Morgunblaðið - Sunnudagur - 06.07.2014, Side 11
ungum sínum. Þeir geta verið
mjög duglegir. Mávurinn er líka
hættulegur, bæði fyrir egg og
unga. Þess vegna verður að halda
þessu í skefjum og það eina sem
gildir er að vera með byssuna á
lofti.“
Æðarkollunni líkar það mjög vel,
að sögn Bjarkar, að gengið sé um
varpið. „Þær eru aðeins styggar til
að byrja með en finna öryggið.“
Hver kolla verpir 4-7 eggjum,
einu á dag, og liggur síðan á í 24
daga. „Þær nærast ekkert allan
þann tíma og léttast um þriðjung.
Á þessum tíma losnar dúnninn af
bringu kollunnar og hún setur í
hreiðrið sitt. Dúnninn sem þær
skilja eftir í hreiðrinu er um 16
grömm eftir að hann er hreins-
aður.“
Björk og eiginmaður henn-
ar, Friðrik Gylfi Trausta-
son, bjuggu í rösk þrjátíu
ár á Gásum við Eyjafjörð
en fluttu þaðan til Akureyr-
ar.
„Þegar ég var barn og ung-
lingur tíndum við dún á hverju
vori heima á Hraunum og hann
var þurrkaður við slæmar að-
stæður á fjárhúsgarðanum. Það
var ógeðslega leiðinleg vinna að
hreinsa dún við þær aðstæður og
þegar við fórum í þetta hjónin fann
maðurinn minn upp nýja tækni og
við þurrkum dúninn með blásurum
sem tengdir eru við heitt vatn.“
Það gengur margfalt hraðar fyrrir
sig. „Stökkbreyting,“ segir Björk.
„Það er jafn gaman að þessu núna
og það var leiðinlegt áður.“
Eftir þurrkun er dúnninn gróf-
hreinsaður; í honum leynist m.a.
heyrusl, eggjaskurn og dúnflær.
Að því loknu fer Björk
með dúninn að
Hrauni á Skaga þar
sem hann er
bakaður í þar til gerðum ofni.
„Helga á Höfnum hreinsar hann
svo fyrir mig. Eftir það handþvæ
ég allan dúninn minn og þurrka
með heitum blæstri hér heima.“
Björk er allt sumarið á Hraun-
um. „Ég loka galleríinu seint í
ágúst en eftir það tíni ég ber, sulta
og hef það gott. Það er hreinasta
ævintýri að vera hérna. Maðurinn
minn vinnur mikið en kemur yf-
irleitt aðra hverja helgi en ég hef
þó mikinn félagsskap hér. Gestir
koma alla daga; ég kalla þá sem
koma gesti mína en ekki við-
skiptavini.
Ég sauma lítinn lager áður en
ég kem því ég veit í raun aldrei
hvað verður vinsælt. Ég er
því með nýja vöru
flesta daga.“
Og varan
er sann-
arlega ein-
stök.
„Þetta
getur
ekki verið
til nokkurs
staðar í heiminum nema hjá mér
því allt er unnið frá grunni. Ég
vandaði mig óskaplega mikið við að
finna út hvernig ég ætti að fara að
því að sauma flíkur þannig að
hægt yrði að taka dúninn úr áður
en flíkin er þvegin, það tókst og þá
var eftirleikurinn auðveldari.“
Hún saumar sjöl, hálsskjól, vett-
linga, húfur, skó sem gott er að
smeygja sér í á kvöldin og jafnvel
sofa með á fótunum og þannig
mætti lengi telja.
Um það bil níu af hverjum tíu
gestum sem koma í galleríið eru
Íslendingar. „Hjá mér hefur verið
verðstöðvun í tvö ár. Ég veit eig-
inlega ekki hvers vegna ég læt
svona, en líklega vegna þess að
mig langar að kynna Íslendingum
æðardúninn á ný, þetta fislétta,
dásamlega náttúruefni. Heil kyn-
slóð – flískynslóðin – þekkir hann
varla. Mér finnst til dæmis synd
hve fáir Íslendingar hafa kynnst
því að sofa undir æðardúnssæng;
það er algjör draumur. Hún er
vissulega dýr en getur enst í ára-
tugi.“
Náttskór og
augnaskjól
frá Björk.
Mikið heitt vatn er á Hraunum og gömlu fiskikörin koma í góðar þarfir. Björk
og Anna Fríða láta þreytuna líða úr sér eftir erfiðan vinnudag.
