Morgunblaðið - 20.07.2012, Blaðsíða 6

SVIÐSLJÓS
Kristján H. Johannessen
khj@mbl.is
Flugfélagið Mýflug sérhæfir sig í
leigu- og sjúkraflugi hér á landi. Frá
árinu 2006 hefur félagið sinnt sjúkra-
flugi samkvæmt samningi við vel-
ferðarráðuneytið og sinnir það nú
nær öllu sjúkraflugi innan Íslands.
Núgildandi samningur við Mýflug
rennur út um næstu áramót en líkt
og Morgunblaðið greindi frá í gær
hefur Landhelgisgæsla Íslands lýst
yfir áhuga á að taka að sér allt
sjúkraflug hér á landi. Rökin munu
m.a. vera hagræðingin sem því fylgir
að hafa allt sjúkraflug á einni hendi.
Reisa þyrfti nýtt skýli
„Ég tel okkur hafa sinnt þessu
ágætlega, það hefur a.m.k. verið lítið
um kvartanir,“ segir Leifur Hall-
grímsson, framkvæmdastjóri Mý-
flugs, og bætir við að hann stórefist
um hagkvæmni þess að láta Land-
helgisgæsluna annast allt sjúkraflug.
„Mér er það stórlega til efs að Land-
helgisgæslan hafi burði til þess að
gera þetta ódýrara en við,“ segir
Leifur og bendir á að væntanlega
þurfi að reisa nýtt flugskýli á Akur-
eyri fyrir tækjabúnað Gæslunnar og
það kann að kosta um hálfan milljarð
króna.
Fleiri krónur í kassann
Fari svo að höfuðstöðvar flug-
deildar Gæslunnar verði fluttar
norður til Akureyrar er ljóst að fjöldi
starfsmanna yrði að flytjast búferl-
um. „Þá þarf eflaust að þjálfa nýtt
starfsfólk því einhverjir munu vænt-
anlega ekki fást til að flytja norður.
Svo fljótt á litið sé ég ekki alveg hag-
ræðinguna.“
Leifur segir Mýflug sinna að með-
altali um 400-500 sjúkraflugsbeiðn-
um á ári samanborið við þyrlur
Landhelgisgæslunnar sem sinni um
10-15 prósentum þess fjölda. Vert er
að taka sérstaklega fram að hér er
ekki átt við björgunarflug þyrlu-
sveita.
„En ég skil vel að Gæslan vilji efla
sína flugdeild. Þeir eru náttúrlega að
reyna að afla sér fleiri verkefna og fá
fleiri krónur í kassann.“
Fulltrúar frá Landhelgisgæslunni,
ISAVIA, innanríkis- og velferðar-
ráðuneyti hafa farið yfir útreikninga
og skoðað hugsanlega hagkvæmni
þess að Gæslan taki alfarið yfir
sjúkraflugið en niðurstaða liggur
ekki fyrir. Ekki fengust upplýsingar
frá Landhelgisgæslu Íslands þegar
eftir þeim var leitað við gerð fréttar.
Efast um að Gæsl-
an geti gert betur
 Mýflug sinnir að jafnaði 400-500 ferðum í sjúkraflugi á ári
Ljósmynd/Skapti Hallgrímsson
Sjúkraflug Mikilvægur þáttur í starfsemi Mýflugs er að sinna nauðsynlegu sjúkraflugi hér á landi. Til að sinna
verkefninu notast félagið við hraðfleyga og öfluga sjúkraflugvél af gerðinni Beechcraft King Air 200.
6 FRÉTTIRInnlent
MORGUNBLAÐIÐ FÖSTUDAGUR 20. JÚLÍ 2012
Páll Fannar Einarsson
pfe@mbl.is
„Í grófum dráttum er staðan svipuð
og frá seinasta lundaralli. Við leggj-
um af stað í dag [fimmtudag] í seinna
rallið og munum athuga hvernig
ungarnir hafa það. Það gefur okkur
ágætis mynd af varpárangri. Við
kláruðum Vestmannaeyjar í gær
[miðvikudag] og pysjurnar eru að-
eins byrjaðar að afreka en það er
engin skriða komin af stað ennþá,“
segir Erpur Snær Hansen, sviðs-
stjóri vistfræðirannsókna hjá Nátt-
úrustofnun Íslands.
