Morgunblaðið - Sunnudagur - 08.12.2013, Blaðsíða 52

52 MORGUNBLAÐIÐ SUNNUDAGUR 8.12. 2013
Kristján Jónsson myndlistarmaður opnar
sýningu á málverkum í Víkinni, Grandagarði
8, klukkan 15 á laugardag. Er þetta þrettánda
einkasýning Kristjáns sem sýnir að þessu
sinni fimmtán verk, stór og smá. Ríður hann
á vaðið með sýningarhald í rúmgóðum sal
sem tengist kaffistofu safnsins og er því við-
bót við sýningaraðstöðuna í höfuðborginni.
Hann verður þar með 15 verk, bæði stór
og smá. Fleira er á seyði í Víkinni um helgina
því við opnunina mun Jón Gauti Jónsson árita
nýju Fjallabókina sína og býður auk þess upp
á myndasýningu í tengslum við útgáfuna. Þá
mun Anna Kristín Ásbjörnsdóttir kynna ný-
útkomna bók sína, Álfa- og tröllasögur úr
Þjóðsögum Jóns Árnasonar.
SÝNING KRISTJÁNS JÓNSSONAR
MÁLVERK Í VÍKINNI
Kristján Jónsson við nokkur hinna nýju mál-
verka sinna sem hann sýnir í Víkinni.
Ljósmynd/Grímur Bjarnason
Á sýningunni í Hönnunarsafninu gefur að líta
listhandverk átján samtímalistamanna.
Ljósmynd/Chris Harrison
Sýning á norsku samtímalisthandverki er
nefnist Paradigm – Viðmið verður opnuð í
Hönnunarsafni Íslands við Garðatorg í
Garðabæ í dag, laugardag, klukkan 16.30.
Sendiherra Noregs, Dag Wernø Holter,
opnar sýninguna.
Sýningarstjóri Paradigm er listamaðurinn
Lars Sture og gefur á henni að líta verk átján
norskra listamanna sem vinna með gler, ker-
amik og málma. Í hópnum eru margir nafn-
kunnustu listamenn Noregs í dag og voru
verkin valin í samvinnu við þá.
Þetta er víðförul sýning sem var fyrst opn-
uð í Zagreb árið 2011 og hefur m.a. verið
sett upp í Nuuk, Búdapest, París og Brussel.
SÝNING Í HÖNNUNARSAFNI
NORSK VERK
Hin kunna ljóðabók
breska lárviðarskáldsins
Teds Hughes, Afmælisbréf,
eða Birthtday Letters eins
og hún nefnist á frummál-
inu, er komin út í þýðingu
Hallbergs Hallmundssonar
og Árna Blandon.
Afmælisbréf kom út
nokkrum mánuðum eftir
dauða Hughes (1930-1998) og varð fljótlega
metsölubók. Ljóðin fjalla um samband
skáldsins við fyrri eiginkonu sína, bandaríska
ljóðskáldið Sylviu Plath.
Hallberg Hallmundsson þýðandi lést árið
2011 eftir erfið veikindi. Hann hafði gefið út
úrval ljóða Plath og hafði síðan þýtt 37 af
ljóðunum 88 í Afmælisbréfum Hughes. Eftir
andlát Hallbergs var bróðursonur hans, Árni
Blandon, fenginn til að ljúka við þýðingarar
og samræma svo unnt væri að koma þessu
merka verki út í heild.
ÞEKKT LJÓÐ HUGHES ÞÝDD
AFMÆLISBRÉF
Ted Hughes
Hanna Dóra Sturludóttir messósópransöngkona og SteinunnBirna Ragnarsdóttir píanóleikari koma fram á tónleikum íSalnum í Kópavogi í dag, laugardag, klukkan 16. Efnisskrá
tónleikanna er óvenjuleg en hún tengist öll á einn eða annan hátt ár-
talinu 1913. Þetta eru fjórðu tónleikarnir í röðinni „Klassík í Salnum“
sem hóf göngu sína í haust.
Hanna Dóra segir hugmyndina um að finna verk sem tengjast
árinu 1913 hafa kviknað út frá því að nú í ár hefur mikið verið flutt
af tónlist eftir Wagner og Verdi, sem fæddust árið 1813, eða öld fyrr,
en árið 1913 fæddist breska tónskáldið Benjamin Britten hins vegar.
