Morgunblaðið - 04.12.2012, Page 6

SÉRHÆFING Í VIÐHALDI GÓLFA
SÉRSMIÐI
innréttingar, borðplötur, sprautulökkun
info@golfthjonustan.is | golfthjonustan.is
S: 897 2225
Drekasvæðið
Jan Mayen
Ísland
Grænland
Noregur
Færeyjar
Drekasvæðið
Steinþór Guðbjartsson
steinthor@mbl.is
Sérleyfi fyrir rannsóknir og vinnslu
kolvetnis á tveimur skilgreindum
svæðum á Drekasvæðinu verða
væntanlega gefin út í byrjun janúar
á næsta ári og fá leyfishafar allt að
12 ár í leitina að olíu og gasi.
Orkustofnun greindi frá því í gær
að ákveðið hefði verið að veita félög-
unum Faroe Petroleum Norge AS
og Íslensku kolvetni ehf. annars veg-
ar og hins vegar Valiant Petroleum
ehf. og Kolvetni ehf. umrædd sér-
leyfi. Auk þess hafa norsk stjórnvöld
ákveðið að norska ríkisolíufélagið
Petoro verði þátttakandi að fjórð-
ungs hlut í hvoru leyfi, samkvæmt
heimild í samningi frá 1981.
Þrjár umsóknir bárust í útboðinu
sem lauk 2. apríl sl. Orkustofnun
leitaði umsagna í samræmi við lög
og kannaði getu umsækjenda til að
takast á við starfsemina. Eykon ehf.
fékk frest til 1. maí 2013 til að afla
sér samstarfsfélags sem hefði að
mati Orkustofnunar nógu mikla sér-
þekkingu, reynslu og bolmagn til að
annast viðkomandi starfsemi.
Aukinn kostnaður
Guðni Á. Jóhannesson orku-
málastjóri segir að leyfin séu full-
komin leitar- og vinnsluleyfi og sinni
félögin skyldum sínum og finni olíu í
framhaldinu gildi þau þar til olíu-
vinnslu lýkur. Hann segir að árleg
gjöld leyfishafa séu svipuð þeirri
upphæð sem hafi verið varið árlega í
verkefnið undanfarin ár eða um 50
milljónir króna á ári. Mikil áhersla
sé lögð á að leyfishafar skili öllum
gögnum til Orkustofnunar og þau
þurfi að túlka og meta, þannig að
ætla megi að kostnaðurinn aukist.
„Þetta er bara okkar fyrsta útboð,“
áréttar Guðni. „Við höfum sett há-
mark 12 ár á leitina en svo er að vísu
hægt að fá ákveðna framlengingu.“
Hann bætir við að það sé auðvitað
hagur félaganna að leitin taki
skemmri tíma.
Gæðastimpill
Leyfishafarnir eru félög sem hafa
þróast upp úr minni færeyskum,
norskum og breskum félögum auk
félaga annars staðar frá. „Þetta eru
félög sem hafa starfað mikið í Norð-
ursjónum,“ segir Guðni og bendir á
að þau séu fjárhagslega sterk, metin
á um 500 milljónir dollara. „Þetta
eru félög sem hafa sérhæft sig fyrst
og fremst í þessum fyrsta hluta,“
segir hann.
Norsk stjórnvöld taka málið fyrir í
norska stórþinginu 19. desember og
verða leyfin gefin út í kjölfarið, að
því gefnu að þingið samþykki þátt-
tökuna, sem gengið er út frá. „Þetta
er mikill gæðastimpill á verkefnið í
heild sinni að þeir skuli vilja koma að
því með þessum hætti,“ segir Guðni
um þátttöku Norðmanna. „Það var
ekkert sem við gátum í raun og veru
séð fyrir með neinum hætti.“
Skuldbindingar leyfishafa eru
miklar og því var ekki sjálfgefið að
Norðmenn vildu taka þátt í verkefn-
inu, að sögn Guðna. Til þess að við-
halda framleiðslu sinni þurfi þeir
hins vegar að byrja að undirbúa
svæði sem liggja fjær í tíma. Eftir
eigi að úthluta um 80% af
svæðinu og því sé nægt
efni í fleiri útboð.
