Morgunblaðið - 02.10.2013, Page 17

17
MORGUNBLAÐIÐ MIÐVIKUDAGUR 2. OKTÓBER 2013
Borgartúni 28, sími 553 8331, lyfjaborg.is
– sjálfstætt apótek
TAX FREE
Gildir ekki með
öðrum tilboðum
af snyrtivörum
27. september - 4. október
Faxafeni 14 | 108 Reykjavík | Sími 551 6646
Opið virka daga frá 10-18, laugardaga frá 11-15
VEGGFÓÐUR
Í MIKLU ÚRVALI
Þrotabúin skili 11
milljörðum í tekjur
Kjartan Kjartansson
kjartan@mbl.is
Bankastofnanir í slitameðferð þurfa
í fyrsta skipti að greiða sérstakan
skatt á fjármálafyrirtæki sam-
kvæmt fjárlagafrumvarpi ríkis-
stjórnarinnar sem lagt var fram á
Alþingi í gær. Fjármálafyrirtæki í
slitameðferð hafa hingað til verið
undanþegin þeim skatti.
Bankaskatturinn verður einnig
hækkaður úr 0,041% í 0,145%.
Áætlað er að hækkunin skili ríkis-
sjóði 14,3 milljörðum króna á næsta
ári og 14,5 ma. kr. árið 2015. Þar af
eiga 11,3 ma. kr. að koma frá
þrotabúum föllnu bankanna en
skatturinn mun ná til samþykktra
krafna í þrotabú gömlu viðskipta-
bankanna þriggja eins og þær
standa í reikningum búanna í lok
þessa árs.
Á móti kemur fyrir fjármálafyr-
irtæki að almennur fjársýsluskatt-
ur sem lagður er á laun og önnur
skattskyld hlunnindi fjármálafyrir-
tækja verður lækkaður úr 6,75% í
4,5%. Þessi mótvægisaðgerð við
hækkun bankaskattsins er sögð
hliðra skattbyrði frá smærri fyrir-
tækjum til hinna stærri. Ríkið verð-
ur af um 1,1 ma. kr. á næsta ári
vegna þessa.
Stefnt að fækkun skattþrepa
Í frumvarpinu eru boðaðar breyt-
ingar á skattkerfinu á næstu árum
en fyrsti áfangi þess er að lækka
miðþrep tekjuskatts einstaklinga úr
25,8% í 25%. Sú ráðstöfun á að geta
aukið ráðstöfunartekjur heimila um
fimm milljarða króna á næsta ári og
meira á árunum á eftir. Um 80%
skattgreiðenda greiða skatt í mið-
þrepinu og því er lækkunin sögð ná
til flestra sem greiði skatta.
Í framhaldinu stendur til að
minnka muninn á milli tveggja
lægri skattþrepanna og fella þau að
endingu saman í eitt þrep. Sú ráð-
stöfun á að gera skattkerfið skilvirk-
ara og auka ráðstöfunartekjur fólks.
Vaxtabætur framlengdar
Þá er það sagt hafa áhrif til lækk-
unar tekjuskatts einstaklinga að frá-
dráttarbærni iðgjalds í séreignarlíf-
eyrissjóði muni hækka á ný í 4% af
tekjum árið 2015.
Frítekjumark fjármagnstekju-
skatts vegna vaxtatekna einstaklinga
verður hækkað um fjórðung og verð-
ur 125.000 kr. í stað 100.000 kr. áður.
Á meðal annarra breytinga sem
gagnast heimilum sem mælt er fyrir
um í fjárlagafrumvarpinu má nefna
að stimpilgjaldakerfið verður endur-
skoðað og stimpilgjöld af lánaskjöl-
um felld niður. Pappírsbleiur verða
færðar í neðra virðisaukaskattsþrep-
ið. Hækkanir á barnabótum sem
fyrri ríkisstjórn ákvað halda sér og
bráðabirgðaákvæði um vaxtabætur
verður framlengt.
Tryggingagjald lækkað
Samanlagt hlutfall trygginga-
gjalds og gjalds í Ábyrgðasjóð launa
sem atvinnurekendur greiða lækkar
um 0,1% samkvæmt fjárlagafrum-
varpinu. Alls verður atvinnutrygg-
ingagjaldið lækkað um 0,6% og
gjaldið í Ábyrgðasjóð launa vegna
gjaldþrota um 0,25%. Hins vegar
verður almenna tryggingagjaldið
hækkað um 0,75%. Áætlað er að ráð-
stöfunin kosti ríkissjóð einn milljarð
króna á næsta ári.
