Morgunblaðið - 18.12.2012, Síða 24

Umræðan
MORGUNBLAÐIÐ ÞRIÐJUDAGUR 18. DESEMBER 2012
Vestmannaeyjar eru
stórt sjávarpláss, þar
sem allt snýst um að
veiða og vinna fisk. Það
skiptir því gríðarlega
miklu fyrir samfélagið
að almennt ríki friður
og sátt um þær breyt-
ingar á fiskveiðistjórn,
sem fyrirhugaðar eru.
Það sama á reyndar við
um önnur sjávarpláss.
Í aðdraganda þess að lagður var á
óhugnanlegur landsbyggðarskattur
sem felst í veiðigjaldinu, þá tókst rík-
isstjórnarmeðlimum að hundsa,
blekkja og afvegaleiða umræðuna
þannig að almenningur sérstaklega á
höfuðborgarsvæðinu trúði því að tekið
hafi verið tillit til athugasemda hags-
munaaðila í sjávarútvegi og að út-
gerðin og þá byggðarlögin þaðan sem
gert er út séu vel aflögufær.
Einnig trúði almenningur að verið
væri að sækja peninga frá þeim sem
lægju á illa fengnu fé.
Það hefur komið í ljós upp á síð-
kastið að hið meinta samráð sem
ríkisstjórnin boðaði voru bara inn-
antóm orð.
Nýlega reis t.d. upp forsvarsmaður
smábátaeiganda (aðilar sem rík-
isstjórnin ætlaði að vernda) og sagði
aðferðafræðina við álagningu veiði-
gjalds galna og kæmi mörgum af hans
félagsmönnum í mjög erfiða stöðu.
Í tilviki okkar Eyja-
manna þá höfum við
ekki fundið fyrir því að
komið hafi verið til móts
við athugasemdir okk-
ar. Einnig hefur rík-
isstjórnin algjörlega
sneitt hjá því að upplýsa
almenning í Eyjum um
hvaða áhrif veiðigjaldið
og aðrar breytingar
hafa á samfélagið.
Til frekari upprifj-
unar þá langar mig að
telja upp þá meðlimi
ríkisstjórnarinnar sem hafa sýnt okk-
ur hvað mesta óvirðingu, en þeir eru
eftirtaldir:
Jóhanna Sigurðardóttir (utan
þjónustusvæðis)
Jóhanna hefur hvorki svarað opn-
um bréfum, né ákalli um að heim-
sækja Eyjar.
Steingrímur J. Sigfússon (utan
þjónustusvæðis)
Steingrímur mætti með fund til
okkar þar sem hann sagðist myndu
hirða þann arð sem skapaðist í Eyj-
um og nota hann til góðra verka.
Steingrímur hefur ekki svarað kalli
um að mæta til Eyja (u.þ.b. 400 sjó-
menn og landverkafólk skoruðu á
hann að mæta og skýra út fyrir okkur
afleiðingarnar af veiðigjaldinu).
Einnig hefur Steingrímur hundsað
að svara opnu bréfi sem sent var á
hann.
Ólína Þorvarðardóttir (utan þjón-
ustusvæðis)
Ólína hefur lagst hvað lægst í því
að koma sér undan því að standa fyr-
ir máli sínu, en það gerði hún með því
að skrökva að formanni sjómanna-
félagsins Jötuns í Vestmannaeyjum,
um að hún væri búin að svara opnu
bréfi sem sent var á hana, eitthvað
sem hún hefur aldrei gert.
Björn Valur Gíslason, (utan þjón-
ustusvæðis)
Björn Valur skrifaði forsíðugrein í
Eyjafréttir, rétt eftir að niðurstaða
sáttarnefndarinnar sálugu lá fyrir,
en í þessari grein talaði hann um að
það yrði feigðarflan að fara ekki eftir
niðurstöðunni. Ekki hefur tekist að
fá Björn til að útskýra hvað hafi
breyst frá því hann ritaði þessa
grein.
Róbert Marshall (utan þjón-
ustusvæðis)
Eyjamaðurinn í hópnum, hefur
ásamt Ólínu sýnt okkur hvað mestan
fjandskap, ekki bara með því að
svara ekki opnum bréfum, heldur
einnig með því að vanvirða sjómenn,
en það gerði hann á mjög svo lág-
kúrulegan hátt.
Svik og óheilindi
stjórnmálamanna
Eftir Sigurjón
Aðalsteinsson » Það hefur komið í
ljós upp á síðkastið
að hið meinta samráð
sem ríkisstjórnin boðaði
voru bara innantóm orð.
Sigurjón Aðalsteinsson
Höfundur er iðnrekstrarfræðingur.
Í ljósi umræðna um
kjaramál og lausa
stofnanasamninga líkt
og við þroskaþjálfar
stöndum frammi fyrir
við Landspítala – há-
skólasjúkrahús er mér
mikið í mun að kalla
fram umræðu um slíkt
efni. Þroskaþjálfar líkt
og aðrar fagstéttir
standa frammi fyrir
launum sem eru ekki boðleg eftir það
háskólanám sem við höfum lokið. Það
er ansi skammarlegt fyrir okkar vel-
ferðarsamfélag að vita til þess að laun-
in okkar eru mjög bágborin miðað við
aðrar stéttir, til að mynda í fjár-
málageiranum og tengdum greinum.
Er ekki kominn tími til að breyta
slíkum málum og hækka laun fag-
stétta innan velferðarkerfisins? Jú,
sagði velferðaráðherra nú um daginn
og auðvitað erum við öll sammála því.
