Morgunblaðið - 05.04.2014, Side 6

6 FRÉTTIRInnlent
MORGUNBLAÐIÐ LAUGARDAGUR 5. APRÍL 2014
Óháð ráðgjöf
til fyrirtækja
Firma Consulting gerir fyrirtækjum
tilboð í eftirfarandi þjónustu:
• Kaup, sala og sameining.
• Verðmat fyrirtækja.
• Samningaviðræður, samningagerð
• Áætlanagerð.
• Fjárhagsleg endurskipulagning.
• Samningar við banka.
• Rekstrarráðgjöf.
Firma Consulting, Þingasel 10, 109 Reykjavík.
Símar: 820-8800 og 896-6665. Fax 557-7766
info@firmaconsulting.is, www.firmaconsulting.is
Landsins forni fjandi, hafísinn, ógnar ekki siglingum við
Ísland um þessar mundir. Hafísjaðarinn var 84 sjómílur
(156 km) norðvestur af Hornströndum í fyrradag. Það er
alllangt frá landi miðað við árstíma, að sögn Ingibjargar
Jónsdóttur, dósents í landfræði við Háskóla Íslands. Ís-
inn kemur aðeins inn fyrir lögsögumörk Íslands á stutt-
um kafla. Það eru því litlar líkur á að hafís eigi eftir að
sjást hér í miklum mæli á næstunni.
Ingibjörg vann meðfylgjandi mynd. Í grunninn er um
að ræða MODIS-gervitunglamynd frá NASA af Græn-
landssundi sem var tekin 30. mars síðastliðinn. Myndin
var unnin á Jarðvísindastofnun HÍ svo greina mætti ský
frá hafís, jöklum og snjó. Gervihnöttur RADARSAT tók
svo ratsjármynd í fyrradag af Grænlandssundi. Ratsjáin
sér í gegnum ský og greinir því hvar ísröndin er. Ingi-
björg teiknaði hafísröndina inn á gervitunglamyndina
og eins mörk efnahagslögsögu Íslands og Grænlands.
gudni@mbl.is
Jarðvísindastofnun HÍ/IJ
Hafísjaðarinn er fremur langt frá landi
Ísjaðarinn var 156 km norðvestur af Hornströndum í fyrradag
SVIÐSLJÓS
Stefán Gunnar Sveinsson
sgs@mbl.is
Mikil ánægja ríkti með nýundirritað-
an kjarasamning framhaldsskóla-
kennara í Karphúsinu í gær. Magnús
Pétursson ríkissáttasemjari sagði við
undirritunina að samningurinn væri
tímamótasamningur og urðu fleiri til
að taka undir þau orð hans. Spurður
um ummælin sagði ríkissáttasemjari
að hann teldi samninginn mikilvægan
fyrir skólastarf í framhaldsskólum og
að hann fæli í sér mikil tækifæri fyrir
áframhaldandi þróun starfsins. „Það
gerist ekki með undirrituninni, en
samningurinn sýnir leiðina áfram,“
segir Magnús.
Gunnar Björnsson, formaður
samninganefndar ríkisins, segir að
gangi þær breytingar eftir sem felist
í samningum sé óhætt að taka undir
orð ríkissáttasemjara. En í hverju
felast þær? „Það er tvíþætt, annars
vegar er það það sem snýr að breyttu
vinnufyrirkomulagi kennara, og hitt
er að koma til móts við kennara varð-
andi kjaralega stöðu þeirra,“ segir
Gunnar. „Þetta tvennt fer saman,
sem þýðir að kjaraleg staða kennara
batnar ef breytt vinnufyrirkomulag
kemst á, ef ekki, þá falla þær niður.“
Sagðist Gunnar vona að báðir aðilar
gætu því gengið hnarreistir frá borði.
Samkvæmt heimildum Morgun-
blaðsins geta frekari launahækkanir
kennara vegna breytts vinnumats
numið allt að 29%. Hins vegar séu
margir óvissuþættir sem þar komi
inn í, og því er of snemmt að slá nokk-
urri prósentutölu fastri.
Erum að hefja nýja vegferð
„Við teljum okkur hafa nálgast
markmið okkar býsna mikið,“ segir
Guðríður Arnardóttir, formaður Fé-
lags framhaldsskólakennara um
samninginn. „Þetta felur í sér að við
erum að endurskipuleggja vinnumat
kennarastarfsins, og erum í raun að
hefja vegferð sem er ekki lokið
ennþá.“ Guðríður segir að framhalds-
skólakennarar muni gefa sér nokkra
mánuði til þess að búa til ramma um
nýtt vinnumat. „Þar verður tekið tillit
til fleiri þátta en gert er í dag, þegar
álag er metið í kennslu,“ segir Guð-
ríður. Hún nefnir sem dæmi hópa-
stærðir, hvort verið sé að kenna
áfangann í fyrsta sinn, eða hvort ver-
ið sé að kenna tvo eins áfanga, ein-
ingafjölda og fleiri. „Við gerum þó
ekki ráð fyrir því að vinna kennara
aukist, heldur á að meta hana með
öðrum hætti.“
Guðríður segir að viðræðunefndin
muni nýta næstu viku í að kynna
samninginn. Skammur tími sé hins
vegar til stefnu, því að dymbilvika sé
handan við hornið. Því sé gert ráð
fyrir að niðurstaða um samningana
liggi fyrir 23. apríl næstkomandi.