Til stendur að lækka trygginga-
gjaldið enn meira eftir því sem líður á
kjörtímabilið. Lækkunin er sögð lögð
til í þeim tilgangi að hvetja fyrirtæki
til að ráða í ný störf og hækka laun
starfsmanna sinna.
Auðlegðarskattur mun að
óbreyttu falla úr gildi um áramótin
og kemur ekki til með að skila rík-
issjóði tekjum árið 2015. Þá verður
orkuskattur á rafmagn ekki fram-
lengdur þegar hann rennur sitt skeið
í lok árs 2015.
 Talsverðar breytingar á sköttum  Milliskattþrep lækkar
0,8%
lækkun á miðþrepi tekjuskatts ein-
staklinga um áramótin.
5
ma. kr. er tekjutap ríkissjóðs vegna
lækkunar tekjuskattsins.
125.000
verður frítekjumark fjármagns-
tekjuskatts einstaklinga.
6,9
milljarðar eru varanlegar tekjur
vegna tekjuaðgerða stjórnvalda.
7.900
ma. kr. er upphæð krafna í þrotabú
föllnu viðskiptabankanna.
11,3
ma. kr. á að afla ríkinu í tekjur með
bankaskatti á þrotabú bankanna.
‹ SKATTABREYTINGAR ›
»
Kjartan Kjartansson
kjartan@mbl.is
Vörugjöld á bensíni, áfengi og tób-
aki eru á meðal þess sem mun
hækka um áramótin. Í fjárlaga-
frumvarpinu er
gert ráð fyrir að
svonefnd krónu-
tölugjöld, gjöld
sem eru föst
krónutala á
magneiningu,
hækki um 3% á
árinu 2014 en
það jafngildi
áætlaðri með-
alverðbólgu á
milli áranna 2013
og 2014. Alls eiga vörugjöld að færa
ríkinu rúma 59 milljarða króna í
tekjur á næsta ári.
Meiri eldsneytissala
Í heildina eiga tekjur ríkisins af
almennum vörugjöldum að aukast
um 900 milljónir króna árið 2014
samkvæmt forsendum fjárlaga-
frumvarpsins. Vörugjöld af öku-
tækjum eiga að skila fimm millj-
örðum og er það 300 milljónum
krónum meira en í fyrra. Þar er
miðað við að 9.500 bifreiðar verði
fluttar til landsins á árinu. Bifreiða-
gjöld eiga að skila ríkinu 300 millj-
ónum kr. aukalega á næsta ári og
kílómetragjald 50 milljóna auka-
tekjum. Þá er miðað við 3% meiri
akstur gjaldskyldra bifreiða.
Lagt er upp með að vörugjöld á
bensín og dísilolíu skili 800 millj-
ónum krónum meira á næsta ári en
á þessu ári. Þar er gert ráð fyrir
1% söluaukningu á bensíni og 2,5%
á olíu auk þess sem gjöldin verði
uppfærð með tilliti til verðlags.
Saman skila bensín- og olíu-
gjaldið ríkinu tólf milljörðum króna.
Tólf milljarðar frá áfenginu
Forsendur fjárlagafrumvarpsins
gera ráð fyrir því að sala allra
flokka áfengis komi til með að
aukast um ríflega 3% á næsta ári.
Það muni skila ríkinu hálfum millj-
arði króna í auknar tekjur af áfeng-
isgjaldi á milli ára þegar tekið hef-
ur verið tillit til verðlagsuppfærslu
gjaldsins. Heildartekjur ríkisins af
áfengisgjaldi á næsta ári verði því
rúmir 12 milljarðar kr.
Tekjur af tóbaksgjaldi eiga að
aukast um 200 milljónir króna á
milli ára þrátt fyrir að búist sé við
áframhaldandi samdrætti í sölu á
tóbaki, alls 1% árið 2014. Það afli
ríkissjóði engu að síður yfir sex
milljarða kr. í tekjur.
Eldsneytið og
áfengið hækkar
 Gert ráð fyrir meiri neyslu og keyrslu
Gjöld Áfengi
hækkar um áramót