Morgunblaðið - 22.08.2014, Blaðsíða 30

30
MORGUNBLAÐIÐ FÖSTUDAGUR 22. ÁGÚST 2014
ÁLÞAKRENNUR
Viðhaldslitlar
Þegar hús eru klædd með „viðhaldsfrírri“ klæðningu
er nauðsynlegt að nota „viðhaldsfríar“ þakrennur
Rennurnar frá Grövík Verk í Noregi eru gerðar úr 0.9 mm áli og tærast ekki,
ryðga né brotna. Fyrsta rennan var framleidd árið 1956 og er enn í notkun.
Litir til á lager: Svartar, hvítar, gráar, rauðbrúnar og ólitaðar.
Seljum einnig varmaskiptasamstæður, loftræstistokka og tengistykki.
Smiðjuvegi 4C
Box 281 202 Kópavogur
Sími 587 2202
Fax 587 2203
hagblikk@hagblikk.is
www.hagblikk.is
HAGBLIKK ehf.
★★★★ – SGV, Mblamlet
Tjarnargötu 12 | 101 Reykjavík | sími 527 2100 | tjarnarbio.is
ALIEN CITIZEN: An Earth Odyssey (Aðalsalur)
Fös 22/8 kl. 20:00
Róðarí (Aðalsalur)
Þri 16/9 kl. 20:00 Sun 28/9 kl. 20:00
Lau 20/9 kl. 20:00 Lau 4/10 kl. 20:00
LÓKAL (Aðalsalur)
Mið 27/8 kl. 12:00 Fös 29/8 kl. 20:00 Sun 31/8 kl. 20:00
Fim 28/8 kl. 20:00 Lau 30/8 kl. 20:00
Trúðleikur (Aðalsalur)
Sun 7/9 kl. 14:00 Sun 21/9 kl. 14:00
Sun 14/9 kl. 14:00 Sun 28/9 kl. 14:00
Kameljón (Aðalsalur)
Lau 6/9 kl. 20:00 Sun 21/9 kl. 20:00 Sun 5/10 kl. 20:00
Fös 12/9 kl. 20:00 Lau 27/9 kl. 20:00
Petra (Aðalsalur)
Fös 29/8 kl. 19:00 Fös 5/9 kl. 20:00
Lau 30/8 kl. 19:00 Fim 11/9 kl. 20:00
Jazzhátíð Reykjavíkur 2014
AF DJASSI
Vernharður Linnet
linnet@simnet.is
Á sunnudagskvöldi þess fjórða ídjasshátíð voru útgáfu-tónleikar Snorra Sigurð-
arsonar trompetleikara í Norður-
ljósasal Hörpu. Vellir nefnist
frumraunin, firna fín. Snorri er eng-
inn byrjandi í djassinum, hefur um
árabil verið í framvarðarsveit ís-
lenskra trompetleikara og ekki síðri
á flýgilhornið. Það er einmitt rörið
sem hann blæs í upphafslagið, ,,Fim-
malimm“, sem minnir í mörgu á tón-
smíðar Benny Golsons. Hrynsveitin
er líka flott, Agnar Már Magnússon,
Richard Andersson og Einar Schev-
ing. Snorri er harðari með tromp-
etinn í höndunum, en flýgilhornið réð
enn för í einu fallegasta lagi disksins,
,,Þulu“ ballöðu uppá norrænu – og
svo er titillagið flott með klassískum
blæ. Þessi kvartett þyrfti að spila
lengur saman, það er það sem helst
vantar uppá þegar heildarmyndin er
metin.
Þriðjudagur djasshátíðar var
rammaður inn af tveimur glæsi-
konsertum. Arve Henriksen, Hilmar
Jensson og Skúli Sverrisson færðu
okkur hljóðheim sem engu er líkur.
Arve á trompet, vasatrompet og sam-
óf vef laglína og spuna undir seiðandi
tónum er liðu frá Hilmari og Skúla.
Veröld handan veraldarinnar og þeir
félagar væntanlegir á diski frá Mengi
í næsta mánuði. Þessum töfrum verð-
ur ekki lýst í orðum en eitthvað svip-
að verður örugglega uppá teningnum
á diskinum. Seint munu gleymast
glæsitónleikar Arve með Jan Bang
og Önnu Mariu Friman 2009 – þessir
voru ekki síðri.
  
