Hafnarfjörður - Garðabær - 23.11.2012, Blaðsíða 10

10 23. nóvember 2012
Garðabær og Hafnarfjörður frá
sjónarhóli framhaldsskólanema
Þar sem ég ólst upp í Hafnarfirði og bjó þar til 10 ára og flutti síðan til Garðabæjar og hef nú
búið þar í 10 ár, þá gæti ég sagt að ég
hef nokkra reynslu af báðum bæjar-
félögunum. Stundum á ég bara erfitt
með að kalla mig Garðbæing og varla
get ég kallað mig Hafnfirðing þegar ég
hef búið jafn lengi í Garðabæ og raunin
er. Það eru margir kostir við Garðabæ
en þó líka nokkrir gallar og það sama
gildir um Hafnarfjörð og eflaust öll
önnur bæjarfélög.
En það sem mig langar að pæla í
er eitthvað sem telst slæmt hjá nánast
hverju einasta bæjarfélagi á landinu.
Það er hið svokallaða veggjakrot eða
segjum bara graffiti því það hljómar
betur.
Í Garðabæ er veggjakrot hlutur sem
er fyrirlitinn, hann greinilega á ekki
heima á þeim slóðum.
Þar er eitt mörgum milljónum
króna í að mála yfir eða fjarlægja krot
sem síðan sprettur aftur upp jafnvel
samdægurs. Það er krotað alls staðar.
Undirgöng, búðir, fyrirtæki, heimahús,
bílskúra og nánast allt sem hefur slétt
yfirborð. En Garðabær er mjög dug-
legur að mála yfir allt slíkt, eiginlega
bara of duglegur en kannski er það bara
ég en mér finnst frekar óþægilegt að
labba í gegnum skjanna hvít undirgöng,
það er bara eitthvað skrítið við það,
en það gerist ekki mjög oft þar sem
undirgöng eru oftast aðal viðfangsefni
veggjakrotaranna.
Þar kemur Hafnarfjörður einmitt
mjög sterkur inn. Ólöglegt krot í undir-
göngum í Hafnarfirði er nánast ekki
til því að Hafnarfjörður er stundum
sniðugt bæjarfélag og ákvað að fara
aðrar leiðir heldur en nokkurt annað
bæjarfélag hefur gert, mér vitandi. Í
stað þess að mála yfir krotið í helstu
og stærstu undirgöngum bæjarins þá
var gengið í það að leyfa ‚,gröffurum‘‘
að mála í göngin og því leyft að standa.
Hafnarfjörður sem er töluvert
skuldugra bæjarfélag en Garðabærinn
fann þarna leið til að spara töluverða
peninga sem hefðu annars farið í gráa
og hvíta málningu.
Þar sem ég hef engar tölur fyrir
framan mig þori ég ekki að segja til um
hversu mikla peninga Hafnarfjörður
hefur sparað á þessu en ég get sagt að
bærinn er mun litríkari og huggulegri.
Einnig hef ég aldrei vitað til þess ein-
hver hafi kvartað eftir að þetta var leyft.
Ef þetta væri eitthvað sem Garða-
bær gæti komið af stað ætti ég ekki í
miklum erfiðleikum með að kalla mig
Garðbæing .En til að fræðast meira um
hvernig Hafnarfjörður fer að þessu þá
er hægt að fara inná þessa síðu. http://
tomstund.is/skjol/graffitibaeklingur.
pdf. Kristján Júlíusson FG
Myndarlegir
ferðastyrkir
íþrótta- og
tómstundaráðs
Íþrótta- og tómstundaráð Garða-bæjar ákvað að styrkja íþrótta-
menn í bænum um 20.000 hvert
vegna ferða þeirra á mót erlendis.
Styrkurinn er 20.000 fyrir hvert
mót sem talið er upp hér að neðan
og þar kemur einnig fram í hvaða
grein og hvenær viðkomandi
íþróttamaður keppir:
Kristófer Björn Ólason og Ragnar
Már Garðarsson, blak NM ung-
linga, Noregi 15.nóvember .
Ragnar Már Garðarsson, blak, Or-
ange Bowl, Miami, 19.desember.
Lilja Einarsdóttir og Lárus Jón
Thorarensen blak ,U-19 Nevza
mótið Noregi 15.október
Andri Fannar Pétursson, A-landslið
DSÍ, Köbenhagen open
Sara Margrét Jóhannesdóttir,
stúlknalandslið í fimleikum, EM
2012 Árósum
Sindri Pétur Ingimundarson, lyft-
ingasambandi Íslands, Norður-
landamót unglinga Parkano, Finn-
landi 25. október
Þórey Ásgeirsdóttir, Andrea Sif
Pétursdóttir, Sóley Ólafsdóttir ,
Harpa Guðrún Hreinsdóttir, og
Kolbrún Þöll Þorradóttir, stúlkna-
landslið í hópfimleikum, EM Dan-
mörk 16. október 2012,
Þorgrímur Þráinsson, rithöfundur:
Lestur er ávísun á dásamlega framtíð
Hvað var það sem vakti áhuga þinn á að verða rithöfundur?Ég hafði starfað sem blaða-
maður og ritstjóri hjá Frjálsu framtaki,
síðar Fróða, í nokkur ár þegar áhugi
kviknaði á því að skrifa bók. Helsta
ástæðan var sú að mér þótti skemmti-
legt að taka viðtöl og hafa þau með
þeim hætti að ég reyndi að lokka les-
andann að viðtalinu. Eftir nokkurra
ára reynslu spurði ég sjálfan mig hvers
vegna ég skrifaði ekki bók eins og aðrir
-- ekki síst þar sem mér þótti gaman
að skálda í kringum viðtölin. Þetta er
upphafið.... engir gamlir draumar.
