttum og eru því
mjög mismunandi. Það var kraftaverk
hvað okkur tókst að vinna þetta á stutt-
um tíma,“ segir hún en það tók þær um
þrjár vikur að ljúka verkefninu.
Skartgripaskrín fyrir drottninguna
Árið 2012 er ekki aðeins merkisár fyrir
Akureyrarbæ en eins og flestir vita eru
sextíu ár frá krýningu Elísabetar Eng-
lands drottningar. Þá greindi Morg-
unblaðið frá því að Kristjáni Eyjólfssyni,
gullsmið og bróður Guðrúnar, hefði verið
falið það verkefni að hanna nælu fyrir
drottninguna og alla gesti í blómasýn-
ingu hennar í Chelsea. Í heildina hannaði
Kristján þrjú hundruð nælur en engin af
þeim var eins. Nælurnar eiga það sam-
eiginlegt að vera handgrafnar og með
handgrafinni perlu. Stærsta verkefnið
var að hanna nælu fyrir sjálfa drottn-
inguna. Hann vildi að nælan minnti á Ís-
land og notaði því íslenskt víravirki. Sex-
tíu ára krýningarafmæli er kallað
demantsafmæli og því var nælan skreytt
demöntum.
Kristján hafði samband við stóru syst-
ur sína, Guðrúnu, og bað hana að búa til
skartgripaskrín fyrir næluna. Guðrún tók
að sér verkefnið og útbjó skartgripa-
skrínið ásamt Þorleifi Jóhannssyni,
kennara við Verkmenntaskólann. Guð-
rún hélt áfram með íslenska áherslu í
hönnun sinni. Hún notaði því birki í
sjálft skrínið en það er klætt að innan
með laxaroði.
Þýðir ekki að krossa fingur
Berglind Júdith segir það krefjast mikillar
vinnu að stofna sitt eigið fyrirtæki. „Við
hefðum líklega getað sótt um einhverja
nýsköpunarstyrki. Við höfðum einfald-
lega ekki tíma til þess,“ segir hún. Að-
spurð hvort hún hafi góðar ráðleggingar
til frumkvöðla segir hún: „Það er mik-
ilvægast að hafa brennandi áhuga. Við
byrjum rólega. Það gengur ekki að kaupa
rándýrt húsnæði og vélar og krossa svo
fingur.“ Blaðamaður kveður Berglindi
Júdith sem getur nú lagt af stað í ferða-
lagið sitt.
Berglind Júdith og Ingibjörg kynntust í húsgagnahönnun.
Húsgögn frá Valbjörk á Akureyri eru í miklu
uppáhaldi hjá húsgagnahönnuðunum.
Til eru þrjár útgáfur af ruggustólnum sem
stúlkurnar hönnuðu í Verkmenntaskólanum.
’
Þetta eru húsgögn úr öllum áttum og
eru því mjög mismunandi. Það var
kraftaverk hvað okkur tókst að vinna
þetta á stuttum tíma.“