Morgunblaðið - 20.05.2014, Blaðsíða 30

30 MENNING
MORGUNBLAÐIÐ ÞRIÐJUDAGUR 20. MAÍ 2014
Hvern ætlar þú að gleðja í dag
Lúðrasveit Reykjavíkur og Há-
skólakórinn koma fram saman á
tónleikum í Neskirkju í kvöld,
þriðjudag, klukkan 20.
Flutt verður tónlist eftir John
Williams, Ennio Morricone, Rich-
ard Rogers, Stephen Schwartz,
Gunnstein Ólafsson og Báru Gríms-
dóttur.
Lúðrasveit Reykjavíkur hefur
verið starfandi síðan 1922. Sveitin
heldur að jafnaði þrenna stór-
tónleika á ári, auk þess að taka þátt
í ýmsum viðburðum árið um kring.
Að þessu sinni verða um 40 manns í
sveitinni. Háskólakórinn var stofn-
aður haustið 1972. Kórinn hefur frá
upphafi sungið við helstu sam-
komur Háskóla Íslands auk þess að
halda sjálfstæða tónleika. Í kórnum
syngja nemendur úr öllum deildum
og öðrum menntastofnunum á há-
skólastigi. Stjórnandi Lúðrasveitar
Reykjavíkur er Lárus Halldór
Grímsson og Gunnsteinn Ólafsson
er stjórnandi Háskólakórsins.
Stórtónleikar Lúðrasveit Reykjavíkur, sem hér sést á sviði, kemur fram
með Háskólakórnum á tónleikum í Neskirkju í kvöld.
Lúðrasveitin og
Háskólakórinn
Einar Falur Ingólfsson
efi@mbl.is
Andri Snær Magnason hlaut í gær
barnabókaverðlaun skóla- og frí-
stundaráðs Reykajvíkur fyrir bók-
ina Tímakistuna. Þórarinn Eldjárn
hlaut einnig verðlaun, fyrir þýðingu
sína á færeyska tónlistarævintýrinu
Veiða vind eftir Rakel Helmsdal, Ja-
nus á Húsagarði og Kára Bæk. Þetta
var í þriðja sinn sem Þórarinn fékk
þýðingarverðlaunin, en hann hefur
tvisvar fengið þau fyrir bestu frum-
sömdu barnabókina. Verðlaunin
voru nú afhent í 42. sinn.
Ánægjuleg viðurkenning
Í umsögn valnefndar um Tíma-
kistuna segir meðal annars: „Í Tíma-
kistunni leiðir undurfallegur texti
lesandann inn í ævintýri tveggja
heima og kveikir margar spurn-
ingar … Okkur þyrstir ætíð í ævin-
týri. Við þurfum þau inn í okkar æv-
intýri og þegar þau eru sögð af jafn
mikilli innlifun og hugmyndaauðgi
og hér er gert, getum við öll verið
hamingjusöm á meðan á lestrinum
stendur og jafnvel örlítið lengur …“
Tímakistan hlaut í vetur Íslensku
bókmenntaverðlaunin í flokki barna-
og unglingabóka.
„Ég er afskaplega glaður,“ sagði
Andri Snær um viðurkenninguna.
„Ég hef verið að lesa upp úr bókinni
í grunnskólum undanfarið og það
hefur verið mjög skemmtilegt. Ég
var mjög lengi að skrifa þessa bók,
gekk með hana í tíu ár í maganum,
og var ein fjögur ár að skrifa hana,
með öðru. Svo frestaði ég útgáfuni
um eitt ár. Það er því afskaplega
ánægjulegt að fá þessa viðurkenn-
ingu.“
Andri Snær segist viss um að
Tímakistan eigi eftir að finna fleiri
lesendur, það getur tekið tíma fyrir
barna- og unglingabækur að rata til
sinna. Hann segir verðlaun sem
þessi hjálpa til við það.
Létt og ljóðrænt
Í umsögn um þýðingu barnabók-
arinnar Veiða vind segir að Þórarni
Eldjárn takist með þýðingu sinni,
eins og honum einum er lagið, „að
fanga á léttan og ljóðræna hátt hinn
fallega færeyska þjóðsagnaanda
sem við könnumst flest við og til-
einka sér textann svo hann skili sér
lifandi til lesandans“.