Tónleikarnir hefjast á verkum eftir hann. Fyrst flytja þær Hanna
Dóra og Steinunn Birna fjögur þjóðlög í útsetningu Brittens og í
kjölfarið verk hans „A Charm of Lullabies“ og „Cabaret Songs“. Að
auki munu þær flytja þrjú sönglög eftir Árna Thorsteinson úr sjón-
leiknum Lénharði fógeta eftir Einar Hjörleifsson Kvaran, sem frum-
sýndur var hjá Leikfélagi Reykjavíkur árið 1913. Að lokum flytja
þær stöllur „Siete Canciones Populares Espanolas“ sem spænska
tónskáldið Manuel de Falla samdi á árunum 1913-14.
„Mig langaði að gera meira við þetta ár en að nota eingöngu verk
Brittens,“ segir Hanna Dóra. Þá fann hún ljóðaflokk de Falla og
þessi lög Árna sem hún segir afar sjaldan flutt. „Þetta féll því undir
þennan ramma. Ég hef ekkert sungið af þessu áður og það er
kannski dirfska,“ segir söngkonan sem hefur verið upptekin að und-
anförnu, til dæmis við að syngja hlutverk Carmen hjá Íslensku óp-
erunni. „En það hefur verið gaman að takast á við þessi verk og ég
vona að við getum flutt þau oftar.“
Þær Hanna Dóra og Steinunn Birna hafa unnið heilmikið saman á
undanförnum árum. „Fyrst þegar hún fékk mig til að syngja á Reyk-
holtshátíð árið 2000, fyrir þrettán árum. Þar kemur þessi tala aftur,“
segir Hanna Dóra og hlær. „Við höfum gefið út geisladisk og haldið
tónleika áður, gert margt skemmtilegt saman hér heima og erlendis.“
HANNA DÓRA OG STEINUNN BIRNA Í SALNUM
Öll verkin
tengjast 1913
„Það hefur verið gaman að takast á við þessi verk,“ segir Hanna Dóra
Sturludóttir um efnisskrá þeirra Steinunnar Birnu Ragnarsdóttur.
VERK EFTIR BRITTEN, ÁRNA THORSTEINSON OG
MANUEL DE FALLA Á EFNISSKRÁ TÓNLEIKA Í SALNUM.
Menning
Þ
að hefur gefið mér mikið að þessar
dyr skuli hafa opnast og ég kom-
ist í að spila miklu meiri djass,“
segir Sigurður Flosason saxófón-
leikari og tónskáld um fjölbreyti-
leg verkefni sín í Danmörku að undanförnu.
Nýjasti vitnisburðurinn er splunkunýr diskur
hans sem Storyville-útgáfan í Kaupmannahöfn
gefur út, The Eleventh Hour. Á honum eru
ellefu ný lög eftir Sigurð flutt af Kaup-
mannahafnarkvartetti hans, Sigurður Flosason
Copenhagen Quartet. Meðleikarar hans þar
eru úr fremstu röð danskra djassleikara, þeir
Nikolaj Hess á píanó, Lennart Ginman á
kontrabassa og Morten Lund á trommur.
Sigurður hefur staðið í talsverðum landvinn-
ingum í Danmörku á síðustu árum og er þetta
þriðji diskur hans sem Storyville gefur út;
Land&Sky gerði hann í samvinnu við söng-
konuna Cathrine Legardh árið 2011 og Nigh-
fall með danska Hammond-orgelleikaranum
kom út fyrr á þessu ári.
„Ég hef lengi átt í samstarfi við Dani, og
lengst við Lennart Ginman,“ segir Sigurður
þegar rætt er við hann um Danmerkurævin-
týrin. „En kaflaskil urðu þó fyrir fjórum árum
þegar ég álpaðist á fínt námskeið sem danska
djasssambandið heldur fyrir atvinnumúsikanta
á lýðháskóla úti í sveit á Sjálandi. Þar kemur
danski djassbransinn meira og minna saman,
og heimsþekktir erlendir listamenn koma til
að kenna. Þarna er dvalið í viku og mikið spil-
að. Það er mjög skemmtilegt en ekki síst
myndast þarna ýmis tengsl. Fyrst þegar ég
tók þátt var ég mjög heppinn og fyrir röð til-
viljana mynduðust sambönd sem sitthvað kom
út úr,“ segir hann.
Þarna hitti Sigurður söngkonuna Legardh
og hún var forvitin um sungna íslenska djass-
tónlist. Sigurður gaf henni disk sinn Hvar er
tunglið?, þar sem Kristjana Stefánsdóttir
syngur lög hans við texta Aðalsteins Ásbergs
Sigurðssonar, og það vatt upp á sig. Þau fóru
að senda hvort öðru efni milli landa.
