Morgunblaðið - Sunnudagur - 08.12.2013, Blaðsíða 4

4 MORGUNBLAÐIÐ SUNNUDAGUR 8.12. 2013
Sturla Gunnar Eðvarðsson, fram-
kvæmdastjóri Smáralindar, segir
jólaverslunina fara hægt af stað en
þó sjái menn aukningu dag frá degi.
„Það er jöfn og þétt stígandi í þessu
og ég heyri ekki
annað en að kaup-
menn séu þokka-
lega sáttir,“ segir
hann.
Sturla segir erf-
itt að bera þessa
jólavertíð saman
við árið í fyrra.
„Þetta leggst öðru-
vísi núna. Þorláks-
messa var um helgi síðast en núna
er hún á mánudegi. Þetta skiptir
allt máli. Síðasta helgin í fyrra var
mjög stór og verður það örugglega
aftur núna. Það er hins vegar þann-
ig að þegar Þorláksmessu ber upp á
helgi er fólk yfirleitt fyrr búið að
versla. Vill eiga síðustu helgina með
fjölskyldunni. Ég er nokkuð bjart-
sýnn á að þetta verði góð jól.“
Sturla hefur lengi verið í smá-
sölubransanum og segir stressið
alltaf jafnmikið hjá kaupmönnum á
þessum tíma árs enda séu þeir bún-
ir að birgja sig upp af vörum. „En
það koma alltaf jól. Það er alla vega
mín reynsla,“ segir hann og hlær
við.
Kröfuharðir neytendur
Sturla hefur orðið var við vaxandi
netverslun við útlönd en segir kaup-
menn í Smáralind ekki hafa rætt
það sérstaklega sín á milli. „Ég hef
ekki kortlagt þetta sjálfur en maður
heyrir ýmsar sögur um gæði vör-
unnar sem menn eru að kaupa,
meðal annars frá Kína. Þær upp-
fylla ekki alltaf gæðakröfur Íslend-
inga sem eru mjög kröfuharðir
neytendur.“
Íslenskir kaupmenn eru líka farn-
ir að hasla sér völl í netheimum en
Sturla segir þau umsvif lítil enn
sem komið sé.
Sturla er ekki frá því að land sé
farið að rísa eftir bankahrunið fyrir
rúmum fimm árum en kaupmenn
hafa að sjálfsögðu fundið fyrir því
eins og aðrir. „Þetta hefur gerst
hægt, ekki í stórum stökkum, enda
ekki innistæða fyrir öðru. En efna-
hagur fólks er á batavegi, hægum
en öruggum. Ég finn ekki annað.
Framundan eru kjarasamningar á
nýju ári og allt skiptir það máli fyrir
verslun. Vonandi tekst vel til.“
Morgunblaðið/Árni Sæberg
Það koma
alltaf jól
Sturla Gunnar
Eðvarðsson
Umgjörðin skiptir að sjálf-
sögðu máli þegar keypt er inn
fyrir jólin. Ekkert má spilla
jólaskapinu.
Að sögn Sturlu Gunnars
Eðvarðssonar er hugur í
kaupmönnum í Smáralindinni
og lofar hann að vel verði
tekið á móti gestum. Allt jóla-
skraut hafi til að mynda verið
endurnýjað, innandyra sem
utan. „Við erum með eitt
glæsilegasta jólatré á höfuð-
borgarsvæðinu hérna fyrir ut-
an Smáralind. Það er upplýst
og alveg ótrúlega fallegt. Það
skiptir máli að
upplifun fólks
sé jákvæð þeg-
ar það kemur
til okkar og
að stemn-
ingin í
húsinu
sé já-
kvæð,“
segir
Sturla.
Verslun hefur farið rólega afstað fyrir þessi jólin. Síð-asta helgin í nóvember var
mjög döpur, að sögn Andrésar
Magnússonar, framkvæmdastjóra
Samtaka verslunar og þjónustu, en
síðasta helgi sem lenti á mán-
aðamótum heldur skárri. „Samt er
þetta undir væntingum yfirhöfuð.
Það var niðurstaða manna á stjórn-
arfundi hjá okkur á fimmtudag-
inn,“ segir hann.
Andrés segir verslun ráðast
meira og meira af kortatímabilum
og sérstökum tilboðum verslana.
Fjölmargir neytendur stíli inn á
það. „Kringlan var til dæmis með
20% afslátt af öllum vörum í vik-
unni og með opið til tólf á mið-
nætti. Ekki var að sökum að
spyrja, fólk flykktist inn. Þetta
þýðir að verslun er farin að þjapp-
ast meira saman. Líf hleypur í við-
skipti meðan tilboð eru í gangi en
þess á milli er mun rólegra.“
Þessi helgi gefur
sterkar vísbendingar
Oft er talað um að jólaverslunin
taki fyrst almennilega við sér
fyrstu helgina í desember og Andr-
és tekur undir það. „Þetta er
þriðja síðasta helgin fyrir jól og
því er ekki að leyna að kaupmenn
hafa miklar væntingar til hennar.
