Morgunblaðið - 11.01.2013, Síða 11

Morgunblaðið/Árni Sæberg
Aðstoðarþjálfari Bjarki Þór er liði MB í Gettu betur innan handar, Eyrún, Þorkell Már og Sveinn Jóhann.
inn sé lítill og skólastarfið gott.
„Margir tala um að stofnun
menntaskóla hér í Borgarnesi sé
það besta sem hafi komið fyrir bæ-
inn síðan Borgarfjarðarbrúin kom,“
segir Bjarki Þór.
Viðurkenning að hljóta styrk
Það leggst vel í Bjarka Þór að
flytja til Reykjavíkur en þar á hann
frænku sem hann fær að búa hjá
og þarf því ekki að hafa áhyggjur
af húsnæðismálum. Félagi Bjarka
Þórs hlaut sams konar styrk síðast-
liðið haust og í framhaldi af því
ákvað hann að sækja um líka.
„Ég ákvað að prófa að sækja
um og það er ekki hægt að segja
annað en að það hafi komið mér
skemmtilega á óvart að fá styrkinn.
Það eru ekki bara peningarnir sem
skipta máli heldur viðurkenningin
sem í því felst að hljóta styrkinn.
Ég hef ætlað mér lengi að fara í
sálfræði en við hana heilla mig
helst þessi mannlegu tengsl. Af
hverju fólk er eins og það er og
hvernig það verður öðruvísi. Eins
að velta fyrir sér hvað gangi í erfð-
ir og hvað mótist af umhverfinu.
Þetta er líka orðið svo vítt fræða-
svið og hefur færst frá því að sál-
fræðingur fái fólk til sín á bekk. Nú
er þetta jafnvel farið að tengjast
viðskipta- og stjórnmálafræði og
fleiri fögum. Ég sé fyrir mér fram-
haldsnám í einhverju slíku,“ segir
Bjarki Þór.
Gróska í félagslífinu
Fyrir utan námið hefur Bjarki
Þór einnig verið öflugur í fé-
lagslífinu. Hann hefur keppt í
Gettu betur undanfarin tvö ár og
er nú nýju liði skólans innan hand-
ar.
„Það er gífurlega skemmtilegt
að taka þátt í Gettu betur. Þegar
ég var í liðinu hittumst við gjarnan
á kvöldin og fórum yfir heimsmálin,
gömul og ný, lærðum Gettu betur-
spilið utan að og horfðum saman á
spurningaþætti í sjónvarpinu. Það
er alveg yndislegt,“ segir Bjarki
Þór sem einnig var í hópi nemenda
sem komu á fót skólablaði við skól-
ann.
Hópurinn kom fyrst saman
haustið 2011 og var fyrsta tölublað-
ið af Eglu gefið út í apríl 2012 en
hið seinna í desember síðastliðnum.
Bjarki Þór var í fyrstu auglýs-
ingastjóri blaðsins en tók síðan við
sem ritstjóri.
„Ég tók m.a. viðtal við frú Vig-
dísi Finnbogadóttur ásamt félaga
mínum fyrir blaðið sem var mjög
mikill heiður,“ segir Bjarki Þór.
Allir nemendur MB fengu eintak af
Eglu, sem var einnig dreift í kynn-
ingarskyni í alla grunnskóla í hér-
aðinu og víðar en stefnt er að út-
gáfu einu sinni á ári. Einnig hefur
Bjarki Þór unnið með leikfélagi
skólans og fór með eitt af aðal-
hlutverkunum í Stútungasögu sem
sett var upp síðastliðið vor. Í haust
var hann síðan sýningarstjóri Litlu
hryllingsbúðarinnar sem sýnd var í
tæpan mánuð fyrir fullu húsi.
„Ég hef alltaf reynt að vinna
með skólanum, eins og margir
gera. Það er mikilvægur liður í því
að ná að skipuleggja sig og láta öll
tannhjólin ganga. Þegar fullt nám,
félagsstörf og vinna skarast er
mikilvægt að halda rétt á spöð-
unum. Ef það gengur vel verður
það að góðu farteski út í lífið,“ seg-
ir nýstúdentinn Bjarki Þór að lok-
um.
„Þegar fullt nám, félags-
störf og vinna skarast er
mikilvægt að halda rétt á
spöðunum. Ef það geng-
ur vel verður það að
góðu farteski út í lífið.“
DAGLEGT LÍF 11
MORGUNBLAÐIÐ FÖSTUDAGUR 11. JANÚAR 2013
Ný könnun á vegum Prince’s Trust,
góðgerðarsamtaka fyrir bresk ung-
menni, sýnir að einu af hverjum tíu
ungmennum í Bretlandi finnst erfitt
að höndla daglegt líf. Eru atvinnu-
laus ungmenni eða þau sem eru
hvorki í námi né starfsþjálfun tvö-
falt líklegri til að eiga í erfiðleikum.