Hann kallar þessar stéttir
„kvennastéttir“ en ég vil
hér í framhaldinu kalla
þessar svokölluðu
„kvennastéttir“ fagstéttir
sem er mun réttmætara
að mínu mati og þannig
meira jafnræði komið í
umræðuna.
Lág laun þessara fag-
stétta hafa verið viðvar-
andi vandamál í íslensku
samfélagi og því miður
hefur ekki tekist að leysa
það. En af hverju hefur
lausnin ekki verið fundin? Ég vil leggja
þá spurningu aftur fyrir velferð-
aráðherra til að svara.
Mín skoðun á þeirri spurningu er að
þessar fagstéttir, líkt og við þroska-
þjálfar, hafa verið alltof innhverfar við
störf sín og lagt mikið á sig að byggja
upp gott samfélag en gleymt því hrein-
lega að það kostar eitthvað. Okkar
þjónusta á að kosta og við eigum að
vera dýr kostur sem velferðarsam-
félagið okkar Ísland á að geta keypt –
og borgað fyrir þau störf sem þroska-
þjálfar starfa við.
Fjölmennustu stéttir samfélagsins
okkar eru þær stéttir sem sjá á ein-
hvern hátt um einstaklinginn og hafa
því miður ekki notið jafnræðis í launa-
kjörum. Það er löngu orðið tímabært
að svo verði og mun ég af öllum krafti
beita mér fyrir því, líkt og Þroska-
þjálfafélag Íslands, að standa vörð um
laun og réttindi okkar félaga. Við vilj-
um viðurkenningu á störfum okkar,
við viljum virðingu fyrir ein-
staklingnum.
Kjaramál þroskaþjálfa
Eftir Friðþór
Ingason » Laun þessara fag-
stétta hafa verið við-
varandi vandamál í ís-
lensku samfélagi og því
miður hefur ekki tekist
að leysa það.
Friðþór Ingason
Höfundur er þroskaþjálfi og stjórn-
armaður í ÞÍ.
Í nýju sjávarútvegs-
frumvarpi Steingríms
J. Sigfússonar sendir
hann að mínum dómi
útvegsmönnum eft-
irfarandi jólakveðju:
Kæru útvegsmenn.
Með frumvarpinu fáið
þið nýtingarrétt fiski-
miðanna til varðveizlu
a.m.k. næstu 20 árin og
líkast til lengur. Og
hafið engar áhyggjur
þó þetta gangi gjörsamlega í berhögg
við auðlindaákvæði nýrrar stjórn-
arskrár, í þinginu er heilt lögfræð-
ingastóð í fullri vinnu við að breyta
meiningu auðlindaákvæðisins til sam-
ræmis við þennan gjafagjörning.
Þannig geta útgerðir og fiskvinnslur,
ekki bara í mínu háæruverðuga kjör-
dæmi heldur út um allt land, andað
léttar; allir halda öllu sínu, veiðirétt-
inum, söluréttinum, veðréttinum og
leiguréttinum. Og verðstýringin á
öllu heila klabbinu verð-
ur áfram í ykkar hönd-
um. Þið getið þannig
haldið áfram að díla við
bankana, stundað fjár-
festingar eða bara verið
uppi í sófa, á Kanarí eða
hvar sem er og innheimt
ykkar eigið auðlinda-
gjald með því að láta
aðra veiða fyrir ykkur.
Þið vitið að ég er ykkar
maður, minni í því sam-
bandi á skötuselskvót-
ann sem hefði getað
endurnýjað tækjakost Landspítalans
en ykkar vegna hef ég setið á honum
og geri enn.
Og hafið ekki áhyggjur af auðlinda-
gjaldinu sem ég lagði á ykkur í vor,
því verður kippt í burtu eftir kosn-
ingar. Nýjar fisktegundir eru líka
ykkar, makríllinn og túnfiskurinn
þegar hann kemur, meira að segja ol-
ían. Hafa einhverjir aðrir efni á
henni? Haha. Andið því rólega, út-
vegsmenn, og þó 85% hafi viljað eign-
arhald ykkar burt í þjóðar-
atkvæðagreiðslunni í október, þá var
hún bara ráðgefandi og upplögð til
hundsunar. Læði svo að ykkur í lokin
að með þesssari jólagjöf eruð þið bún-
ir að gera samning við ríkið og eigið
því rétt á skaðabótum ef einhver fer
að múðra. Ég er því búinn að gull-
tryggja ykkur í bak og fyrir.
Kæru útvegsmenn. Minnist mín
sem ráðherrans sem umsneri inn-
köllun aflaheimilda á 20 árum í gjafa-
úthlutun til 20 ára. Eða eins og þið
segið baksviðs: Djöfulsins snillingur!
Jólakveðja Steingríms
Eftir Lýð Árnason » Í þinginu er heilt lög-
fræðingastóð í fullri
vinnu við að breyta
meiningu auðlinda-
ákvæðisins til samræm-
is við þennan gjafa-
gjörning.
Lýður Árnason
Höfundur er frambjóðandi Dögunar.
Munið að
slökkva á
kertunum
Eldspýtur og kveikjarar
eru ekki barna meðfæri.
Staðsetjið kveikjara og
eldspýtur ávallt þar sem
börn ná ekki til.
Til eru kveikjarar með
barnalæsingum sem eiga
að koma í veg fyrir að
börn geti kveikt á þeim.
Slökkvilið
höfuborgasvæðisins