Morgunblaðið - 22.08.2014, Blaðsíða 2

2 FRÉTTIRInnlent
MORGUNBLAÐIÐ FÖSTUDAGUR 22. ÁGÚST 2014
Morgunblaðið Hádegismóum 2, 110 Reykjavík. Sími 5691100 Fréttir Guðmundur Sv. Hermannsson, Sigtryggur Sigtryggsson ritstjorn@mbl.is Viðskipti Sigurður Nordal vidskipti@mbl.is Menning Einar Falur Ingólfsson menning@mbl.is
Íþróttir Víðir Sigurðsson sport@mbl.is mbl.is Sunna Ósk Logadóttir netfrett@mbl.is, Smartland Marta María Jónasdóttir, smartland@mbl.is Umræðan | Minningar | Bréf til blaðsins mbl.is/sendagrein Prentun Landsprent ehf.
Kristján H. Johannessen
khj@mbl.is
Grásleppuvertíðin byrjaði heldur
illa þetta árið með lítilli veiði. Örn
Pálsson, framkvæmdastjóri Lands-
sambands smábátaeigenda, segir
hins vegar að ræst hafi úr veiðum
eftir því sem á vertíðina leið.
„Háttalagið á veiðunum var frem-
ur einkennilegt nú miðað við und-
anfarin ár. Það hefur oft verið krafa
hjá körlunum að byrja fyrr en vani
er en þá hafa þeir byggt á því að
besta veiðin sé alltaf í upphafi ver-
tíðar. Nú brá hins vegar svo við að
veiðin var einna best í lokin,“ segir
hann en gráslepputímabilið var alls
32 dagar. Aðspurður segir Örn
verðið fyrir bæði grásleppuna og
hrognin hafa lækkað nokkuð á milli
ára.
6,5% lækkun
„Það var töluvert mikil lækkun á
verðinu á heilli grásleppu. Á vertíð-
inni 2013 var meðalverð á henni
94 krónur en það fór núna nið-
ur í 61 krónu,“ segir hannog
bætir við að með-
alverð á hrogn-
um hafi einnig
lækkað nokkuð
á milli vertíða
og nam sú lækkun 6,5
prósentum.
Meðalverð á grásleppu og
hrognum lækkaði á milli ára
 Grásleppuvertíðin fór hægt af stað en rættist úr í lokin
Stýrir Jafn-
réttisstofu
án bílprófs
Jafnréttisstofa
eyddi 441 þúsund
krónum á árinu
2013 í leigubíla-
kostnað, en átta
manns vinna hjá
Jafnréttisstofu,
sem er á Ak-
ureyri. Þetta
kemur fram í rík-
isreikningi ársins
2013.
Kristín Ástgeirsdóttir, fram-
kvæmdastýra Jafnréttisstofu, er
ekki með bílpróf og þarf að ferðast
mikið. „Ég þarf að ferðast mjög mik-
ið í starfi og er ekki með bíl til um-
ráða, þannig að ég þarf ansi oft að
taka leigubíl, t.a.m. þegar ég fer út á
flugvöll og frá flugvellinum og á milli
fundarstaða. Kostnaðurinn er samt
ekki bara bundinn við mig, þó að
hann sé það að mestu. Ég er nefni-
lega ekki með bílpróf og hef aldrei
komið því í verk að taka bílprófið.“
Kristín sparar skattfé með því að
safna fundum á einn dag. „Við förum
oft á fundi til Reykjavíkur en ég
reyni að safna fundunum á einn dag.
Stundum þarf ég kannski að fara úr
velferðarráðuneytinu í utanrík-
isráðuneytið og oft er stuttur tími
milli funda,“ segir Kristín, en stund-
um þarf hún að taka 3-4 leigubíla á
dag. isb@mbl.is
Kristín
Ástgeirsdóttir
 Tæp hálf milljón
fór í leigubílakostnað
Flutningabíl var ekið á konu á
reiðhjóli á Sæbraut í gærkvöldi,
skammt frá Kirkjusandi. Konan
var flutt á slysadeild Landspít-
alans í Fossvogi en samkvæmt
upplýsingum læknis var líðan
hennar stöðug og meiðslin ekki
talin alvarleg. Hluta Sæbrautar
var lokað fyrir umferð á meðan
sjúkralið og lögregla athöfnuðu
sig á vettvangi.
Flutningabíl ekið
á konu á reiðhjóli
Jarðvísindastofnun Háskóla Íslands hefur aðgang að
ýmsum gerðum gervitunglamynda. Meðfylgjandi er
blanda úr tveimur myndum, MODIS og NOAA AVHRR,
um klukkan 12:00 í gær. „Það er ekki oft sem landið
sést svona vel utan úr geimnum,“ segir Ingibjörg Jóns-
dóttir, dósent við Jarðvísindastofnun HÍ. „Það hefur ör-
lítið snjóað á jökla og til dæmis á Öskju en annars er
þetta eins og besti sumardagur.“ steinthor@mbl.is
Ljósmynd/MODIS og NOAA AVHRR
Eins og besti sumardagur
Gervitunglamyndir af Íslandi á hádegi í gær
Hæstiréttur staðfesti í gær gæslu-
varðhaldsúrskurð Héraðsdóms
Reykjavíkur yfir manni sem grun-
aður er um árás á Frakkastígnum
þann 9. ágúst sl. þar sem maður var
stunginn með hníf. Myndband náð-
ist af slagsmálum mannsins og
fórnarlambs hnífstungunnar. Mun
hinn kærði sitja í varðhald til 12.
september nk.