„Svo fór ég út og spilaði með henni, við
gerðum tilraun með lítið prógramm, en eins
og oft vill verða hjá mér þá endar það sem fer
af stað sem lítill snjóbolti sem heilt snjóflóð.
Við vorum skyndilega komin með mikið efni
og ég var það vitlaus, ekki í fyrsta skipti,“
segir hann og brosir, „að taka þá ákvörðun að
gera úr því tvöfaldan disk með tuttugu lögum
eftir mig við texta hennar. Við spiluðum mikið
í Danmörku og vorum tilnefnd til dönsku og
íslensku tónlistarverðlaunanna, sem gladdi
okkur þótt við höfum ekki hreppt þau, en ég
fékk þau hér sem jazzhöfundur ársins.“
Skref framávið
Á fyrrnefndu námskeiði kynntist Sigurður
einnig Hammond-leikaranum Kjeld Lauritsen.
„Eftir það hittumst við nokkrum sinnum og
varð vel til vina. Það endaði á því að við fór-
um að spila saman og nú er kominn út diskur
sem við tókum upp í fyrra. Á honum eru
djassstandardar í lýrískari kantinum. Við höf-
um spilað ennþá meira í Danmörku en ég hef
gert með Cathrine og þá eru með okkur þeir
Jacob Fischer á gítar og Christian Leth á
trommur. Stundum leikum við saman í hverj-
um mánuði – í raun hef ég ekki tölu á ferðun-
um sem ég hef farið út á undanförnum árum.
Viðbrögð áheyrenda sem gagnrýnenda við
þessu efni hafa verið ótrúlega fín og þeir
kaupa mikið af diskum á tónleikum.“
Það næsta sem gerðist í samstarfi Sigurðar
við Danina var að hann stýrði upptökum á
dúódiski Legardh og skoska píanóleikarans
Brian Kellock, Love Still Wears A Smile, fyrir
Storyville.
„Það var gaman að vera í hlutverki upp-
tökustjórans,“ segir hann. „Ég er búinn að
gera yfir tuttugu diska og er orðinn vanur að
mixa plötur með upptökumanni, liggja yfir út-
komunni, velja tökur, huga að klippingum,
samröðun efnis og öðru slíku.“
Fjórði diskur Sigurðar fyrir Storyville er
síðan sá nýi, The Eleventh Hour, og það er sá
fyrsti sem er hans eins þótt hann leiki á hon-
um í þessum fína kvartetti.
„Það er skref framávið að vera með sjálf-
stætt verkefni sem þetta þarna úti og verður
gaman að sjá hvernig það gengur,“ segir Sig-
urður og bætir við að meðleikararnir séu allir
fyrsta flokks og þekktir í heimalandinu. „Þetta
var mín drauma-ryþmasveit í Danmörku og ég
er mjög sáttur við útkomuna,“ segir hann.
Bransinn í Danmörku sama baslið
Sigurður hefur um árabil verið atkvæðamikill í
íslensku tónlistarlífi, sem hljóðfæraleikari, tón-
skáld, stjórnandi og kennari. Er gott að geta
tekið þátt í annarri senu?
„Það er alveg frábært. Þarna kemst ég í að
spila meiri djass en hér heima og svo er gott
fyrir sjálfstraustið að koma inn í nýjar að-
stæður, til að mynda á þessum stóru nám-
skeiðum sem ég hef nú sótt þrisvar sinnum,
og finna að fólk vill vinna með manni.“
Freistar að flytja til Danmerkur?
„Nei. Ég hef engan áhuga á að búa annars
staðar en hér. Bransinn í Danmörku er sama
baslið og hér, jafnlítil prósenta af heildinni
sem hefur áhuga á þessari tónlist, en mark-
aðurinn er bara svolítið stærri. En það er
gaman að eiga ítök í annarri senu, fleiri sam-
verkamenn, aðeins fleiri áheyrendur og aðeins
stærri markað. Það nægir mér. Ég vona að
þessi nýjasta plata verði ekki endirinn á bralli
mínu þarna úti.“
DISKUR MEÐ KAUPMANNAHAFNARKVARTETTI SIGURÐAR FLOSASONAR KOMINN ÚT
Sækir inn á dönsku
djasssenuna
„ÞAÐ ER GAMAN AÐ EIGA ÍTÖK Í ANNARRI SENU; FLEIRI SAMVERKAMENN, AÐEINS FLEIRI ÁHEYRENDUR OG AÐ-
EINS STÆRRI MARKAÐ,“ SEGIR SAXÓFÓNLEIKARINN SIGURÐUR FLOSASON UM LANDVINNINGA SÍNA.
Einar Falur Ingólfsson efi@mbl.is