Guðríður tók við formennsku í fé-
laginu 22. mars síðastliðinn. Hún seg-
ir það hafa verið erfiða byrjun að
koma inn í miðju verkfalli, en að það
hafi verið lærdómsríkt að sjá hvernig
menn bæru sig að við samningaborð-
ið. „Ég hef ekki tekið þátt í þessari
samningsgerð nema í stuttan tíma,
en ég get fullyrt það að ég hefði sko
ekki gert betur en nefndin okkar.
Þarna eru þaulvanir samningamenn
á ferð sem hafa staðið sig frábær-
lega.“ Það væri því mjög ánægjulegt
fyrir sig að geta horft upp á svona
spennandi tíma fyrir framhaldsskóla-
kennara.
„Þetta er tímamótasamningur“
 Frekari launahækkanir verða tengdar breytingum á vinnufyrirkomulagi kennara  Tekið verður til-
lit til fleiri þátta en nú þegar vinna kennara er metin  Niðurstaða kennara mun liggja fyrir 23. apríl nk.
Gæða sér á vöfflum Gunnar Björnsson, formaður samninganefndar ríkisins
(fyrir miðju), fékk sér vöfflu samkvæmt 20 ára gamalli hefð eftir undirritun.
Morgunblaðið/Ómar
Tímamótum fagnað Guðríður Arnardóttir, Elna Katrín Jónsdóttir, Ólafur
H. Sigurjónsson og Aðalheiður Steingrímsdóttir hlusta á Magnús Pétursson
ríkissáttasemjara ræða nýgerðan kjarasamning framhaldsskólakennara.
Illugi Gunnars-
son, mennta- og
menningarmála-
ráðherra, sagðist
í samtali við
mbl.is fagna ný-
gerðum kjara-
samningi fram-
haldsskólakenn-
ara. Niðurstaða
samninganna
væri sú að kenn-
arar fengju betri laun en nem-
endur, og þar með öll þjóðin, fengju
betra skólakerfi. Ef vilji stæði til
þess að skapa hér lífskjör á við þau
sem þekktust í helstu nágrannaríkj-
um okkar yrði menntakerfið að
standast öðrum snúning. „Með
þessum samningnum, og þeim
breytingum sem eru samfara hon-
um, þá erum við að stíga mjög stórt
skref í þá átt. Og þar með að byggja
undir þróun lífskjara í landinu.“
Byggir undir bætta
þróun lífskjara
Illugi
Gunnarsson
„Ég tel að með
þessari sam-
komulagsgerð sé
kominn grund-
völlur fyrir bættu
skólastarfi og
bættum rekstri í
framhaldsskólum
sem gæti orðið til
þess að skólastarf
yrði árangursrík-
ara, gæti dregið
úr brottfalli og aukið vinnugleði í
skólum,“ segir Ólafur H. Sig-
urjónsson, formaður Félags stjórn-
enda í framhaldsskólum. Hann segir
viðræðurnar hafa gengið vel. „Það
hefur vissulega hikstað stöku sinn-
um, en aldrei nein slit í umræðunum
og við náðum því fram sem við töld-
um brýnast varðandi launakjörin. Á
sama tíma erum við líka að fá nýjan
umbúnað fyrir vinnu og kennslu í
skólum í landinu.“
Grundvöllur fyrir
bættu skólastarfi
Ólafur H.
Sigurjónsson
„Við erum bara
hoppandi kát og
glöð,“ segir
Laufey María Jó-
hannsdóttir, for-
maður Sambands
íslenskra fram-
haldsskólanema,
SÍF. Laufey segir
að meðal þeirra
nemenda sem
hún hafi heyrt í
sé nokkur streita vegna þess að
verkfallsvikurnar hafi ekki nýst
sem skyldi til náms. „Það er því fínt
að fá að byrja aftur á ný í skól-
anum,“ segir Laufey.
Spurð um mögulegt brottfall seg-
ir Laufey að stjórn SÍF hafi heyrt af
nokkrum einstaklingum sem ætli
sér ekki að byrja aftur á þessari
önn, en muni snúa aftur í skólann á
næstu haustönn.
Fínt að fá að byrja
aftur í skólanum
Laufey María
Jóhannsdóttir
„Það er bara feg-
inleiki að verk-
fallinu skuli vera
lokið,“ segir Jón
Már Héðinsson,
skólameistari
Menntaskólans á
Akureyri, og
bætir við að hann
fagni því að sam-
komulag hafi
náðst. Jón Már
segir að nemendum verði stefnt til
skóla á mánudaginn, en ekki sé bú-
ið að setja niður dagskrá um það
hvernig verkfallið verði unnið upp.
Jón Már segir skólann kannski hafa
meira svigrúm til þess en aðra, því
að vorönnin í MA hefjist síðar á
árinu. Það muni þó alltaf um þrjár
vikur. „Við reynum að hafa nálg-
unina eins nemendavæna og frek-
ast er kostur.“
Nemendavæn
uppbótarkennsla
Jón Már
Héðinsson