Friðrik Gylfi Traustason, eiginmaður Bjarkar. Hann fann upp nýja tækni til að
þurrka dúninn. Jafn skemmtilegt og það var leiðinlegt áður, segir Björk.
6.7. 2014 MORGUNBLAÐIÐ SUNNUDAGUR 11
Sumir brottfluttir Siglfirðingar fá
enn vatn í munninn þegar minnst er
á bakarí bæjarins, Aðalbakarann.
Helsta ástæðan er sögð fágæt vara
sem kölluð er hvort tveggja anís-
stykki og sírópskökur. Þessar kökur
hafa verið á boðstólum á Siglufirði í
áratugi.
Hjónin Elín Þór Björnsdóttir og
Jakob Kárason bakarameistari eiga
og reka Aðalbakarann. „Á stríðs-
árunum komu hingað þýskir bak-
arar og með þeim þessi sírópskaka;
síðan hefur hún verið framleidd
hér,“ segir Jakob í samtali við
Morgunblaðið. „Ég veit ekki betur
en við séum eina bakaríið á landinu
sem býður upp á þessa vöru. Þetta
var einhvern tíma bakað á Akureyri
en ekki lengur.“
Jakob segir sírópskökuna sér-
staka. „Annaðhvort elska menn
hana eða spýta út úr sér eftir fyrsta
bita! Hún er, og á að vera, bragð-
sterk.“
Í kökurnar eru notaðar sykur,
hveiti, smjör, lyftiduft, síróp og anís-
dropar. „Bakaríið er þekkt fyrir
sírópskökurnar og ástarpunga, og
við gefum útlendingum sem koma
hingað gjarnan að smakka, því þetta
er svo sérsiglfirskt. Það er gaman að
sjá hvernig þeim líkar.“
Siglfirðingafélagið er vel virkt fyr-
ir sunnan og þau Jakob senda stund-
um sírópskökur þangað fyrir fundi.
„Og það er ekkert grín að margir
panta sér sírópskökur suður. Þær
geymast vel í frysti og svo setja
menn bara glassúrinn á sjálfir.“
SIGLUFJÖRÐUR
Rebekka Rut Ingvarsdóttir og
Benedikt Þorsteinsson, sem starfa í
bakaríinu, með kökurnar góðu.
Morgunblaðið/Skapti
Margir fyrir sunnan fá
sendar sírópskökur
Að setja klór í laugina og hella upp á
kaffi fyrir gesti er hluti af daglegum
verkum starfsfólks sundlaugarinnar
á Suðureyri. Á borði við heita pott-
inn eru kaffikanna og mál og þykir
fólki ljúft að fá sér tíu dropa þegar
það teygir úr sér í volgu vatninu.
Sundlaugin á Suðureyri er eina
útilaugin á Vestfjörðum og aðstaðan
er alveg ljómandi góð; stór laug,
tveir pottar og vaðlaug. „Gestafjöld-
inn rokkar svolítið til, stundum er
rólegt en svo koma toppar eins og í
góða veðrinu um síðustu helgi þegar
hingað komu um 80 manns yfir dag-
inn. Virku dagana kemur starfsfólk
fiskvinnslufyrirtækjanna hingað oft
eftir vinnu í sund, enda er það nán-
ast hluti af starfskjörum þess,“ segir
Gunnar Örn Rögnvaldsson sund-
laugarvörður. Hann munstraðist í
starfið um miðjan júní og kann því
vel. „Hér er líf og fjör og maður hitt-
ir fjölda fólks yfir daginn,“ segir
Gunnar.
Sundmiði fullorðinna á Suðureyri
kostar 550 kr. Börnin borga 280 kr.
SUÐUREYRI
Heitt kaffi
og pottur
Sundlaugarvörðurinn Gunnar Örn
með kaffibrúsann á bakkanum.
Morgunblaðið/Sigurður Bogi
Litli húsdýragarðurinn í Slakka í Laugarási er orðinn 21
árs. Þar er nú tvöföld ljósmyndasýning; Helgi Slakka-
bóndi sýnir myndir sem segja sögu garðsins og Gunnar
Steinn Úlfarsson myndir af íslenskri náttúru.
Afmælissýningar í Slakka
Símenntun Háskólans á Akureyri og Ríkisútvarpið bjóða í
september upp á tíu daga námskeið í dagskrárgerð fyrir
útvarp. Kennarar verða starfsmenn RÚV og HA og
RÚV sendir út besta efnið sem unnið verður.
Viltu verða útvarpsmaður?