Erpur telur lundavarpið í ár vera
afar slæmt, en hann lauk nýverið við
talningu í Vestmannaeyjum. „Þetta
er bara það sem við bjuggumst við á
Vestur- og Suðurlandi frá Papey til
Breiðafjarðar,“ segir Erpur.
Ekki óhætt að veiða
Á fundi umhverfis- og skipulags-
ráðs Vestmannaeyja á miðvikudag
var tekin sú ákvörðun að leyfa ekki
lundaveiðar í sumar, en Erpur er
hjartanlega sammála þeirri ákvörð-
un. „Seinustu sjö árgangar hafa ver-
ið mjög slæmir og stofninn hefur
minnkað um allt að helming í Eyjum.
Þegar ástandið er svona þá verðum
við að bíða eftir því að varpárang-
urinn fari upp fyrir meðallag nokkur
ár í röð svo hann nái að jafna sig,“
segir Erpur, en hann telur að ekki sé
óhætt að hefja veiðar á lundanum
fyrr en sá árangur hefur náðst.
Erpur er ekki sammála þeirri
skoðun að veiðar í háf hafi engin
áhrif á stofn lunda, en hann segir að
hlutfall veiða í háf sé hærra en menn
geri sér grein fyrir. „Um 14% af
hverjum árgangi hefur hingað til far-
ið í háfinn í Vestmannaeyjum og um
30% þeirra sem lenda í háfinum eru
fullorðnir fuglar. Veiðarnar eru það
miklar að þær eru á mörkum sjálf-
bærni,“ segir Erpur.
Lífslíkur fullorðins lunda eru um
87% og ef hann er ekki veiddur
hækka þær í 95%. Að mati Erps
skiptir hvert prósent miklu máli.
Eitt prósent styttir lífslíkurnar um
nokkur ár. „Þegar við erum komin
með svona mikinn mismun þá erum
við farin að hirða alla umframfram-
leiðslu,“ segir hann, en að sögn Erps
koma fljótlega út útreikningar sem
sýna fram á að veiðar hafi mikil áhrif
á stofninn.
Telur lunda-
varpið afar
slæmt í ár
 Stofninn hefur minnkað um helming
Morgunblaðið/Ómar
Lundi Um 14% af hverjum árgangi í
Eyjum hafa farið í háfinn.
Stefán Gunnar Sveinsson
sgs@mbl.is
Von er á mikilli úrkomu um
helgina um mestallt landið. Bænd-
ur á Norður- og Suðurlandi taka
rigningunni fagnandi, enda hefur
verið mikil þurrkatíð ríkjandi að
undanförnu líkt og komið hefur
fram í fréttum.
Sveinn Sigurmundsson, fram-
kvæmdastjóri Búnaðarsambands
Suðurlands, segir að úrkoman um
helgina verði afar kærkomin. „Það
er búið að vera ákaflega þurrt,
eins og allar tölur segja til um, og
það vantar orðið víða vatn. Litlir
lækir eru orðnir uppþornaðir og
drykkjarvatn er farið að verða af
skornum skammti sums staðar.
Það verður því kærkomið að fá
rigningu,“ segir hann.
Nýlega voru í fréttum nefnd
dæmi þess að tún hefðu hreinlega
skemmst eða brunnið vegna
þurrkanna. Sveinn segir að það
séu einhver dæmi um bruna á tún-
um á Suðurlandi, sérstaklega þar
sem jarðvegur sé grunnur eða
sendinn og þar sem síðdegisskúrir
hafa fallið lítið niður.