Áfram í varðhaldi
vegna hnífstungu
Grásleppuvertíðinni lauk um 20.
júlí sl. og voru þá síðustu bátar
við veiðar í innanverðum Breiða-
firði. Tóku nú alls 223 bátar þátt
í veiðunum á móti 286 í fyrra.
Er fækkunin rakin til
þess að engin
loforð voru um
sölu á hrognum
við upphaf veiða.
223 veiðileyfi
FÆRRI VIÐ VEIÐAR Í ÁR
Skúli Halldórsson
sh@mbl.is
Endurupptökunefnd hafnaði beiðni
ítalska verktakafyrirtækisins Imp-
regilo um endurupptöku máls þess á
hendur íslenska ríkinu. Impregilo,
sem annaðist umfangsmiklar verk-
takaframkvæmdir við gerð Kára-
hnjúkavirkjunar, höfðaði málið upp-
haflega í janúar árið 2008 og krafði
þá íslenska ríkið um greiðslu fjár-
hæðar sem nam rúmlega 1,23 millj-
örðum króna.
Með fjárkröfunni vildi Impregilo
fá endurgreiðslu á staðgreiðslu
skatta af launum erlendra verka-
manna. Mennirnir höfðu starfað í
þágu Impregilo við byggingu Kára-
hnjúkavirkjunar, en voru þó á veg-
um tveggja portúgalskra starfs-
mannaleigna.
Höfðu skattayfirvöld gert Imp-
regilo að greiða staðgreiðslu skatt-
anna þrátt fyrir mótmæli fyrirtæk-
isins sem taldi þá skyldu hvíla á
starfsmannaleigunum. Hafnaði
Hæstiréttur Íslands kröfum fyrir-
tækisins á hendur ríkinu í dómi sín-
um sem féll í febrúar árið 2010.
Áður hafði Héraðsdómur Reykja-
víkur dæmt ríkið til að greiða upp-
hæðina auk 600 milljóna króna í
dráttarvexti.
Garðar Valdimarsson, hæstarétt-
arlögmaður, fór fram á endurupp-
tökuna fyrir hönd Impregilo.
„Leyfilegt er að fá endurupptöku
ef talið er að málsatvik hafi ekki ver-
ið réttilega leidd í ljós þegar málið
var til meðferðar, og að sterkar líkur
séu á því að ný gögn myndu leiða til
breyttrar niðurstöðu. Enn fremur
þurfa stórfelldir hagsmunir að vera
fyrir hendi. Nefndinni hefur greini-
lega ekki þótt sem þessi skilyrði
væru uppfyllt,“ segir Garðar.
Impregilo gerði árið 2003 samning
við Landsvirkjun sem hljóðaði upp á
47,3 milljarða króna, fyrir byggingu
virkjunarinnar og aðveituganga.
Hafna fjárkröfu Impregilo
 Impregilo vill krefja ríkið um 1,23 milljarða króna  Endurupptökunefnd hafn-
ar beiðni fyrirtækisins  Lögmaður Impregilo gagnrýnir störf nefndarinnar
Morgunblaðið/Brynjar Gauti
Kárahnjúkar Fyrirtækið Impregilo
byggði virkjun við Kárahnjúka.
Garðar Valdimarsson hæsta-
réttarlögmaður segir nefndina,
sem stofnuð var í febrúar 2013,
ekki hafa staðist væntingar.
„Menn höfðu gert sér vissar
vonir um að nefndin myndi auka
möguleika fyrirtækja og ein-
staklinga á endurupptöku mála,
en engin merki eru um slíkt, sé
miðað við úrskurði nefnd-
arinnar. Þetta mál var það sex-
tánda sem hún tekur fyrir en í
hinum málunum hefur hún
hafnað öllum beiðnum um end-
urupptöku, utan eins máls þar
sem ríkissaksóknari fór fram á
endurupptöku máls sem var
sakborningi í óhag.“
Hafnar flest-
um beiðnum
NÝ ENDURUPPTÖKUNEFND
Skúta strandaði skammt undan
Gufunesi við Reykjavík í gærkvöldi
og var björgunarsveitin Ársæll
kölluð út. Sveitin fór á staðinn á
björgunarbátnum Þórði Kristjáns-
syni en bátur frá Snarfara var
fyrstur á staðinn. Fjórir voru um
borð í skútunni þegar hún strand-
aði en engan sakaði. Enginn leki
kom að skútunni og var veður
ágætt. Ekki hafði tekist að koma
henni á flot þegar blaðið fór í prent-
un, en nota átti næsta flóð til þess.
Skúta strandaði
með fjóra um borð