Hafnarfjörður - Garðabær - 23.11.2012, Blaðsíða 15

23. nóvember 2012 15
bÆjarbÚinn
uPPljÓstrar!
Linda Gunnarsdóttir flugstjóri hjá Icelandair
„Flugvélin Dornier 228 á alltaf sérstakan stað í hjarta mínu“
Fullt nafn?
Linda Gunnarsdóttir
Foreldrar?
Katrín Pálsdóttir og Gunnar Þorvalds-
son
Aldur?
Er á besta hugsanlega aldri
Hvaðan ertu ættuð?
Blanda af borgarblóði og norðanblóði
með vestfirsku ívafi
Starf?
Þjálfunarflugstjóri hjá Icelandair
Hvað fékk þig til að læra það?
Ævintýra- og útþrá geri ég ráð fyrir
Áhugamál önnur en flugið?
Ferðalög innanlands og erlendis sem
og góðar samverur með fjölskyldu og
vinum
Nafn maka?
Gunnlaugur Rafn Björnsson
Starf maka?
Flugstjóri hjá Icelandair
Börn?
Birna Katrín 13 ára, Húni Páll 9 ára og
Ólafía Bjarney 2 ára
Hvernig flugvélum er skemmtilegast
að fljúga?
Ætli það séu ekki þær flugvélar sem
maður flýgur hverju sinni. Dornier
228 á þó alltaf sérstakan stað í hjarta
mínu en honum flaug ég í nokkur ár í
innanlandsfluginu.
Er gaman að fljúga Boeing 757, vélum
eins og Icelandair notar?
Já þetta eru kraftmiklar og duglegar
vélar sem henta einstaklega vel í þau
verkefni sem Icelandair sinnir.
Ef þú ættir að velja þér annað starf í
dag hvað yrði fyrir valinu?
Ef að ég hefði ekki farið í flugið þá
hefði ég viljað fá listræna hæfileika í
vöggugjöf sem ég hefði getað fylgt eftir.
Hefurðu lent í óvæntu atviki á flugi?
Það er svo skemmtilegt við þetta starf
að enginn dagur er eins og alltaf ein-
hverjar áskoranir að takast á við.
Verður þú vör við að fólk vilji frekar
karlflugstjóra en kvenflugstjóra?
Í lang flestum tilfellum fæ ég jákvæð
viðbrögð við að vera kvenflugstjóri.
Þetta hefur verið karlastarf í gegnum
tíðina og því ekkert óeðlilegt að sumum
finnist skrítið að sjá konur undir stýri.
Afhverju eru sumir flughræddir?
Ætli það komi ekki oft til af því að fólk
upplifir sig í aðstöðu þar sem það hefur
ekki áhrif á gang mála og þekkingu á
aðstæðum og í einhverjum tilfellum
þjáist fólk af innilokunarkennd
Hvernig er heimilislífið þar sem bæði
hjónin eru flugstjórar?
Annasamt en krefjandi og kallar á gott
skipulag og jákvætt hugarfar.
Hvernig gengur að skipuleggja sam-
verustundir og frí á slíku heimili?
Það gengur misvel en með góðum vilja
tekst okkur oft að bæta magn samveru-
stunda upp með gæðum
Hver eldar oftast á heimilinu?
Það mun vera húsbóndinn á heimilinu
sem er einstaklega góður og öflugur
kokkur
Hvernig bíl/bíla eigið þið?
Breyttan ferðabíl til fjalla og jöklaferða
og hefðbundin fjölskyldubíl sem sinnir
öðrum þörfum fjölskyldunnar
Í hvað hverfi búið þið?
Akrahverfinu í Garðabæ en þar
bjuggum við okkur heimili fyrir fjórum
árum síðan og líkar vel
Hvað gerir bæinn eftirsóknarverðan
til búsetu?
Garðabær er fjölskylduvænn bær þar
sem stutt er í alla þjónustu og boðið er
upp á fjölbreytt tómstunda- og íþrótta-
starf ásamt góðum skólum
Ertu tilfinninganæm?
Það vona ég. Held allavega að ég kunni
alveg að njóta góðu hlutanna sem lífið
hefur upp á að bjóða
Hvernig slakarðu best á?
Í heitapottinum með manni og börnum
í skemmtilegum umræðum um lífið
og tilveruna
Ertu ánægð með meirihlutann í
Garðabæ?
Garðabær virðist vera vel rekið bæj-
arfélag þar sem vel er hugsað um hag
íbúanna þótt að vissulega megi gera
betur á ákveðnum sviðum til að gera
góðan bæ betri
Veistu hvaða ár Garðahreppur varð
að Garðabæ?
Ekki hugmynd. Á maður að vita það?
?
(Rétt svar er 1978 (innsk. blaðamanns))
Ferðastu mikið og þá innanlands eða
utan?
Ég er eiginlega alltaf á einhverskonar
ferðalagi og þá annaðhvort í vinnu eða
frítíma. Á sumrin reynum við að ferð-
ast sem mest innanlands í frítímanum
en á veturna skreppum við gjarnan er-
lendis
Fallegasti staðurinn á Íslandi?