Rigning vel þegin
„Það er ekki jafnt hvernig
þeir hafa fallið niður, sums staðar
hefur kannski rignt í tvo tíma en á
sama tíma ekki komið dropi úr
lofti annars staðar. Það hefur ver-
ið frekar til fjalla þar sem rign-
ingin hefur komið, en minna við
láglendið eins og t.d. í Landeyjum
og neðst niðri í Flóa,“ segir
Sveinn. Hann segir að bændur séu
þó ekki endilega óhressir með
góða veðrið í sumar: „Þetta hefur
verið góðviðri í sumar svona heilt
yfir, en það hefur vantað vætuna.
Það þarf að vökva allt, ekki bara
lífsblómið.“ Ólafur G. Vagnsson,
héraðsráðunautur á Akureyri, seg-
ir að rigningin sé mjög vel þegin
eftir viðvarandi þurrkatíð. „Þetta
mun hafa afskaplega góð áhrif um
nánast allt Norðurland, en þar
hefur verið afar takmörkuð úr-
koma þó að auðvitað sé það breyti-
legt frá einu héraði til annars.
Þegar litið er á heildina hefur
vantað verulega úrkomu, þannig
að þetta gæti gert virkilega góða
hluti.“
Ólafur segir að sums staðar sé
hugsanlegt að vætan komi of seint.
„Það er í einhverjum tilfellum sem
þurrkurinn er orðinn það mikill að
grös hafa eiginlega hálfvisnað og
ná kannski ekki að jafna sig þó að
það komi úrkoma, en það eru bara
undantekningartilfelli. Heilt yfir
mun þetta stórbæta ástandið.“
Bændur taka helgarveðrinu fagnandi
Morgunblaðið/Sigurður Sigmundsson
Heyjað Víða hefur heyskapur gengið illa vegna þurrkatímabils.
 Langri þurrkatíð loksins að ljúka
 Hugsanlega of seint sums staðar Þurrkar til vandræða
» Afar þurrt hefur verið á
landinu síðustu vikurnar.
» Grasspretta hefur verið
lítil og bændur hafa beðið tjón
vegna þessa, t.d. vegna þess
að áburður á túnin er dýr, en
afraksturinn lítill.
» Dæmi eru um að tún hafi
brunnið á Hrútafirði, Suð-
urnesjum, við Fljótin og í
Skagafirði.
Sú hugmynd hefur nokkrum
sinnum komið upp að flytja
höfuðstöðvar Landhelgisgæsl-
unnar, ásamt þyrlubjörg-
unarsveit, til Suðurnesja. Á
sínum tíma myndaðist talsverð
umræða um málið og kom m.a.
fram nokkur óánægja með
hugmyndina. Bendir Leifur
Hallgrímsson, framkvæmda-
stjóri Mýflugs, því á að telja
megi líklegt að einhver
óánægja muni koma upp verði
af hugmyndum þess efnis að
flytja sveitina norður til Ak-
ureyrar.
Þá fengust þær upplýsingar
hjá Sjúkratryggingum Íslands
að velferðarráðuneyti hafi snú-
ið sér til fjármálaráðuneytis og
greint frá áhuga á því að fram-
lengja gildandi samning við
Mýflug til eins árs, eða ársloka
2013.
Vilji til að
framlengja
ÁÐUR VILJAÐ FLYTJA
Kríuvarpið hefur ekki verið gott
undanfarin ár, en að sögn Erps
hefur fuglinn virkilega fengið að
finna fyrir því seinustu ár. „Henni
hefur fækkað mikið undanfarin ár.
Við erum með nokkur risavörp á
landinu og krían er að koma upp
ungum mjög víða. Ástandið er
samt eitthvað að skána og það eru
góðar blikur á lofti,“ segir hann.
Fýllinn hefur einnig komið illa út
í suðurhluta landsins og hefur
hann verið á niðurleið í þónokkurn
tíma í öllu N-Atlantshafinu. „Það
hefur verið svo hlýtt í sumar að
þeir hafa bara grillast greyin. Þeir
þola illa langvarandi hita og ég tel
að meirihluti varpsins hafi drep-
ist,“ segir Erpur en fuglinn hefur
þó komist ágætlega af fyrir norðan
þar sem hann getur fundið skjól
fyrir sólinni.
Ástandið víða slæmt
SJÓFUGLAR