Sigurður Flosason lék með Kaup-
mannahafnarkvartetti sínum: Lenn-
art Ginman, hinum trausta bassaleik-
ara og félaga hans um langt árabil, og
einum undursamlegasta trommara
norðursins, Morten Lund. Í stað Ni-
kolja Hess, sem ekki átti heim-
angengt, lék bandaríski píanistinn
Aaron Parks. Firnaskarpur píanisti,
sem setti mark sitt á lög Sigurðar,
sem öll voru, einsog eðlilegt má
þykja, af skífu hans The Eleventh
Hour sem út kom hjá Storyville í árs-
lok. Lagasmíðar Sigurðar nutu sín
vel á þeirri skífu og ekki síður nú,
með Parks við píanóið.
Milli þessara tónleika náði ég að
hlýða á frændur vora færeyska. Þar
voru gamlir nemendur úr FÍH tón-
listarskólanum á ferð: Magnus Jo-
hannessen píanisti og Rógvi á Rógvu
trommari, ásamt Leivi Thomsen
gítarleikara, sem heyra má með
Bjössa Thor á diskinum Jazz Guitars,
og Mikael Blak bassaleikara. Tón-
smíðarnar voru flestar eftir Magnus í
hinum ljóðræna djassstíl kenndum
við impressjónismann. Áheyrilegt en
féll í skugga stórtónleika kvöldsins.
  
Lokakvöld Jazzhátíðar Reykjavík-
ur var í einu orði sagt frábært; hvert
atriði öðru betra. Fyrstur á svið var
,,Ímyndaði kvartett“ Adam Baldych.
Pólverjar hafa átt marga frábæra
djassleikara og einn af fínustu djass-
fiðlurum sem ég hef heyrt á sviði var
pólskur, Zbigniew Seifert, sem lést
aðeins 32ja ára. Hann var frekar af
Stuff Smith skólanum en skóla Stef-
áns Grappellis, og það er Adam einn-
ig einsog hinn 98 ára Svend Asmus-
sen. Adam er evrópskur framí
fingurgóma, þó að tónamálið sé
djassins, og tónlist hans oft lituð af
pólskum, að ég hygg, og norrænum
tónum, og annað verkið á efnis-
skránni var tileinkað minningu
Esbjörn Svenssons, hins sænska.
Pólverjar hafa átt hvern meistara-
djasspíanistann af öðrum og píanisti
Adams, Pavel Tomaszewki, á örugg-
lega eftir að skreyta þann flokk. Svo
stóðu bassinn og trommarinn fyrir
sínu: Michal Baranski og Pawel
Dobrowolski.
The Thing er fullkomin andstæða
,,Ímyndaða kvartettsins“. Saxófón-
meistarinn sænski, Mats Gustafsson,
er íslenskum djassunnendum að góðu
kunnur eftir frábæra einleikstónleika
sína í Fríkirkjunni á djasshátíðinni í
fyrra. Hér var hann í slagtogi við
Norðmennina Ingebrigt Håker Fla-
ten og trommarann Paal Nilssen-
Love. Þetta er harðkjarna djasstríó,
einsog nú er sagt, en fyrir mig, sem
byrjaði að hlusta á frjálsdjass fyrir
hálfri öld, var þetta rökrétt framhald
af Ornette og Don Cherry, enda
Cherry aflvaki þess að tríóið var
stofnað fyrir 15 árum. Margir spuna-
meistarar kunna ekki þá grundvall-
arreglu að matreiða tónlist sína fyrir
óvana, en það kann Mats svo sannar-
lega. Þetta var bútað niður í fjögur
verk og kynnt á ferskan húmorískan
máta. Fyrst var tónlist úr kvikmynd-
inni Alfie eftir Sonny Rollins og
Golden Road eftir Don Cherry. Mats
blés í tenór og Ingebrigt sló kontra-
bassa, en erfitt átti ég með að finna
,,Alfie-stef“ þarna. Í öðrum hluta
skipti Mats yfir í barítón og Inge-
brigt tók upp rafbassann. ,,Nú spilum
við Coltrane,“ sagði Mats og þvílíkur
kraftbirtingur. Ég heyrði ekki betur
en „India“ Coltranes væri grunn-
urinn og á honum var svo sannarlega
reist höll. Mats er einhver besti barí-
tónblásari djassins um þessar mund-
ir, eða eldfjalladjassins, einsog hann
kallaði tónlist sína í sjónvarpsviðtali
kominn í land Bárðarbungu. Svo
verður að nefna ,,Víkingana“ efir
Frábær endasprettur djasshátíðar
Morgunblaðið/Eva Björk
Fjölhæfur Sigurður Flosason
Morgunblaðið/Eva Björk
Spilagleði Richard Andersson
Gulldrengir „Óskar og Ómar Guðjónssynir, Davíð Þór Jónsson og Magnús Trygvason
Eliassen trommari eru gulls ígildi,“ segir m.a. í rýni um nýliðna Jazzhátíð.