Hafnarfjörður - Garðabær - 23.11.2012, Blaðsíða 13

23. nóvember 2012 13
Hugleiðingar húsmóðurinnar:
Út að hlaupa!
Einn af ljúfu haustboðunum voru án efa auglýsingarnar frá líkamsræktarstöðvunum. -Í
kjólinn fyrir jólin! -Sjáðu tólin fyrir
jólin! -Komdu þér í form en ekki köku-
form! -Ekki vera bolla heldur frekar
eins og græna Solla! Slagorðin sem
dundu yfir voru öll með álíka sniði og
sannfærðu húsmóðurina hafnfirsku
um að gera eitthvað í sínum málum
og koma sér í form lífs síns.
En úr vöndu var að ráða þar sem úr-
valið var mikið. Jóga, pallar, sundleik-
fimi, zumba, spinning, cross fit og rassa-
lyftingar að suðuramerískum hætti eru
bara brot af því sem hægt var að velja úr.
Húsmóðirin rifjaði þó upp fyrri reynslu
sína í líkamsræktarsölunum sem var
henni enn í fersku minni.
Kröftugar hnébeygjur
Í einni atrennu í heilsuátaki hafði hún
með lítilli áreynslu gert dvöl sína á
líkamsræktarstöð einni mjög eftir-
minnilega. Í miðjum spinningtíma
þegar hjóla átti á fleygiferð til að fá
upp púlsinn, missti hún jafnvægið,
datt af hjólinu og festist í pedulunum.
Liggjandi kylliflöt með athygli allra á
sér tók tvo fíleflda karlmenn til að losa
hana og koma á fætur.
Önnur tilraun húsmóðurinnar að
heilsusamlegra líferni endaði einnig
með snöggum hætti. Þá var hún stödd
í troðfullum sal í svokölluðum body
pump tíma þar sem lyfta átti lóðum.
Húsmóðirin stillti sér upp í fremstu
röð, enda hafði hún mætt nokkrum
sinnum áður. Hún var orðin nokkuð
góð í hnébeygjum og vildi gera enn
betur. Í einni beygjunni ákváðu fínu
spandex buxurnar að gefa sig og rifn-
uðu meðfram saumnum við aftur-
endann með tilheyrandi látum. Þar
sem stutti bolurinn úr sama efni náði
ekki að skyggja á sprungusvæðið, bar
húsmóðirin hendurnar fyrir og sagðist
finna til í mjóbakinu. Svo haltraði hún
út með hendur fyrir aftan sig og lauk
þar með þátttöku sinni.
Fagrar fylkingar hlaupara
Húsmóðirin hafði oftar en ekki séð
fagrar fylkingar hlaupara víðsvegar um
bæinn. Hlaupararnir virtust svo tígu-
legir í hreyfingum, þeir ýmist spjölluðu
saman og hlógu eða hlustuðu einbeittir
á eitthvað úr heyrnatólunum sem voru
þræddir í eyru þeirra. Sífellt fleiri til-
kynntu á fésbókinni um hlaupaafrek
sín og oftar en ekki fylgdi mynd af
viðkomandi hlaupara, glaðbeittum og
stoltum á svip með verðlaunapening
um hálsinn.
Þegar húsmóðirin rak svo augun í
auglýsingu frá hlaupahóp sem kenndi
sig við eitt af íþróttafélögum bæjarins,
ákvað hún að slá til. Boðið var upp á
nýliðanámskeið sem var alveg tilvalið
svo hún skráði sig í hópinn. Fyrst varð
húsmóðirin þó að fjárfesta í nýjum
buxum þar sem útséð var að bux-
urnar úr fyrrnefndum líkamsræktar-
tilraunum voru gjörsamlega ónot-
hæfar! Húsmóðirin er útsjónarsöm
og keypti fínar hlaupabuxur á útsölu.
Hlaupaskórnir þyrftu að bíða þar til í
næsta mánuði því að sjálfsögðu sýnir
húsmóðirin aðhald í rekstri heimilisins.
Fyrsti æfingadagurinn rann upp.
Fjöldi fólks af öllum stærðum, aldri og
gerðum var samankominn í íþrótta-
miðstöðinni. Hópnum var skipt í
nokkra flokka eftir getu og svo var
skokkað af stað!
