Morgunblaðið - Sunnudagur - 06.07.2014, Side 34

Tíska
Smáforrit fyrir sannar dömur
*Það getur verið freistandi að klæðast pilsi eða sumarkjól ágóðviðrisdögum en eins og flestir kannast við er íslenskaveðráttan vindasöm og ófyrirsjáanleg. Þær sem falla gjarnanfyrir freistingunni ættu þá að kynna sér nýtt smáforrit semfæst í vefverslun Itunes. Forritið kallast Weather to Wear ogkemur í veg fyrir að vindhviða afhjúpi það allra heilagasta.Forritið er ókeypis og einfalt í notkun. Notendur þess geta
sett inn staðsetningu sína og þannig fengið upplýsingar um
hversu vænlegt er að klæðast pilsi eða kjól þann daginn.
Ein klassísk – hver hafa verið bestu kaupin þín fatakyns?
Þegar ég keypti mér Paul Smith-skyrtu í lítilli búð í ensku sveitaþorpi,
ótrúlega flott og öðruvísi. Ég þurfti að láta smápening í hana en það var
samt frábær fjárfesting, ég er búinn að nota hana mikið.
En þau verstu?
Ætli það sé ekki þegar ég hef farið í H&M eða álíka búðir og held að
ég sé að gera rosalega góð kaup. Kaupi kannski tíu flíkur en nota eina.
Hvað hefurðu helst í huga þegar þú velur föt?
Með aldrinum hefur það verið gæði, að fötin séu með flottum smá-
atriðum og helst reyni ég að klæðast einhverju frumlegu.
Aðalatriðið er að nota hugmyndaflugið og þora að vera ekki eins og all-
ir hinir. Það gerir þetta svo miklu skemmtilegra.
Áttu þér einhvern uppáhaldsfatahönnuð?
Nei, ég get ekki sagt það. Ég er alltaf hrifinn þegar hönnuðir gera eitt-
hvað nýtt og ferskt.
Hvert er þitt eftirlætistískutímabil og hvers vegna?
Það hefur alltaf verið tímabilið á milli ’70 og ’80, því það var svo margt
að gerast þá, margir tískustraumar.
Blanda af lokum hippatímans, glamúr og 80’s, – gerist ekki betra.
Hvaða þekkta andlit finnst þér með flottan stíl?
David Bowie, það komast fáir nálægt honum.
Sá reyndar gömlu átrúnaðargoðin mín í Duran Duran í
sjónvarpinu um daginn, greinilega nýlegir tónleikar. Það
er svona sem miðaldra menn eiga að líta út, hugsaði ég,
þeir voru helvíti svalir.
Hverju er mest af í fataskápnum?
Ég á nóg af öllu og ekkert sérstakt sem ég á meira
af. Bara alltaf spurning hvernig ég púsla fötunum sam-
an.
Hvernig myndir þú lýsa þínum
fatastíl?
Hann breytist oft, klæði
mig oftast bara eftir því
hvernig mér líður. Ef ég er
í litum þá er ég sennilega
glaður. Ég reyni að apa
sem minnst eftir öðrum og
hafa minn eigin stíl. Menn
eiga ekki að festast í ein-
hverjum einum stíl, aðal-
atriðið er að fötin klæði
mann.
Áttu þér uppáhaldsflík?
Já, núna er það nýjasta
gallaskyrtan mín sem ég
fékk í Sturlu.
Hvað er uppáhalds-
„trendið“ þitt fyrir sumarið?
Það er einfalt; „denim á denim“,
þ.e.a.s. að klæðast gallabuxum og
gallaskyrtu, helst í svipuðum lit.
Síðan er gott að toppa það og fara í
flotta, þykka, hneppta peysu yfir.
Mjög svalt.
MIKILVÆGT AÐ PÚSLA FÖTUNUM RÉTT SAMAN
Ingólfur Arnar rekur
verslunina Sturlu þar
sem hann selur fatnað
frá merkjunum Scotch &
Soda og Maison Scotch.
Morgunblaðið/Eggert
Aðalatriðið að
nota hug-
myndaflugið
INGÓLFUR ARNAR MAGNÚSSON Á OG REKUR VERSL-
UNINA STURLU Á LAUGAVEGI. INGÓLFUR KLÆÐIR SIG
YFIRLEITT EFTIR EIGIN SANNFÆRINGU OG SEGIR GALLA-
BUXUR VIÐ GALLASKYRTU EITT ÞAÐ HEITASTA Í
SUMARTÍSKUNNI.
Sigurborg Selma Karlsdóttir sigurborg@mbl.is
Falleg gallaskyrta frá
merkinu Scotch & Soda.
Töffarinn David
Bowie er alltaf
flottur.
Ingólfur heldur upp á Paul
Smith-skyrtuna sína.