Morgunblaðið - 22.08.2014, Blaðsíða 14
14 FRÉTTIRInnlent
MORGUNBLAÐIÐ FÖSTUDAGUR 22. ÁGÚST 2014
Sigurður Bogi Sævarsson
sbs@mbl.is
Borgar Þórarinsson er dæmigerður
landsbyggðarmaður, sem hefur mörg
hlutverk með höndum í sinni heima-
byggð. Svo að samfélag virki þarf
mannskap á hvern póst. Fjölhæft fólk
er gulls ígildi. Á bryggjurúnti á
Hólmavík kannaði Morgunblaðs-
maður stöðuna í makrílveiðum.
Hringdi í uppgefið símanúmer vigtar-
manns við höfnina og reifaði erindi
sitt. Sá brást vel við og fáeinum mín-
útum síðar kom Borgar á svæðið.
Ríkir hæfileikar hans komu svo í ljós
þegar leið á samtalið.
Höfuðborg fituríks fisks
„Vigtin er nú bara aukageta hjá
okkur,“ segir Borgar, sem er starfs-
maður í áhaldahúsi Strandabyggðar.
Þar vinna þrír karlar og hafa ýmis
verkefni með höndum. Eitt er að
vigta þann afla sem berst á land, sem
er ærinn starfi. Þótt makrílveiðin í
sumar hafi verið minni en síðustu ár
verður ekki af Hólmavík tekið að
þetta er íslensk höfuðborg hins fitu-
ríka fisks. Á góðum dögum hafa
stundum tugir báta verið á veiðum úti
á Steingrímsfirði og það er land-
burður af fiski.
„Annars er starfið í áhaldahúsinu á
ýmsa vegu. Fyrir hádegi er maður ef
til vill að losa úr stíflu í niðurföllunum
en eftir hádegi að gera við tölvurnar í
grunnskólanum.“
Slógu taktinn á við þrjá
Borgar er Þingeyingur að upp-
runa, frá bænum Brúum í Aðaldal.
Hugurinn stefndi fljótt til þess sem
verða vildi. Það er músík í manninum
og öll sín barns- og unglingsár var
Borgar í tónlistarnámi í Hafralækj-
arskóla í Aðaldal. Hann hefur búið á
Húsavík, Raufarhöfn, Akureyri og úti
í Danmörku. Árið 2011 lá leiðin vest-
ur á Strandir.
Fyrsta veturinn nyrðra starfaði
Borgar við tónlistarskólann á Hólma-
vík, kenndi á gítar, bassa, píanó og
trommur. Þetta virkaði vel. Stranda-
börn slógu taktinn á við þrjá. Launin
réðu því hins vegar að eftir eitt ár
réði Borgar sig til starfa í áhaldahús-
inu. Síðustu tvö ár hefur tónlistin ver-
ið aukabúgrein.
„Tónlistin er taug í okkur öllum.
Krakkarnir hér á Hólmavík hafa
þetta í blóðinu og líka börnin á Reyk-
hólum, en síðustu vetur hef ég farið
þangað tvisvar í viku til að kenna.
Veit þó ekki hvað verður nú í vetur
með kennsluna, ég er óráðinn enn,“
segir Borgar.
Auk kennslunnar hefur Borgar svo
leikið með hljómsveitum, til að mynda
með Geirmundi Valtýssyni á Sauð-
árkróki. Segir að í hverju þorpi þurfi
að vera til staðar ein slík, eins konar
björgunarsveit, sem geti séð um fjör-
ið á dansiböllum, þorrablótum og öðr-
um slíkum skemmtunum. „Í
Þingeyjarsýslunum er tónlistarhefðin
ákaflega sterk og lítið mál að fá
mannskap í band fyrir helstu sam-
komur,“ segir viðmælandi okkar.
„Fyrir norðan geta margir spilað á
fleiri en eitt hljóðfæri og eru því eft-
irsóttir. Hér á Ströndunum er þetta
ekki alveg svona gott en bjargast þó,“
segir Borgar, sem er með hljóðver í
bílskúrnum heima. Þar tekur hann
nemendur í einkatíma – og einnig eru
þar upptökutæki af bestu gerð. Hefur
Borgar í tímans rás tekið upp tónlist
og hljómplötur með fjölda góðra lista-
manna, svo sem söngkonunum Reg-
ínu Ósk, Heru Björk og Margréti Eir.
Mætti þá ýmsa fleiri nefna.
Heimili og hús
„Já, ég er komin á Strandirnar til
að vera. Hér er bæði heimili okkar og
hús,“ segir Borgar, sem er kvæntur
Kristjönu Eysteinsdóttur, kennara
við grunnskólann á Hólmavík. Þau
áttu fyrir fimm börn í það heila. Sam-
an eiga þau dótturina Jóhönnu Magn-
eyju og kasólétt Kristjana væntir sín
einhvern næstu daga.
Morgunblaðið/Sigurður Bogi
Músík Hjónin Borgar Þórarinsson og Kristjana Eysteinsdóttir saman í hljóðverinu, sem er sannkallað ævintýraland.
Tónlist er taug allra
Hæfileikamaður á Hólmavík Er á hafnarvoginni og
tekur upp hljómplötur Lífið snýst um makríl og músíkina
Sjórinn Á hafnarvoginni er aflinn úr auðlindinni veginn upp á gramm.