Þetta er ótrúlega fallegt land sem við
búum á og margir staðir sem koma
upp í hugann. Verð samt að segja
Lónsöræfin þar sem að það eru svo
falleg litbrigði þar
Fallegasti staðurinn í útlöndum?
Það er víða svo fallegt en þar sem er sól,
sjór og sandur þar líður mér vel. Afríka
er einnig í miklu uppáhaldi hjá mér en
ég var svo heppinn að fá að ferðast um
álfuna fyrir nokkrum árum og sá þar
marga heillandi staði.
Eftirminnilegur staður og hvers
vegna?
Grand Canyon og Péturskirkjan í
Róm. Ég hreinlega missti andann af
hrifningu þegar ég kom í fyrsta skipti
á þessa staði.
Áttu þér draumaland sem þú átt eftir
að koma til?
Mig langar mikið til að ferðast um
Indonesíu, Kambodíu og Vietnam.
Vonandi fæ ég tækifæri til þess í fram-
tíðinni.
Stærsti sigurinn?
Tvímælalaust að eignast þrjú yndis-
leg börn en það er jafnframt stærsta
áskorunin
Ertu hjátrúarfull?
Nei en ég er mjög myrkfælin
Trúir þú á líf eftir dauðann?
Já ætli það ekki bara
Hefurðu farið til spákonu og trúir
þú á slíkt?
Já það hef ég gert og fann nýlega spólu
sem tekin var upp hjá spámiðli fyrir 20
árum síðan. Í stuttu máli þá hefur líf
mitt farið í töluvert aðrar áttir en hún
spáði fyrir um.
Hvað gerir þú þegar þú vilt dekra
eiginmanninn?
Ég mætti örugglega vera duglegri við
það en pottaferð og góður matur (sem
að ég leyfi honum að elda) skorar hátt
Hvað er mikilvægast í lífinu?
Að vera ánægður með það sem maður
hefur og getur
Áttu þér uppáhalds mat?
Austurlensk matargerð er í miklu upp-
áhaldi hjá mér
Áttu þér uppáhalds drykk?
Íslenskt vatn og gott rauðvín
Hvað gerir þú þegar þú ert örg eða
ekki í góðu skapi?
Yoga er allra meina bót og ekki annað
hægt en að vera í góðu skapi eftir góðan
Yoga tíma
Áttu þér lífsmottó?
Ég rakst fyrir nokkrum árum á eftir-
farandi áletrun í mosku í Marrakesh
í Marokkó en þar var vitnað í heim-
spekinginn Voltaire „I decided to be
happy because it´s good for my health“.
Þetta hljómar nokkuð skynsamlega er
það ekki! Ég held líka að við mættum
almennt vera duglegri að taka sjálf
ábyrgð á eigin lífi og hamingju.
Ef þú ættir að velja þér stað til búsetu
utan Garðabæjar. Hvaða staður yrði
fyrir valinu?
Ég er uppalin á Seltjarnarnesi og þar er
einstaklega gott að búa. Fjölskylduvænt
samfélag þar sem stutt er í alla þjónustu
þótt að blási örlítið á mann af og til
Evrópusambandið, já eða nei?
Ég hef trú á því að okkur farnist betur
sem þjóð að viðhalda að fullu því sjálf-
stæði sem við börðumst lengi fyrir að fá.
Marokkóskur pottréttur að hætti Lindu
Við báðum Lindu að gefa okkur
uppskrift af mat eða rétti sem henni
þykir góður. Hún tók því góðfús-
lega og hér fylgir á eftir dýrindis
réttur.
Þetta er einfaldur og góður réttur
sem vekur alltaf mikla lukku á mínu
heimili og þá jafnt hjá börnum og
fullorðnum. Gott að bera fram með
góðu salati, brúnum hrísgrjónum og
heilsubrauðinu hennar mömmu.
Marokkoskur pottréttur
4 kjúklingabringur
1 dl mango Chutney
1 1/2 dl ferskur appelsínusafi
2 rauðlaukar
1 mango
1 tsk salt
Nýmalaður pipar
1 lúka cashewhnetur
4 tsk dukkah með valhnetum og chilli
brúnaður og kryddaður á pönnu
ásamt lauknum. Appelsínusafanum
blandað saman við mango chutney
og hellt yfir kjúklinginn. Soðið í 20-
30 mín og hrært reglulega í. Mangóið
afhýtt og skorið í litla teninga. Bætt
út í pottinn ásamt hnetunum og látið
hitna vel í gegn.
Heilsubrauð mömmu
1 bolli heilhveiti
1 bolli spelt
1 bolli haframjöl
½ bolli kókosmjöl
1 bolli hörfræ
1 bolli sólblómafræ
2 tsk salt
3 tsk lyftiduft
¾ bolli niðurskornar döðlur
11/2 bolli AB mjólk
1-11/2 bolli volgt soðið vatn
Öllu hrært saman og bætt við meira
vatni ef þarf. Bakað við 200 gráður
í 50 mín.
við hjónin i frábæru veðri og enn skemmtilegri ferð á vatnajökli. ólafía,
yngsta barnið, er með á myndinni.
Kvennaáhöfn á leið í flughermi í Kaupmannahöfn. Linda er lengst til vinstri.
börnin birna, Húni og ólafía á siglingu í vestmannaeyjum.