Morgunblaðið - 22.08.2014, Blaðsíða 11

Morgunblaðið/Kristinn
Pure Evil „Það er greinilega öflug hreyfing hér í vegglistinni. Það kom mér á óvart hversu mikið er af henni.“
Graffíti er listform sem
hann féll fyrir en hann er
menntaður hönnuður.
Hann hefur meðal
annars hannað
áprentaða boli sem
vísa til fyrstu lista-
verkanna sem voru
rist í hella. Eftir að
hafa starfað um stund
sem slíkur ákvað hann að sinna lista-
gyðjunni af fullum krafti.
Pure Evil er sagður vera á pari
við fræga, breska graffarann
Banksy. Áhuga á listum á hann ekki
langt að sækja en faðir hans er nokk-
uð þekktur velskur listmálari, John
Uzzell Edwards að nafni sem lést
nýverið. Pure Evil heitir fullu nafni
Charles Uzzell Edwards og er fædd-
ur árið 1968.
Sá á fund sem finnur
Á menningarnótt mun hann
gefa 30 listaverk sem hann skilur
eftir víðs vegar um Reykjavík. Þeir
sem finna þau mega eiga þau og
koma með þau í Gallerí Fold og hann
áritar þau. Vísbendingar um hvar
verkin eru birtast á samfélags-
miðlum eins og facebook, instagram
og á síðu Gallerí Foldar.
Efniviðurinn sem hann notar í
listaverkin er það sem verður á vegi
hans á götunni hverju sinni, til dæm-
is spýtur, plankar og bréf og fleira.
Hann hefur gert þónokkuð af þessu í
öðrum borgum við góða raun. Hins
vegar hefur snyrtimennskan á göt-
um Reykjavíkurborgar sett strik í
reikninginn. Í París átti hann t.d.
ekki í vandræðum með að finna rusl
og skapa úr því listaverk.
„Það skemmtilega við þetta er
að maður veit aldrei hvað verður um
verkið. Lítur fólk á þetta eins og
hvert annað rusl eða ómetanlegt
listaverk? Þetta fer eftir því með
hvaða augum sá sem eignast það lít-
ur á það,“ sagði hann og benti á að
honum þætti einnig gaman að gefa.
Á Menningarnótt mun hann
einnig mála á vegg rétt við galleríið.
Verkið verður samansett úr ótal
kanínum, einkennismerki hans.
„Þær þyrpast allar í kringum eina
sem verður í öðru horninu og eiga að
endurspegla hugarástand foreldra
þegar þeir eru við það að springa
vegna álags.“
Martröð er heiti sýningarinnar
sem samanstendur af 23 verkum
sem unnin eru á striga. Áhorfendur
eiga eflaust eftir að kannast við and-
litin sem prýða verkin en það eru
þekktir einstaklingar á borð við
Audrey Hepburn og Elisabetu Tay-
lor.
Martröðin og öfgar í tilfinn-
ingum, ást, afbrýði og hatur er meðal
annars það sem veitir honum inn-
blástur til sköpunar. „Dramatísk
sambönd og efniviðurinn eins og í
óperu kveikja í manni.“
Andy Warhol veitir honum
einnig innblástur. Verk hans minna
um margt á verk bandaríska lista-
mannsins enda popplistin þeim báð-
um hugleikin. Þá lítur hann á Warhol
einnig sem fyrirmynd út frá við-
skiptalegu sjónarmiði. Hann fjölda-
framleiðir einnig verk sín líkt og
Warhol gerði, þótt hann skapi einnig
einstök verk sem hann tölusetur.
Pure Evil á tvö gallerí, annað er
eingöngu með verk eftir hann og í
hinu eru verk annarra, einkum götu-
listamanna.
„Það er greinilega öflug hreyf-
ing í vegglistinni hér. Það kom mér á
óvart hversu mikið er af henni.“
Honum líkaði flest sem hann sá.
Annars rómaði hann náttúruna,
hreinleikann og íslenska vatnið. Að
sjálfsögðu hafði hann skellt sér í
Bláa lónið og langaði aftur. „Dóttir
mín og kona eru núna í sundi og
laugarnar eru frábærar.“ Hann á
tæplega tveggja ára dóttur. Hvala-
skoðun er á dagskrá áður en haldið
verður heim á sunnudaginn. „Ann-
ars veit maður ekkert hvað getur
gerst hér á Íslandi, það gæti farið að
gjósa og hvað þá?“ sagði hann að
lokum.
Vegglistaverk Í tilefni Ólympíuleikanna í London gerði hann þetta verk.
DAGLEGT LÍF 11
MORGUNBLAÐIÐ FÖSTUDAGUR 22. ÁGÚST 2014
Porsche á Íslandi • Bílabúð Benna
Vagnhöfða 23 • 110 Reykjavík Sími: 590 2000
porsche@porsche.is • www.benni.is
Porsche Macan S Diesel
258 hestöfl • 580Nm tog • CO2 159 g/km
Hröðun 6.3 sek. 0-100 km/klst.
Eyðsla 6.3 l/100 km í blönduðum akstri.
Verð: 11.950.000 kr.
Komdu í Porsche salinn á Menningarnótt.
Opið frá kl. 12:00 til 16:00