Slappir grindarbotnsvöðvar
Fyrirmælin voru skýr – hlaupa í hálfa
mínútu og ganga í eina mínútu inn á
milli og endurtaka átta sinnum. Svona
átti að byggja upp þol og styrk hjá ný-
liðunum smám saman. Stefnan var
tekin að göngustíg, umvafinn hrauni
og fallegum gróðri sem var farinn að
taka á sig litbrigði haustsins. Fyrstu
tveir sprettirnir gengu þokkalega vel hjá
húsmóðurinni og bjó hún greinilega vel
að fyrri líkamsræktarátökum sínum.
Þriðji spretturinn var þó aðeins þyngri
og dróst hún aðeins aftur úr hópnum. Í
fjórða sprettinum fóru slöppu grindar-
botnsvöðvarnir að segja til sín og mál
var komið til að losa þvagblöðruna.
Til að halda hlaupin út, ákvað hún að
skella sér í gjótu nokkra við göngustíg-
inn, skimaði í kringum sig og sá engar
mannaferðir. Mikið fannst henni gott
að létta á sér og sá fram á betri hraða í
sprettunum sem eftir voru.
Tungl í fyllingu
Skyndilega heyrði húsmóðirin umgang
og leit við meðan hún sat með bux-
urnar á hælunum. Hlaupahópurinn
hafði snúið við og hljóp nú að henni
í spretti númer fimm og staðnæmdist
beint fyrir ofan hana!!!!!
Húsmóðirin gerði heiðarlega tilraun
til að láta lítið fyrir sér fara, enn krjúp-
andi með óæðri endann blasandi við
eins og tungl í fyllingu. En það varð
ekki að því þar sem þjálfarinn sagði
óþarflega skýrmæltur; ,,það þýðir ekk-
ert að fara í felur, þrír sprettir eftir,‘‘ og
lyfti svo brúnum þegar hann varð var
við ,,tunglið.‘‘
Athygli allra beindist að sjálfsögðu
að húsmóðurinni sem hysjaði upp
um sig í skyndi, bar höfuðið eins hátt
og henni var unnt og hljóp svo með
hópnum lokasprettinn, í fyrsta og síð-
asta sinn. Leitin að annarri líkamsrækt
stendur nú yfir hjá húsmóðurinni.
Húsmóðirin er ein af þeim sein-
heppnari síns kynstofns og lendir iðulega
í ævintýrum hversdagsins.
Ása og Erla
Höfundar: Edda Heiðrún Backman
myndskreytti og Þórarinn Eldjárn ljóðskreytti
Vaka Helgafell
Sagan um Ásu og Erlu er í bundnu máli og lýsir vináttu þeirra tveggja
frá bernskuárum til hárrar elli. Strax
í bernsku koma áhugasvið og styrk-
leikar stallsystranna fram sem mótar
svo seinna til hvaða starfa þær veljast.
Bókin er myndskreytt með vatnslitum
á einstaklega fallegan hátt sem undir-
strikar þennan óð til lífsins sem svo
vel er lýst.
Bókin um Ásu og Erlu höfðar til
barna á öllum aldri. Auk þess hefðu
allir fullorðnir gott af þessum lestri og
njóta um leið myndskreytingarinnar.
Linda Hrönn Þórisdóttir
Fréttatilkynning
Eftirréttir Sollu
Höfundur: Sólveig Eiríksdóttir
Ljósmyndir: Matthías Árni Ingimarsson
JPV útgáfa / Forlagið
Það er draumur margra að geta gætt sér á ljúffengum eftirréttum eða
girnilegum kökum án þess að fá sam-
viskubit sökum hitaeiningafjölda eða
óhollustu. Í bókinni Eftirréttir Sollu
eru fjölmargar uppskriftir af hollum
eftirréttum og öðru góðgæti. Ég verð
nú að viðurkenna að ég kannaðist ekki
við allt hráefnið sem getið er í upp-
skriftunum og þá kom sér vel að fremst
í bókinni er útskýring á hráefninu sem
nota á í réttina. Uppskriftirnar eru
settar skýrt upp og það ætti að vera
auðvelt að fara eftir þeim þegar skiln-
ingi á hráefninu er náð.