Hvað varstu gamall þegar fyrsta bókin
þín kom út?
Ég var kornungur þegar fyrsta bókin
kom út, 30 ára og síðan eru liðnar 28
bækur og 23 ár. Samt er ég ekki nema
37 ára. Undarlegt en útskýrir hvers
vegna ég var í máladeildinni í MR.
Hver er Þorgrímur Þráinsson fyrir
utan rithöfundar starf hans?
Ég nýt þess út í ystu æsar þetta ár
og vonandi næstu að halda fyrirlestra
fyrir ALLA nemendur á Íslandi í 10.
bekk. Fyrir mér er það eins og hug-
leiðsla að hitta þetta unga fólk og sá
fræjum. Þar fyrir utan er ég einstak-
lingur sem leggur sig fram um að njóta
hvers augnabliks og treysti lífinu fyrir
því sem verða vill. Samt; hver er sinnar
eigin gæfu smiður.
Auðveldara að skrifa
fyrir fullorðna
Finnst þér skemmtilegra að skrifa
bækur fyrir börn og unglinga heldur
en fullorðna? - ef já, hversvegna?
Ég hef ekkert með það að gera
hvernig sögur ég skrifa, þær koma til
mín. Ég hef skrifað fjölbreyttar bækur,
þó flestar fyrir börn og unglinga. Það
er dásamlegt að sinna þessum aldurs-
hópi því hann er fölskvalaus. Ef maður
hittir ekki í mark fær maður að heyra
það (sem er aldrei) en fullorðnu fólki
þóknast að líka vel við hinn rithöfund-
inn eða þennan.
En samt, því fylgir meira frelsi að
skrifa fyrir fullorðna, segir sig sjálft því
þá er allt leyfilegt. Núna er ég t.d. að
skrifa bók fyrir fullorðna og frelsið er
fáránlega notalegt. En ég mun líklega
aldrei hætta að skrifa fyrir hina ungu.
Hefur þú tengt einhverja sögu sem þú
hefur skrifað við þitt líf?
Já, já ég er alltaf að skrifa um sjálfan
mig, alveg samt hvort persónan er stelpa,
strákur, hundur eða hæna. Ómeðvitað
tekur maður eitthvað úr sínum reynslu-
banka og smyr því saman við skáld-
skapinn. Þess vegna reyni ég að lifa
sem fjölbreyttustu lífi, og skrýtnu, því
þá upplifi ég eitthvað sem ég get notað.
Hefur þú orðið var við að börn og ung-
lingar lesa minna í dag heldur en fyrir
nokkrum árum?
Þau lesa ekki minna af mínum
bókum!! Jú, vissulega freistar tölvan
og öll þessi fjand...... freisting í sjón-
varp og annað. En... góð bók dregur
lesandann alltaf til sín. En það þarf að
halda bókum að börnum og ala þau
upp - helst ofan á bókarkápu. Ef þau fá
lestur með móðurmjólkinni verður eft-
irleikurinn auðveldur. Lestur er ávísun
á dásamlega framtíð.
Þykir ekki fínt að skrifa fyrir
börn og unglinga
Hvernig er hægt að auka lestur barna
og unglinga?
Með því að styðja við bakið á barna-
og unglingabókahöfundum. Það er
EKKI gert nema á tyllidögum. Það
þykir ekki fínt að skrifa fyrir börn og
unglinga, því miður. En við gefumst
aldrei upp.
Langaði þig alltaf að verða rithöf-
undur?
Nei, mig langaði að verða bóndi með
33 kýr, hænur, 99 rollur, endur á vappi
og neftóbak við höndina. Mig langaði
að eiga tvo traktora og fjölda barna. En
lífið tekur stundum af manni völdin.
Aðrir vildu að ég yrði prestur.
Hvar verslar þú föt og skó?
Hvar versla ég föt og skó. Þessi
spurning kemur flatt upp á mig. Ég
versla oftast í H&M þegar ég er í út-
löndum. Ódýrt, smart og endingargott.
Og svo er ég hrifinn af Abercrombie
og Hollister. Versla nánast aldrei föt
á Íslandi.
Er alltaf að leika
mér á launum
Hvað gerir þú í þínum frítíma?
Minn frítími er að halda fyrirlestra
og að skrifa. Það er mín ástríða. Þess
vegna er ég aldrei í vinnunni. Sífellt
að leika mér á launum. En... ég elska
að fara í stuttar ferðir út á land í góðra
vina hópi. Einhverra hluta vegna enda
ég alltaf á Snæfellsnesi, líklega vegna
þess að ég bjó þar í 10 ár sem piltungur.
Hver eru þín helstu áhugamál ?
Áhugamál? Mér þykir gaman í rækt-
inni, mín hugleiðsla. Ég er áhugamaður
um París og góðar bækur. Og svo er
ég með söfnunaráráttu. Hún er þó að
renna af mér. En ég á gamla tappa,
fermingarservíettur og fleira.
Þorgerður Anna Atladóttir, FG
Frá nemendum á Fjölmiðlabraut Fg
Frá nemendum á Fjölmiðlabraut Fg