Þessi helgi gefur yfirleitt mjög
sterkar vísbendingar um það sem
koma skal í neyslu fyrir jólin.“
Ríkisstjórnin kynnti fyrirhugaðar
aðgerðir sínar varðandi skulda-
vanda heimilanna um liðna helgi.
Spurður hvort það útspil sé líklegt
til að hafa áhrif á neyslu almenn-
ings fyrir jólin telur Andrés það
ekki ólíklegt. „Það var greinilegt
að fólk hélt að sér höndum í nóv-
ember vegna þess að það var að
bíða eftir útspili ríkisstjórnarinnar.
Það kom meðal annars fram í bíla-
sölu. Tölur úr rannsóknarsetri okk-
ar fyrir nóvember liggja ekki fyrir
fyrr en í næstu viku en ég á ekki
von á öðru en þær endurspegli
þetta líka. Nú hafa aðgerðir rík-
isstjórnarinnar verið kynntar og
það verður mjög spennandi að sjá
hvort þær skila sér inn í jólaversl-
unina strax núna um helgina.“
Jákvæð stemning
Andrés setur þann fyrirvara að að-
gerðirnar komi ekki til fram-
kvæmda fyrr en á næsta ári og
hver og einn hafi ekki ennþá náð
að máta sig almennilega við þær.
„Mér sýnist samt að þessar að-
gerðir komi millistéttinni fyrst og
fremst til góða og þar af leiðandi
ættu þær að hafa einhver áhrif á
neyslu. Stemningin í þjóðfélaginu
gagnvart þessu útspili ríkisstjórn-
arinnar er jákvæð og slík skilaboð
hafa yfirleitt jákvæð áhrif á við-
skipti. Það er vitað. Þess vegna
vonum við að jólaverslunin í ár
verði blómleg,“ segir Andrés.
Netverslun hefur færst jafnt og
þétt í aukana hér á landi, einkum
við útlönd (sjá umfjöllun á bls. 54 í
sunnudagsblaði Morgunblaðsins í
dag) og Andrés segir kaupmenn að
sjálfsögðu hugsi yfir þeirri þróun.
„Netverslun hefur tekið mikinn
kipp og á fundi systursamtaka okk-
ar annars staðar á Norðurlönd-
unum í haust var talað um spreng-
ingu í þessari tegund viðskipta. Við
finnum að sjálfsögðu fyrir þessu en
fram hefur komið að á bilinu sex
til sjö þúsund sendingar komi
hingað gegnum eina tiltekna net-
síðu á mánuði. Þetta hefur gerst
alveg ótrúlega hratt, eiginlega bara
frá því í sumar. Mest er um við-
skipti með fatnað og smærri raf-
tæki.“
Ekki alltaf ósvikin vara
Andrés segir ekkert við þessari
þróun að segja, viðskiptahættir
geti vitaskuld breyst eins og annað
í þessum heimi. Á hinn bóginn hef-
ur hann áhyggjur af því að ekki sé
alltaf um ósvikna vöru að ræða.
„Við höfum rætt þetta mál við toll-
inn, hvernig stemma megi stigu við
svikum, en þetta er svo gríðarlegt
magn að tollurinn hefur enga
möguleika á að fara yfir allar send-
ingar og kanna hvort þær eru lög-
legar.
Það er alvarlegt mál þegar stór
og þekkt vörumerki verða fyrir
tjóni af þessum sökum.“
Morgunblaðið/Golli
UPPLIFUNIN ÞARF
AÐ VERA JÁKVÆÐ
Andrés
Magnússon
Jólaverslun enn sem
komið er undir væntingum
JÓLAVERSLUN HEFUR FARIÐ RÓLEGA AF STAÐ ENDA VIRÐAST NEYTENDUR HAFA HALDIÐ AÐ SÉR HÖNDUM MEÐAN
ÞEIR BIÐU EFTIR ÚTSPILI RÍKISSTJÓRNARINNAR Í SKULDAMÁLUM HEIMILANNA. SAMTÖK VERSLUNAR OG ÞJÓNUSTU ERU
BJARTSÝN Á AÐ VERSLUN TAKI NÚ VIÐ SÉR EN ÁHRIFA NETVIÐSKIPTA VIÐ ÚTLÖND MUNI GÆTA SEM ALDREI FYRR.
*Hann er svo blankur auminginn hann pabbi að ekki gat hanngefið mömmu kjól. Svo andvarpaði’ hann út af búðarlabbi:„Það er svo dýrt að halda þessi jól.“ Vilhjálmur Vilhjálmsson í laginu Jólin koma.ÞjóðmálORRI PÁLL ORMARSSON
orri@mbl.is