Myndir af girnilegu réttunum fylgja
með sem er ágætis stuðningur við upp-
skriftirnar. Alla vega hlakka ég til að
spreyta mig á fjölbreyttum eftirréttum
og gæða mér á þeim án samviskubits.
Linda Hrönn Þórisdóttir
Uppskrift úr bókinni
Eftirréttir Sollu:
Brownies með
súkkulaðikremi
Botn
4 dl valhnetur
1 dl kakóduft
½ dl kókospálmasykur
½ dl döðlur, smátt saxaðar
½ dl apríkósur, smátt saxaðar
2 msk kaldpressuð kókosolía
1 tsk vanilluduft eða –dropar
¼ tsk kanill
Setjið 4 dl af valhnetum í mat-
vinnsluvél, stillið á minnsta hraða
og malið hneturnar í mjöl. Bætið af-
ganginum af hráefninu út í og blandið
þar til allt loðir saman og myndar deig.
Þrýstið deiginu niður í 20x20 cm form.
Setjið plastfilmu yfir formið og látið
inn í kæli eða frysti í smástund áður
en kreminu er smurt á.
Súkkulaðikrem
1 dl döðlur, smátt saxaðar
1 dl agavesíróp
1 dl kakó
½ dl kaldpresuð kókosolía
¼ dl kakósmjör, fljótandi
Setjið allt hráefnið í matvinnsluvél
eða kröftugan blandara og blandið þar
til kremið er silkimjúkt og kekkjalaust.
Ef það er of þurrt má bæta smávegis
kókosmjólk út í. Takið botninn úr kæli
eða frysti og smyrjið kreminu ofan
á. Geymist í viku í ísskáp eða 1 – 2
mánuði í frysti.
Ingveldur Ýr flytur jólalög og aríur á hádegistón-
leikum í Hafnarborg þriðjudaginn 4. desember
Jól og annað er yfirskrift hádeg-istónleika sem haldnir verða í Hafnarborg þriðjudaginn 4. des-
ember. Gestasöngvari að þessu sinni er
Ingveldur Ýr Jónsdóttir mezzósópran,
en hún mun flytja jólalög í bland við
aríur og annað efni.
Ingveldur Ýr nam söng við Söng-
skólann í Reykjavík og síðar við Tón-
listarskóla Vínarborgar, þar sem hún
stundaði einnig leiklistar og söngleikja-
nám. Lauk hún síðan mastersgráðu
frá Manhattan School of Music í New
York. Kennarar hennar voru Guð-
munda Elíasdóttir, Svanhvít Egilsdóttir
og Cynthia Hoffmann. Ingveldur Ýr
vakti snemma athygli áheyrenda fyrir
óvenju frjálslega sviðsframkomu og
sterka leikhæfileika sem hafa nýst
henni á margan hátt. Hún hefur ætíð
haft fjölbreytni í verkefnavali og sungið
í óperum, söngleikjum og kabarettum
sem og á ljóðatónleikum. Hún var um
skeið fastráðin við Óperuna í Lyon
í Frakklandi og hefur einnig sungið
ýmis hlutverk á íslensku óperusviði.
Ingveldur Ýr hefur verið gestur á al-
þjóðlegum tónlistarhátíðum og sungið
með þekktum hljómsveitarstjórum auk
þess sem hún hefur margsinnis komið
fram með Sinfóníuhljómsveit Íslands.
Antonía Hevesi píanóleikari hefur
frá upphafi verið listrænn stjórnandi
hádegistónleika í Hafnarborg og valið
með sér marga af fremstu söngvurum
landsins. Hádegistónleikar eru haldnir
fyrsta þriðjudag í mánuði. Tónleikarnir
hefjast kl. 12 og standa yfir í um hálfa
klukkustund, þeir eru öllum opnir á
meðan húsrúm leyfir. Húsið er opnað
kl. 11.30.
Hádegistónleikar Hafnarborgar eru
styrktir af Samfélagssjóði Rio Tinto
Alcan.
bÆkur 2012
bÆkur 2012