Fá tólf ár að hámarki í leitina
 Sérleyfi veitt
fyrir rannsóknir og
vinnslu á Dreka-
svæðinu
6 FRÉTTIRInnlent
MORGUNBLAÐIÐ ÞRIÐJUDAGUR 4. DESEMBER 2012
„Ég tel að það styrki verkefnið að fá þessa norsku þátt-
töku. Það gefur því aukið vægi og það er styrkur í að
hafa Norðmenn okkur við hlið í þessu. Þeir búa enda yfir
mikilli reynslu á þessu sviði, þá ekki síst í öllu sem snýr
að öryggis- og umhverfismálum í
tengslum við olíu- og gasvinnslu á
hafi úti. Þannig að ég held að það sé
akkur í því, auk þess sem við eigum
náttúrlega mikið samráð við Noreg
og erum með samkomulag við Norð-
menn um skiptingu á Drekasvæðinu,“
segir Steingrímur J. Sigfússon at-
vinnuvegaráðherra í tilefni af um-
sókn norska ríkisolíufyrirtækisins Pe-
toro um olíuleit á Drekasvæðinu.
„Ég tel að það sé jákvætt að þeir
séu að sýna þessu svæði aukinn áhuga
og vilja vera með. Framhaldið er í stystu máli það að
þetta þarf staðfestingu norska stórþingsins. Síðan þurfa
þessir leyfisaðilar væntanlega að gera einhvers konar
samstarfssamninga sín í millum. Að því loknu reiknum
við með að það verði ekkert að vanbúnaði að gefa leyfin
út einhvern tímann í byrjun næsta árs. Svo fara þessar
rannsóknir og leit af stað. Við þurfum náttúrlega að nota
tímann vel á meðan … Ef það fer að færast meiri alvara í
þessi mál þarf auðvitað að sinna því héðan með ábyrgum
hætti,“ segir Steingrímur sem telur aðspurður að ekki
þurfi að fjölga fólki í stjórnkerfinu vegna þessa.
„Ég held að þetta verði ekki svo viðamikið á meðan
þetta er á leitar- og rannsóknarstigi. En auðvitað má bú-
ast við auknum umsvifum í kringum þetta og þá kannski
þjónustu við leitarrannsóknarskip og svo framvegis.
Þessu fylgir svo auðvitað talsverð vinna vísindamanna
og sérfræðinga. En það er ekki í neinu risavöxnu um-
fangi á meðan þetta eru tveir aðilar, eitthvað aukin um-
ferð skipa og vinna sérfræðinga. Það eru samt margir
þættir sem þarf að huga að og undirbúa. Allt sem snýr að
umhverfi og öryggi og björgunarmálum og viðbúnaði að
ýmsu tagi. Um þetta var m.a. fjallað í umsögn umhverfis-
og auðlindaráðuneytisins sem Orkustofnun fékk og við
þurfum að fara yfir og tökum alvarlega að sjálfsögðu.“
„Mikilvægt að menn fari ekki fram úr sér“
Er þetta búhnykkur fyrir Austfirðinga?
„Auðvitað verður einhver þjónusta við þessa aðila. En
hversu stórt það verður í sniðum verður að koma í ljós
og þá eins hvað núverandi aðstaða í höfnum fyrir norðan
og austan ræður við, eða hvort að það þarf að fara í meiri
viðbúnað. Ég held að það sé mikilvægt að menn fari ekki
fram úr sér. Þetta er auðvitað bara næsti fasi í málinu.