Elsa Yeoman, forseti borgar-
stjórnar, og Oddný Sturludóttir, for-
maður skóla- og frístundaráðs, af-
hentu barnabókaverðlaunin í Höfða.
Við athöfnina lásu ungir sigurveg-
arar í Stóru upplestrarkeppninni úr
verðlaunabókunum.
Þjóðsagnaandi og
ævintýri tveggja heima
 Andri Snær og Þórarinn Eldjárn hlutu verðlaunin
Morgunblaðið/Golli
Gleðistund Synir Þórarins Eldjárns, þeir Halldór og Ari, veittu verðlaununum viðtöku í fjarveru hans, hér eru þeir
ásamt Andra Snæ við verðlaunaafhendinguna. Í stiga num standa þær Margrét Blöndal formaður dómnefndar,
Oddný Sturludóttir formaður skóla- og frístundaráðs og Elsa Yeoman forseti borgarstjórnar.
Sólveig Thoroddsen hörpuleikari
hlaut að þessu sinni hinn árlega
styrk úr Minningarsjóði um Jean
Pierre Jacquillat hljómsveitar-
stjóra, sem nú var veittur í 23. sinn.
Sólveig stundar meistaranám í
sögulega upplýstum tónlistarflutn-
ingi á hörpu við Hochschule für
Künste í Bremen í Þýskalandi. Í
fyrra lauk hún BMus-gráðu í klass-
ískum hörpuleik frá The Royal
Welsh College of Music and Drama
í Cardiff í Wales í júlí í fyrra. Sól-
veig er fyrsti hörpuleikarinn sem
fær styrk úr sjóðnum en styrkurinn
nemur einni milljón króna.
Minningarsjóður um Jean Pierre
Jacquillat var stofnaður árið 1987,
tæpu ári eftir að Jacquillat lést í bíl-
slysi í Frakklandi. Þá hafði hann
nýlokið sex ára starfi sem aðal-
stjórnandi Sinfóníuhljómsveitar Ís-
lands. Stofnandi sjóðsins var fjár-
mögnunarfyrirtækið Lind hf. sem
var í eigu Samvinnubankans, Sam-
vinnusjóðs Íslands og franska bank-
ans Banque Indosuez.
Morgunblaðið/Kristinn
Snjöll Sólveig leikur á hörpu sína. Hún
leggur stund á meistaranám í Þýskalandi.
Sólveig hlaut styrk
úr minningarsjóði
Kvennakór Garðabæjar lofar takt-
föstum og töfrandi flutningi á vor-
tónleikum sínum í Guðríðarkirkju í
kvöld, þriðjudag. Hefjast tónleik-
arnir klukkan 20.
Hljóma munu verk frá ýmsum
heimshornum og kennir þar ýmissa
grasa. Stjórnandi kórsins er Ingi-
björg Guðjónsdóttir sópransöng-
kona og á píanó leikur Sólveig
Anna Jónsdóttir.
Kvennakór Garðabæjar var
stofnaður á haustmánuðum árið
2000. Markmið kórsins er að gefa
konum tækifæri til að taka þátt í
metnaðarfullu söngstarfi.
Kórinn Kvennakór Garðabæjar flytur tónlist frá ólíkum heimshornum í kvöld.
Vortónleikar Kvennakórs Garðabæjar
Maríus Sverrisson stýrir í kvöld, þriðjudag, klukkan
18, útskriftarviðburði sínum í Salnum í Kópavogi.
Hann útskrifast með MMus gráðu í Sköpun, miðlun
og frumkvöðlastarfi frá tónlistardeild Listaháskóla
Íslands í vor. Lokaverkefni Maríusar er tvíþætt. Það
byggist á flutningi tveggja kórverka ásamt mynd-
bands-innsetningu. Í fyrri gjörningnum, sem fór
fram í desember 2012, var kórinn hluti af leik-
húsverki. Seinni hlutinn, eða tónleikarnir, verða
ljóðatónleikar m.a. með verkum eftir Beethoven og
Þorkel Sigurbjörnsson. Kvennakórinn Hrynjandi
syngjur. Ætlunin með verkefninu er að nota óhefð-
bundnar aðferðir við listsköpun með kór.
Kórtónleikar og gjörningur með kór
Stýrir Maríus Sverris-
son stjórnar kórnum.