Morgunblaðið - 10.05.2013, Blaðsíða 2

2 FRÉTTIRInnlent
MORGUNBLAÐIÐ FÖSTUDAGUR 10. MAÍ 2013
Sýningum lýkur í vor!
Miðasala 551 1200 | midasala@leikhusid.is
Morgunblaðið Hádegismóum 2, 110 Reykjavík. Sími 5691100 Fréttir Guðmundur Sv. Hermannsson, Sigtryggur Sigtryggsson, ritstjorn@mbl.is Viðskipti Agnes Bragadóttir, vidskipti@mbl.is Menning Pétur Blöndal menning@mbl.is Íþróttir Víðir
Sigurðsson sport@mbl.is mbl.is Guðrún Hálfdánardóttir, Sunna Ósk Logadóttir netfrett@mbl.is, Smartland Marta María Jónasdóttir, smartland@mbl.is Umræðan | Minningar | Bréf til blaðsins mbl.is/sendagrein Prentun Landsprent ehf.
Vatnsstaða dregur úr orku
 Alcoa og Landsvirkjun funda í dag  Ekki verið lægra í Blöndulóni síðan 1999
Stefán Gunnar Sveinsson
sgs@mbl.is
Landsvirkjun hefur óskað eftir því við
Alcoa Fjarðaál að fyrirtækið dragi
tímabundið úr orkunotkun sinni í ljósi
lágrar vatnsstöðu í miðlunarlónum
Landsvirkjunar á Norður- og Austur-
landi, en hún er með því lægsta sem
sést hefur. Hefur Landsvirkjun af
þessum sökum dregið úr raforku-
vinnslu í Blöndustöð og Fljótsdals-
stöð eins og kostur er en þess í stað
aukið vinnslu í aflstöðvum á vatna-
sviði Tungnaár og Þjórsár. Flutnings-
kerfi Landsnets takmarkar hins veg-
ar verulega svigrúmið til raforku-
flutnings á milli landshluta. Slík
takmörkun kemur illa niður á rekstri
raforkukerfisins við núverandi að-
stæður.
Magnús Þór Ásmundsson, forstjóri
Alcoa á Íslandi, segir að fundað verði
með fulltrúum Landsvirkjunar í dag.
„Staðan er þannig núna að Lands-
virkjun hefur sent okkur bréf þar sem
okkur er gerð grein fyrir því að vatns-
staðan sé léleg eins og er og óskað eft-
ir því að við drögum úr orkunotkun-
inni.
Við eigum eftir að hitta Landsvirkj-
un og fara yfir málið og mynda þá
betri sýn á það og ákveða hvað við ger-
um í framhaldinu.“
Aldrei verið lægri í Hálslóni
Í fréttatilkynningu frá Landsvirkj-
un kemur fram að vatnshæð Blöndu-
lóns sé nú 467,94 metrar yfir sjávar-
máli. Er það lægsta staða Blöndulóns
síðan árið 1999 þegar lónið fór lægst í
466,19 m y.s. Vatnshæð Hálslóns er nú
í 576,23 m y.s. og hefur vatnshæðin
aldrei verið lægri. Þá er vatnshæðin í
Þórisvatni nú í 565,85 m y.s. en líkt og
með Blöndulón þarf að leita allt til árs-
ins 1999 til að finna lægri stöðu en þá
fór vatnshæðin niður í 562,54 m y.s.
Morgunblaðið/Sigurður Aðalsteinsson
Hverfandi Hálslón hefur aldrei
staðið lægra en það gerir núna.
Stefán Gunnar Sveinsson
sgs@mbl.is
Stjórnarmyndunarviðræður Framsóknarflokks og Sjálf-
stæðisflokks eru sagðar ganga vel. Þeir Sigmundur Dav-
íð Gunnlaugsson, formaður Framsóknarflokks, og Bjarni
Benediktsson, formaður Sjálfstæðisflokks, funduðu í gær
í Biskupstungum og mun sá fundur hafa verið árangurs-
ríkur. Hófst fundurinn um hádegisbilið og stóð fram á
kvöld.
