Hafnarfjörður - Garðabær - 23.11.2012, Blaðsíða 12

12 23. nóvember 2012
Friðrik Dór með nýja plötu:
Byrjaði að syngja af alvöru í Versló
segir Friðrik Dór í spjalli við Söndru Thelmu og Ragnheiði nema í FG
Við stöllur ákváðum að taka Hafnfirðinginn og söngvar-ann Friðrik Dór í spjall en
hann var að gefa út nýja plötu fyrir
skömmu. Við ræddum við hann um
plötuna, sönginn og hvað sé helst á
döfinni hjá honum.
Hvað varstu gamall þegar þú byrjaðir
að syngja?
Ég fór ekkert að syngja af viti fyrr
en ég byrjaði í menntaskóla. Þá tók
ég þátt í tveimur söngleikjum í Versló.
Hvað finnst þér um að bróðir þinn sé
kominn með samning hjá LA?
Það er náttúrulega bara frábært.
Hann er ótrúlega hæfileikaríkur og
fæddur skemmtikraftur. Hann á þetta
innilega skilið og ég vona bara að þetta
gangi allt saman upp hjá honum.
Ertu að gera eitthvað annað í lífinu en
að semja tónlist, í skóla eða vinnu?
Ég er í viðskiptafræði í HÍ. Var að byrja
þar eftir að hafa tekið mér tveggja ára
frí frá skóla.
Hvað heitir nýja platan þín?
Hún ber heitið Vélrænn.
Hvenær kom hún út?
Hún kom út þann 23. október sem er
afmælisdagur pabba míns.
Verða einhverjir útgáfutónleikar og hvar
þá?
Ég verð að viðurkenna að ég er ekki
búinn að ákveða neitt varðandi útgáfu-
tónleika. En vonandi næ ég að halda ein-
hverja flotta tónleika á næstunni.
Hvað heitir uppáhalds lagið þitt á plöt-
unni?
Mitt uppáhaldslag er lagið „Út að
heimsenda“. Mér finnst lagið mjög gott
og textinn líka, þó ég segi sjálfur frá. :)
Hefur þú notað tónlistina þína í góðverk?
Já ég hef spilað mjög mikið á alls
kyns góðgerðatónleikum og tekið þátt
í ýmsum góðgerðatengdum verkefnum.
Hvað er næst á döfinni hjá þér?
Það er bara að kynna nýju plötuna
mína og að reyna að standa mig í skól-
anum. Spennandi tímar framundan.
Við mælum eindregið með því að allir
næli sér í nýju plötuna, „Vélrænn“, sem
er góður jólapakki!
Höfundar: Sandra Thelma og
Ragnheiður fjölmiðlafræðinemar í FG
Frá nemendum á Fjölmiðlabraut Fg
VLFA fer í dómsmál gegn verðtryggingu:
„Verðtryggingin er að ganga af
íslenskum heimilum dauðum”
Verkalýðsfélag Akraness hefur ákveðið að láta á það reyna fyrir dómstólum hvort verð-
trygging hér á landi standist lög. Upp-
haflega lét VLFA gera lögfræðilegt álit
á því hvort verðtrygging hér á landi
stæðist íslensk lög og var niðurstaða
þess álits sú að verulegur vafi léki á
slíku. Formaður félagsins. Vilhjálmur
Birgisson var inntur eftir nánari skýr-
ingum á málavöxtum.
Hvers vegna ákvað félagið að leggja af
stað í þessa vegferð?
„Þegar að ljóst var að íslensk stjórn-
völd ætla ekkert að gera vegna þess
miskunnarlausa forsendubrests sem
varð á verðtryggðum lánum íslenskra
heimila í kjölfar hrunsins þá ákvað
félagið að láta gera lögfræðilegt álit á
því álitaefni. Ákvörðunin var tekin
í ljósi þess að nokkrir lögmenn hafa
verið að fjalla um að hugsanlega sé
verðtryggingin ólögleg. Niðurstaðan
í því lögfræðiáliti sem félagið fékk var
að töluverðar líkur væru á því að verð-
tryggingin hér á landi væri hugsan-
lega ólögleg og á þeirri forsendu meðal
annars ákvað félagið að láta á málið
reyna fyrir dómstólum.”
