Morgunblaðið - 18.04.2013, Blaðsíða 50

50 MENNING
MORGUNBLAÐIÐ FIMMTUDAGUR 18. APRÍL 2013
Silja Björk Huldudóttir
silja@mbl.is
„Ég féll strax fyrir þessu verki, enda
dregur það upp bæði skemmtilega
og fræðandi mynd af lífshlaupi
kvenna. Verkið veitir kærkomið
tækifæri fyrir konur jafnt sem karla
til að fræðast um kvenlíkamann,“
segir Charlotte
Bøving sem leik-
stýrir Kvenna-
fræðaranum sem
frumsýndur
verður í Kass-
anum í Þjóðleik-
húsinu í kvöld kl.
19.30.
Um er að ræða
leikgerð Kamillu
Wargo Brekling
á fræðslubókinni
Kvind kend din krop sem fyrst kom
út í Danmörku árið 1975 og hefur
verið endurútgefin fjórum sinnum
síðan. Bókin vakti á sínum tíma
mikla athygli fyrir hispurslausa um-
fjöllun sína um konur, líkama þeirra,
tilfinningar, frjósemi og kynlíf.
Leikritið var frumsýnt hjá danska
leikhúsinu Mungo Park síðla árs
2010 og er óhætt að segja að sýn-
ingin hafi slegið í gegn þar í landi
enda fékk hún einróma lof í dönsku
pressunni og hlaut hin virtu leiklist-
arverðlaun Dana, Reumert-
verðlaunin, vorið 2011. Spurð hvort
hún kunni skýringu á vinsældum
verksins segir Charlotte augljóst að
það vanti fleiri leiksýningar sem
fjalli um konur og gefi þeim tæki-
færi á að spegla sig í umfjöllunarefn-
inu.
Pólitík að gera konuna sýnilega
Aðspurð segist Charlotte fyrst
hafa lesið Kvinde kend din krop þeg-
ar hún var innan við tvítugt.
„Mamma gaf bæði mér og systur
minni eintak af bókinni. Ég las hana
af miklum áhuga, en systur minni
fannst hún alltof bersögul, enda er-
um við konur auðvitað eins misjafn-
ar og við erum margar,“ segir Char-
lotte og bendir á að í bókinni sé
fjallað um jafn ólíka hluti og kynlíf
og fullnægingu, meðgöngu og fæð-
ingu, breytingaskeiðið, hlutverk
kvenna og lýtaaðgerðir. „Bókin hef-
ur reglulega verið endurútgefin með
breytingum sem kallast á við breytt
þjóðfélag. Það er mjög athyglisvert
að skoða þær breytingar sem orðið
hafa á samfélaginu á sl. fjórum ára-
tugum. Þegar bókin kom fyrst út
stóð barátta rauðsokkahreyfing-
arinnar sem hæst og konur tóku sig
til og brenndu brjóstahaldara sína í
mótmælaskyni við staðalímyndir
kvenna. Þannig má segja að bókin
hafi verið ákveðið vopn í baráttunni
fyrir því að efla sjálfsvitund og
sjálfsvirðingu kvenna. Í nýjustu end-
urútgáfunni af bókinni er fjallað um
lýtaaðgerðir á borð við brjósta-
stækkanir, en með því að fylla brjóst
kvenna af silíkoni er í raun með
skurðaðgerð verið að sauma brjósta-
haldarann fastan inn í sjálfan líkam-
ann. Þá er ekki lengur hægt að
brenna brjóstahaldarann nema
brenna sjálfa sig í leiðinni.“
Aðeins tveir leikarar, þau Marí-
anna Clara Lúthersdóttir og Jóhann
G. Jóhannsson, fara með öll hlut-
verkin í Kvennafræðaranum sem
eru fjölmörg „Við notumst við uppi-
stand til að miðla efninu og leik-
ararnir stökkva inn og út úr hlut-
verkum sínum, sem eru mörg hver
ansi krefjandi,“ segir Charlotte og
nefnir sem dæmi að Jóhann leiki
bæði leg og fæðingu. Spurð hvort
sýningin sé pólitísk í eðli sínu bendir
Charlotte á að það felist óneitanlega
viss pólitík í því að gera sýningu um
kvenlíkamann og gera konuna sýni-
lega. „Konur í hópi áhorfenda munu
vafalaust kannast við flest umfjöll-
unarefnin og karlmenn fá þarna gull-
ið tækifæri til þess að fræðast um
kvenlíkamann. Því þar sem karlar
eru ekki með leg og geta ekki fætt
börn þá eru ákveðnir þættir í lífs-
hlaupi kvenna sem karlar geta ekki
upplifað nema í gegnum konuna.“
Ljósmynd/Eddi
Hispurslaus Maríanna Clara Lúthersdóttir og Jóhann G. Jóhannsson bregða sér í fjölmörg og mjög svo ólík hlutverk í sýningunni.
„Ég féll strax fyrir þessu verki“
 Þjóðleikhúsið frumsýnir Kvennafræðarann í kvöld  Bráðfyndin og fjörug leiksýning um allt sem
konur og karlar vilja vita um kvenlíkamann  Vantar fleiri sýningar sem konur geta speglað sig í
Charlotte
Bøving
Danski leikhópurinn Locus
Theatre Company dvelur um þess-
ar mundir í vinnustofudvöl á veg-
um Leikfélags Akureyrar. Sam-
kvæmt upplýsingum frá LA býður
hópurinn bæjarbúum að eyða degi
með sér og kanna efni fyrir nýja
uppsetningu hópsins sem nefnist
Seemingly Someone. Í sýningunni
er ætlunin að kanna þau hólf sem
við sem manneskjur erum sett í
innan fjölskyldunnar og hvernig
við tökumst á við slíka hólfun.
Listrænir stjórnendur sýning-
arinnar eru írski leikstjórinn Car-
oline McSweeney, danski sviðs-
listamaðurinn Lisbeth Sonne
Anderson og írski kvikmyndagerð-
armaðurinn og ljósmyndarinn
Stephen Hutton.
Vinnustofan fer fram í Sam-
komuhúsinu sunnudaginn 21. apríl
milli kl. 10-16 og ef veður leyfir
að einhverju leyti utan dyra. Fólki
á öllum aldri er velkomið að taka
þátt sér að kostnaðarlausu, en
áhugasamir eru beðnir að skrá
þátttöku sína með því að senda
tölvupóst á netfangið midasala-
@leikfelag.is.
Ljósmynd/Stephen Hutton
Kraftur Úr sýningu danska leikhópsins Locus Theatre Company.
Vilja listasamstarf
við Akureyringa
Nethyl 2 110 Reykjavík Sími 568 1245
Sérfræðingar í
líkamstjónarétti
Veitum fría ráðgjöf
fyrir tjónþola
Pantaðu tíma: fyrirspurnir@skadi.is
www.skadi.is
Þ. Skorri
Steingrímsson,
Héraðsdóms-
lögmaður
Steingrímur
Þormóðsson,
Hæstaréttar-
lögmaður