Jóhannes Þór Skúlason, aðstoðarmaður Sigmundar
Davíðs, segir að ekki hafi fleiri komið að viðræðunum í
gær en flokksformennirnir og aðstoðarmenn þeirra. Á
meðal þess sem hafi verið rætt á fundinum í gær hafi ver-
ið efnahagsmál ásamt heilbrigðis- og menntamálum.
Gert er ráð fyrir að Sigmundur Davíð muni ræða bráð-
lega við Ólaf Ragnar Grímsson, forseta Íslands, um stöðu
mála. Svanhildur Hólm Valsdóttir, aðstoðarmaður
Bjarna Benediktssonar, segir að staðan í viðræðunum sé
góð og að þeim miði vel áfram. Svanhildur segir að séð sé
fram á að það muni þurfa nokkra daga í viðbót áður en
niðurstaða viðræðnanna verður ljós.
Fundað í Biskupstungum
 Stjórnarmyndunarviðræður halda áfram í dag  Hafa
gengið vel  Heilbrigðis- og menntamál voru rædd í gær
Morgunblaðið/Árni Sæberg
Sigmundur og Bjarni Stjórnarmyndunarviðræður
ganga vel og munu þær halda áfram í dag.
Maðurinn sem
fannst látinn á
heimili sínu á Eg-
ilsstöðum aðfara-
nótt síðastliðins
þriðjudags lést
vegna þess að
honum blæddi út.
Samkvæmt heim-
ildum Morgunblaðsins var lík
mannsins með mörg stungusár.
Í samtali við mbl.is í gær sagðist
Jóna Wilhelmsson Jensen, yfirlög-
regluþjónn á Eskifirði, ekki geta
staðfest neitt um áverka á líkinu, en
staðfesti þó að manninum hefði blætt
út. Þá sagði hann ekki vera hægt að
svara nánar um hvernig maðurinn
lést þar sem meinafræðingur sem
rannsakaði lík mannsins sé ekki bú-
inn að ljúka úrvinnslu gagna.
Maðurinn sem handtekinn var
vegna málsins og úrskurðaður í
gæsluvarðhald til 21. maí næstkom-
andi hefur ekki játað að hafa átt að-
ild að andlátinu. Búið er að taka eina
formlega skýrslu af honum, en að
sögn Jónasar á lögreglan eftir að
ræða betur við hann.
Var með
fjölda
stungusára
 Hefur ekki játað
Stöðugur straumur fólks lá í Ráðhús Reykjavíkur í gær til þess að gefa
kaffihúsinu GÆS bolla sem nota á í kaffihúsinu þegar það verður opnað í
Tjarnarbíói í júní. Að kaffihúsinu standa nemendur í starfstengdu diplóma-
námi fyrir fólk með þroskahömlun í Háskóla Íslands og vilja þeir með
þessu leggja sitt af mörkum til að auka fjölbreytni í atvinnutækifærum fatl-
aðs fólks.
Gísli Björnsson var afskaplega glaður og þakklátur þegar Anna María
Hjartardóttir lagði sitt af mörkum með grænum bollum og undirskálum.
Fólk flykktist í Ráðhúsið til að gefa bolla
Morgunblaðið/Eggert
Níu vegfarendur slösuðust í jafn-
mörgum umferðarslysum á höfuð-
borgarsvæðinu í síðustu viku. At-
hygli vekur að af þeim er um fjögur
reiðhjólaslys að ræða, tvö bifhjóla-
slys og eitt tengist fjórhjóli að sögn
lögreglunnar á höfuðborgarsvæð-
inu. Í flestum tilvikum var um
ógætilegan akstur að ræða þar sem
oftar en ekki var hjólað og ekið of
hratt miðað við aðstæður. Þetta
kemur fram í tilkynningu frá lög-
reglunni.
Í einu tilviki reyndist hjólreiða-
maðurinn ölvaður. Annar hjólreiða-
maður var hjálmlaus og hlaut
höfuðáverka við fall af hjólinu.
Þá lenti hjólreiðamaður á raf-
magnshjóli á bíl sem bakkað var úr
porti og í veg fyrir hjólreiðamann-
inn. Orsökin er rakin til ógætilegs
aksturs beggja.
Ógætilegur
og hraður
akstur
 Níu vegfar-
endur slösuðust