„Grundvallaratriðið er hins vegar
það að verðtryggingin er að ganga af
íslenskum heimilum dauðum en hún
hefur farið eins og skýstrókur um og
sogað allan eignahluta frá heimilunum
yfir til fjármálakerfisins, erlendra
vogunarsjóða og þeirra sem eiga fjár-
magnið í þessu landi. En verðtryggðar
skuldir heimilanna hafa hækkað um
yfir 420 milljarða frá hruni og eigna-
bruninn hjá íslenskum heimilum
nemur yfir 340 milljörðum króna. Það
er þessu grímulausa óréttlæti sem fé-
lagið vill reyna að berjast af alefli gegn
“ segir Vilhjálmur
ASÍ og fleiri landssamtök
vildu ekki styrkja
málareksturinn
Málarekstur sem þessi kostar talsvert
mikið hefur félagið bolmagn til að
leggja í slíkan kostnað?
„Það er rétt að það komi fram í upp-
hafi að það kostar umtalsverða fjár-
muni að fara í svona málarekstur og
á þeirri forsendu sendi félagið meðal
annars styrkbeiðni til ASÍ og annarra
landssambanda sem félagið er aðili
að eins og til dæmis Sjómannasam-
bandsins, Samiðnar og Starfsgreina-
sambandsins. Það er skemmst frá því
að segja að allir þessir aðilar höfnuðu
því að styrkja málið en félagið fór fram
á 300 þúsund króna styrk frá hverjum
og einum. “
„Hins vegar hafa nokkur stéttarfélög
haft samband við félagið og eru tilbúin
til að styrkja málareksturinn og það
eru félög eins og Framsýn stéttarfélag,
Verkalýðsfélag Grindavíkur og Verka-
lýðs- og sjómannafélag Bolungarvíkur
og mér er kunnugt um að hugsanlega
séu 2-3 önnur stéttarfélög að íhuga slíkt
hið sama.”
Byggja á því að
verðtrygging sé
afleiðusamningur
Hvernig verður framvindan, hefur
málið verið þingfest?
„Við erum búin að finna mál sem
við ætlum að láta reyna á en það er
mikilvægt að það komi fram að Hags-
munasamtök heimilanna eru einnig
farin af stað með svona mál og hefur
það mál verið þingfest en þau ætla
að láta reyna á annan þátt heldur en
VLFA er að gera en það lýtur að neyt-
endalögunum frá 1994. Verkalýðsfélag
Akraness ætlar hins vegar að láta reyna
á lög um verðbréfaviðskipti frá 1. nóv-
ember 2007, svokallaðar MiFid reglur
en í þeim reglum er skýrt kveðið á um
að óheimilt sé að selja einstaklingum
flókna fjármálagjörninga, svokallaðar
afleiður og á þeirri forsendu þurfum
við að sýna fram á að verðtryggingin
sé flókin fjármálagjörningur eða
svokölluð afleiða.”
„Enda er það okkar mat að verð-
tryggingin sé ekkert annað því það er
í raun og veru ekki nokkur möguleiki
fyrir einn einasta Íslending að átta sig á
því hver verðbólgan verður hér á landi
á næstu árum enda er hún afar flókin í
allri sinni mynd. Við reiknum fastlega
með að við munum þingfesta málið
fyrir jól en vinna við málið er í fullum
gangi núna en það er hæstaréttarlög-
maðurinn Björn Þorri Viktorsson sem
mun fara með málið fyrir hönd félags-
ins en það er rétt að geta þess að Björn
Þorri var einn af þeim fyrstu til að
benda á að gengistryggðu lánin væru
ólögleg og hann var einnig fyrstur til
að vinna slíkt mál fyrir Hæstarétti.”
Óskað verður eftir
flýtimeðferð
„Það liggur nú þegar fyrir að óskað
verður eftir flýtimeðferð hjá dóm-
stólum vegna þessa máls enda eru
miklir almannahagsmunir í húfi hvað
þetta varðar. Einnig er mjög mikil-
vægt að dómstólar skeri fljótt og vel
úr um það hvort að verðtryggingin
standist lög eður ei í ljósi þeirra stað-
reynda að margir aðilar sem hafa tjáð
sig opinberlega draga það verulega í
efa að verðtrygging á neytendalánum
standist lög” segir Vilhjálmur að
lokum
vilhjálmur birgisson, formaður vLFA. björn Þorri viktorsson, hæstaréttarlögmaður.