Morgunblaðið - 13.11.2012, Blaðsíða 19
FRÉTTIR 19Viðskipti | Atvinnulíf
MORGUNBLAÐIÐ ÞRIÐJUDAGUR 13. NÓVEMBER 2012
Hagnaður af rekstri Vodafone
fyrir skatta og fjarmagnsliði
(EBITDA) á fyrstu níu mánuðum
ársins nam tæpum 2,2 milljörðum
króna og hækkaði um 19% milli
ára. Framlegð jókst á tímabilinu
og nam 44%, samkvæmt frétta-
tilkynningu frá félaginu.
„Hagnaður eftir skatta jókst
um 71% og nam 352 milljónum.
Eiginfjárhlutfall Vodafone var í
lok september 41,7% og vaxtaber-
andi skuldir lækkuðu um 2,2
milljarða króna á fyrstu 9 mán-
uðum ársins … Tekjustraumar fé-
lagsins eru fjölbreyttir, því auk
tekna af farsíma-, fastlínu- og
gagnaflutningsþjónustu hafa
tekjur af sjónvarpsdreifingu og
-þjónustu aukist verulega und-
anfarin ár,“ segir orðrétt í frétta-
tilkynningunni.
Þetta eru vissulega
gleðifréttir
„Rekstrarniðurstöður fyrstu 9
mánaða ársins eru góðar. Þær
eru umtalsvert betri en á sama
tímabili í fyrra og árangurinn er
umfram okkar eigin áætlanir á
tímabilinu. Það eru vissulega
gleðifréttir fyrir okkar starfsfólk,
sem hefur lagt sig fram við að ná
árangri í daglegum rekstri á
sama tíma og mikil vinna hefur
verið unnin vegna fyrirhugaðrar
skráningar félagsins á hluta-
bréfamarkaðinn. Þessar niður-
stöður eru gott veganesti inn í
framtíðina,“ er haft eftir Ómari
Svavarssyni, forstjóraVodafone, í
tilkynningunni.
Hagnaður af rekstri
Vodafone 2,2 milljarðar
Hækkaði um 19% milli ára Tekjurnar 9,8 milljarðar
Vodafone Reksturinn gekk vel fyrstu níu mánuði ársins og niðurstöðurnar eru gott veganesti, að sögn forstjórans.
Markaðshlutdeild Símans á far-
símamarkaði er komin niður fyrir
40% samkvæmt nýrri skýrslu Póst-
og fjarskiptastofnunar. Vodafone er
nú með 28,8% markaðshlutdeild og
Nova fylgir fast á eftir Vodafone
með 27,7% markaðshlutdeild.
Alls er markaðshlutdeild Símans
39% á fyrri hluta ársins en á sama
tímabili í fyrra var markaðs-
hlutdeild Símans 41%. Árið 2010 var
hlutdeild Símans 43,9% á fyrri hluta
ársins.
Markaðshlutdeild Vodafone er
28,8% en var á fyrri hluta síðasta árs
29,8% og 28,9% 2010.
Nova hefur bætt við sig fjórð-
ungi á tveimur árum
Nova er með 27,2% markaðs-
hlutdeild samanborið við 24% á fyrri
hluta síðasta árs. Árið 2010 var hlut-
deild Nova 20,4%. Tal er með 4%
hlutdeild á farsímamarkaði.
Ljóst er af þessum tölum að Nova
hefur verið að vinna markaðs-
hlutdeild á undanförnum tveimur
árum, bæði af Símanum og Voda-
fone og hefur bætt við sig um fjórð-
ungi.
Alls eru farsímaáskriftir rúmlega
393 þúsund talsins á Íslandi, sam-
kvæmt skýrslu Póst- og fjar-
skiptastofnunar.
Nova er
hástökk-
varinn
Stjórnandinn Liv Berþórsdóttir,
framkvæmdastjóri Nova.
Orkuskot sem virkar strax!
Lífrænt grænmetisduft fyrir alla
Heilbrigð orka úr lífrænni næringu
og fullt af andoxunarefnum
Eykur vellíðan, skerpir hugsun, heilbrigði og frísklegt útlit.
Börn, unglingar og fullorðnir finna mun á orku og úthaldi -
Fyrir íþróttaæfingar, skólann og vinnuna
Gefur góða líðan og dregur úr sælgætislöngun
Blóðsykursjöfnun úr grænmeti er æskilegust fyrir alla.
Kjörið fyrir sykursjúka.
Meðmæli næringafræðinga - 100% náttúrleg uppspretta
Brokkál Spínat Rauðrófur
Salatkál – Gulrætur – Steinselja
lífræn bætiefni fyrir allaFæst í: Lifandi markaður, Lyfjaveri, Krónunni og Hagkaup
Ekkert erfðabreytt – Ekkert skordýraeitur – Engar geymslugeislanir
Engin aukaefni, litar- eða bragðefni.
Hagasmára 1
201 Kópavogi
sími 512 8900
reginn@reginn.is
Dagskrá og endanlegar tillögur munu vera hluthöfum til sýnis á
skrifstofu félagsins í Smáralind, 3.hæð, Hagasmára 1, 201 Kópavogi,
viku fyrir hluthafafundinn.
Upplýsingarnar verða auk þess aðgengilegar á heimasíðu félagsins,
www.reginn.is.
Fundargögn verða afhent á fundarstað.
Kópavogur, 12 nóvember 2012
Stjórn Regins hf.
reginn.is
Reginn hf. auglýsir
hluthafafund
Hluthafafundur
Stjórn Regins hf. boðar til hluthafafundar í félaginu og verður
hann haldinn í Hörpu tónlistar- og ráðstefnuhúsi, Austurbakka 2,
101 Reykjavík, þriðjudaginn 4 desember 2012 og hefst stundvíslega
kl. 15.00.
Dagskrá fundarins er svohljóðandi:
1. Kosning tveggja nýrra stjórnarmanna
2. Tillaga lögð fram um heimild stjórnar til kaupa á eigin hlutabréfum
3. Önnur mál