Árleg könnun samtakanna var
send til 2.136 ungmenna á aldrinum
16-25 ára. Alls sögðust 27% þeirra
sem hafa atvinnnu ætíð eða oft vera
niðurdregin eða þunglynd á móti
48% þeirra sem ekkert hafa við að
vera. Einnig kom í ljós að 22% svar-
enda höfðu engan til að leita til
með vandamál sín. Þótt talan sé há
meðal þeirra sem hvorki stunda
nám né atvinnu er hún þó heldur á
niðurleið frá því í fyrra en þá sögð-
ust 52% í þeim hópi ætíð eða oft
niðurdregin eða þunglynd.
Þetta er í fimmta sinn sem slík
könnun er gerð á lífshamingju ung-
menna og er þar komið inn á ýmis
svið lífsins, t.a.m. fjölskyldu og and-
lega sem líkamlega heilsu. Þykja
þessar tölur marka almennt örlitla
breytingu á sjálfsöryggi og ham-
ingju ungmennanna.
„Lífið getur orðið niðurdrepandi
endurtekning þegar fólk elst upp
við erfiðar aðstæður og fær síðan
ekki vinnu sem fullorðið fólk. Sú er
oft raunin með þá sem ekki fá gott
veganesti þá út í lífið en með rétt-
um stuðningi getum við hjálpað
þeim að komast aftur á beinu
brautina,“ segir Martina Milburn,
framkvæmdastjóri samtakanna.
Kemur þetta fram í frétt á vefsíðu
BBC.
Könnun á líðan breskra ungmenna
Góðgerðarsamkoma Karl Bretaprins stofnaði samtökin, hér með konu sinni.
Hamingjan virðist upp á við
AFP
Í okkar nútímasamfélagi er aldur
orðinn að hálfgerðu tabúi sem er
algjör vitleysa því aldurinn færir
okkur jú dýrmæta lífsreynslu. En
nútímamaðurinnn virðist margur
engan tíma eða áhuga hafa á að
hlusta á vitran öldung miðla af
viskubrunni sínum. Miklu frekar
hlaupum við upp til handa og fóta
þegar nýtt hrukkukrem kemur á
markað. Eða verðum
mjög upprifin þegar við
heyrum af yngingar-
þessu eða hinu. Nú
komst ég á fertugsald-
urinn í fyrra og finn að
mér er orðið meira um-
hugað um aldurinn en
áður. Ég skal viður-
kenna að stundum þyk-
ist ég sjá hrukkur sem
enginn annar sér en oftast reyni
ég þó að taka þessu af stóískri ró.
Þá sérstaklega þegar ég fylgist
með frábærum konum sem sam-
kvæmt tölunni eru orðnar „gaml-
ar" en eru greinilega ungar í aldri.
Slíkar konur eru stundum með
mér í búningsklefanum eftir sund.
Þær eru þá búnar að liðka sig í
sundleikfimi og spjalla mikið
saman að því loknu. Rifjaðar eru
upp útlandaferðir í gamla daga,
ein fer í peysuna öfuga og skelli-
hlær að vitleysunni í sér og önnur
segist ekki skilja í manninum sín-
um að flakka svona á milli sjón-
varpsstöðva. Hvort það geti
virkilega verið að hann skoði ekki
dagskrána? Þeirri þriðju er strítt
á að flýta sér svona mikið, er hún
á leið í bíó eða hvað? Að hlusta á
þessar mætu konur er eins og að
hlusta á konur á mínum aldri
spjalla og það finnst mér frábært.
Líka að amma mín sem varð 77
ára í vikunni blandi kokteil handa
manni áður en farið er á ball. Þar
dönsuðum við síð-
an saman út í nótt-
ina og amma
„gamla“ gaf ekk-
ert eftir.
Flestir sem
ungir eru óttast
sjálfsagt að ein-
hverju leyti þá
staðreynd að
verða gamlir og sá
hluti lífsins er víst óumflýjan-
legur. En svo lengi sem maður
býr að góðri heilsu ber að þakka
hvern dag og vera jákvæður og
glaður. Þetta á í raun við hvaða
aldur sem er, njóta ber dagsins,
sýna æðruleysi og safna eins
mörgum broshrukkum og maður
getur.
Góð broshrukka
Skál Þakka ber hvern dag sem við fáum með bros á vör.
Ég skal viður-
kenna að
stundum þykist
ég sjá hrukkur
sem enginn
annar sér.
Mæja
masar
maria@mbl.is