Viðar Guðjónsson
vidar@mbl.is
„Hjólreiðamenn bera samfélagslega
ábyrgð eins og aðrir í umferðinni.
Þeir eru óvarðir gagnvart bílnum.
Þess vegna skiptir svo miklu máli að
þeir eins og aðrir fari eftir umferð-
arreglum,“ segir Fjóla Guðjónsdótt-
ir, forstöðumaður í forvarnadeild
Sjóvá. Nokkur núningur hefur verið
á milli akandi og hjólandi vegfarenda
í umferðinni. Á samfélagsmiðlum má
víða sjá hjólreiðamenn agnúast út í
akandi vegfarendur sem og öfugt.
Gjarnan er umræðan sú að halla
þykir á hjólreiðamenn í umferðinni
en þeir eru síður en svo einsleitur
hópur.
,,Þeir sem brjóta reglurnar eru
ekki að liðka fyrir þeim samgöngu-
máta sem er að ryðja sér til rúms í
umferðinni,“ segir Fjóla.
Að sögn Fjólu hefur vátrygginga-
nefnd Fjármálaeftirlitsins fengið
nokkur mál þar sem hjólreiðamenn
eiga í hlut. Að hennar sögn hafa
dómar fallið sem leggja ábyrgðina í
auknum mæli á herðar hjólreiða-
mannsins. Þessar upplýsingar feng-
ust ekki staðfestar hjá vátrygginga-
nefndinni en þó fékkst staðfest að
þeim málum þar sem hjólreiðamenn
eiga í hlut hefur fjölgað nokkuð.
„Umferðarlögin eru að sjálfsögðu
skrifuð með bíla í huga. Hins vegar
hefur vátrygginganefndin stuðst við
88. grein umferðarlaga, þar sem tal-
að er um stórkostlegt gáleysi bíl-
stjóra. En það er í rauninni verið að
túlka lögin sem svo að hjólreiðamað-
urinn beri líka ábyrgð,“ segir Fjóla.
Ekki einsleitur hópur
Árni Davíðsson, varaformaður
Landssamtaka hjólreiðamanna,
minnir á að hjólreiðamenn séu ekki
einsleitur hópur. „Þetta er mikið
rætt á samfélagssíðum og það er
auðvitað til fólk sem ekki virðir rauð
ljós. En þetta er ekki hópur sem
hægt er að aðgreina frá bílstjórum
eða gangandi vegfarendum. Sumir
vegfarendur fara yfir á rauðu ljósi, “
segir Árni.
Hann telur að hjólreiðamenn virði
rauð ljós við umferðargötur en þeir
fari síður eftir því þegar þeir mæta
rauðum karli við þverun á gatnamót-
um þegar enginn bíll er á ferð. „Ég
held að það muni seint breytast,“
segir Árni.
Að sögn Fjólu snúa flest atvik sem
koma fyrir vátrygginganefnd að því
að hjólreiðamaður fer yfir á rauðum
karli þegar grænt er á ökumann bif-
reiðar, þegar bifreið er ekið inn á
bílaplan sem göngu- eða reiðhjóla-
stígur liggur þvert á. Einnig er al-
gengt að slys og tjón á hjólandi verði
þegar hjólað er í veg fyrir bíl þegar
farið er af gangstétt, yfir götu og yfir
á gangstéttina hinum megin við
gatnamótin.
Hjólreiðamenn
einnig ábyrgir
Vátryggingamálum þar sem hjól-
reiðamenn eiga í hlut hefur fjölgað
Morgunblaðið/Styrmir Kári
Hjólreiðar Slys á hjólreiðafólki hafa
færst í vöxt í takt við fjölgun hjól-
reiðamanna á vegum.
4ra rétta seðill og
nýr A la Carte í P
erlunni
Perlan • Sími 562 0200 • Fax 56
2 0207 • perlan@perlan.is • ww
w.perlan.is
Gjafabréf
Perlunnar
Góð gjöf við öll
tækifæri
Sumar
Sjósunds- og sjóbaðsfélag Reykja-
víkur, Sjór, efnir til hins árlega Við-
eyjarsunds í dag, föstudag. Lagt
verður af stað kl. 17:30 frá Skarfa-
kletti við Sundahöfn. Skráning
hefst á sundstað kl. 17:00. Sundið
kostar 2.000 krónur en frítt er fyrir
félagsmenn.
Til Viðeyjar frá Skarfakletti eru
910 m. Sundfólk getur valið um að
synda aðra leiðina eða báðar. Ör-
yggi keppenda verður í fyrirrúmi
og gæslubátar, kajakar og vanir
sjósundmenn fylgja sundfólkinu.
Þátttakendur eru þó á eigin
ábyrgð, segir í tilkynningu.
Aðspurð segir Ragnheiður Val-
garðsdóttir, for-
maður Sjávar,
að búast megi
við að rúmlega
100 manns taki
þátt. „Þetta er
Reykjavíkur-
maraþon okkar
sjósundfólks og
mikil stemming
er í sundinu enda
sjósundmenn
mjög glaðlynt fólk,“ segir Ragn-
heiður. Veðurspáin er ágæt og má
reikna með sjávarhita í kringum
12°C. Þátttakendum er svo boðið í
Laugardalslaug að sundi loknu.
Vaskir sundmenn í Viðeyjarsundi í dag
Ragnheiður
Valgarðsdóttir