Það verður þá meira umleikis í leitar- og rannsóknar-
verkefnum. En það varð nú vart við það í sumar, ekki
satt? Það komu hér skip í höfn sem voru úti að mæla,“
segir Steingrímur. baldura@mbl.is
Þátttaka Norðmanna styrkur
Fyrirtækinu Efnaeimingu verður heimilað að flytja og
endurvinna tiltekin spilliefni í iðnaðarhúsnæði í Höfnum
á Reykjanesi, samkvæmt starfsleyfi sem Umhverfis-
stofnun mun gefa út. Kvartað hefur verið undan lykt frá
starfsstöð fyrirtækisins.
Efnaeiming sótti um starfsleyfi til heilbrigðisnefndar
á árinu 2007 en Umhverfisstofnun tók við úrvinnslu um-
sóknarinnar rúmum tveimur árum síðar. Þegar sótt
hafði verið um leyfið fékk félagið bráðabirgðaleyfi til
vinnslunnar. Starfseminni var hætt um tíma en fyrir-
tækið hefur frá því á síðasta ári haft leyfi sem gildir þar
til formlegt starfsleyfi verður gefið út. Starfsleyfið er nú
í opinberri kynningu og frestur til að gera athugasemdir
rennur út 27. desember nk.
Samkvæmt kynningu Umhverfisstofnunar felst starf-
semin í því að eima terpentínu, sellulósaþynni, etanól og
önnur sambærileg leysiefni. Heimilt er að endurvinna
allt að 80 tonn á ári. Vinnslan fer fram í sérsmíðuðum
gámi á steyptu og afgirtu plani. Afrennsli af planinu er
leitt í steyptan brunn sem hægt er að dæla upp úr. Eim-
ingarleifum er safnað saman og skilað til spilliefnamót-
töku.
Þrívegis hefur verið kvartað undan lykt frá starfsstöð
fyrirtækisins. Fyrst fyrir tveimur árum en þá sprakk
tunna með eimingarleifum. Fulltrúar Umhverfisstofn-
unar fóru á staðinn í júní 2011 og fyrir fáeinum dögum,
þegar kvartað var undan lykt. Í hvorugt skipið var starf-
semi í gangi. Í fyrra skipið var verið að mála mannvirki
og í seinna skiptið fannst aðeins keimur af leysiefnalykt
við planið þar sem efnin eru geymd og eimuð.
Niðurstaða úttektar sem gerð var í sumar að frum-
kvæði Umhverfisstofnunar leiddi í ljós að lítil uppgufun
er af viðkomandi efnum og ekki geti stafað lyktar-
mengun af eðlilegri starfsemi sem truflað geti í nágrenn-
inu. Umhverfisstofnun boðaði til kynningarfundar í
Höfnum sl. föstudag. Enginn íbúi mætti. helgi@mbl.is
Kvartanir um lyktarmeng-
un hafa ekki verið staðfestar
 Spilliefni eimuð í Höfnum  Enginn íbúi mætti á kynningu
Gjöld til Orkustofnunar vegna
úthlutaðra sérleyfa fyrir rann-
sóknir og vinnslu kolvetnis (olíu
og gass) á Drekasvæðinu nema
samtals um 54 milljónum króna
á ári.
Gjald vegna veitingar sérleyf-
is er 850.000 kr. Verði leyfið
framlengt til vinnslu kostar það
1.350.000 kr. Árlegt gjald til
þess að standa straum af kostn-
aði við eftirlit og frágang og
varðveislu gagna er 1.000.000
kr. Svæðisgjaldið hjá Faroe
Petroleum Norge AS, útibúi á Ís-
landi, og Íslensku kolvetni ehf.
verður 27.040.000 kr., en svæð-
isgjald við útgáfu leyfisins til
Valiant Petroleum ehf. og Kol-
vetnis ehf. verður 11.190.000 kr.
Auk þess greiðir leyf-
ishafi Orkustofnun
1.000.000 kr. ár-
lega sem stofn-
framlag og
5.000.000 kr. til
sérstaks mennt-
unar- og rann-
sóknarsjóðs.
Árleg gjöld
54 milljónir
SÉRLEYFISHAFAR Á DREKA
BORGA ORKUSTOFNUN
Guðni Á.
Jóhannesson
Steingrímur
J. Sigfússon