Morgunblaðið - 12.06.2014, Page 4

4 FRÉTTIRInnlent
MORGUNBLAÐIÐ FIMMTUDAGUR 12. JÚNÍ 2014
Lokun goshversins Stróks í Öskju-
hlíð á ekki endilega að verða til fram-
búðar, að sögn Hjálmars Sveinsson-
ar, borgarfulltrúa Samfylk-
ingarinnar. „Ekki hefur verið
forgangsverkefni að halda Stróki
opnum en þar með er ekki sagt að
skrúfað hafi verið fyrir til eilífðar.
Það getur vel verið að vilji verði til að
opna hann aftur og því lít ég á þetta
sem millibilsástand,“ segir Hjálmar.
Málið hefur ekki komið inn á borð
umhverfis- og skipulagsráðs.
Strókur hefur verið lokaður síðan
borgin keypti Perluna árið 2012 en
rekstrarkostnaður hans er talinn of
mikill til að halda honum opnum. Það
var Orkuveita Reykjavíkur sem
byggði goshverinn árið 1998.
Hrólfur Jónsson, skrifstofustjóri
hjá skrifstofu eigna- og atvinnuþró-
unar Reykjavíkurborgar, segir að
vakta þurfi hverinn þegar hann er í
notkun, sem er dýrt. „Þegar gos-
hverinn er í gangi þarf starfsmaður
að vera á svæðinu til að passa að fólk
standi ekki við hverinn,“ segir Hrólf-
ur, en Strókur þeytir 125° heitu vatni
upp í loftið og því er mikil hætta fólg-
in í því að standa of nálægt honum
þegar hann gýs. Hrólfur bætir við:
„Þessi ákvörðun var tekin til að
draga úr rekstarkostnaði Perlunnar.
Ekki hefur verið tekin endanleg
ákvörðun um hvað eigi að gera við
hverinn. Óvissa hefur verið um hver
eigi að hirða um svæðið í kringum
Strók, en leyst hefur verið úr því og
hirt verður um svæðið á morgun.“
Helgi Hjörvar lagði upphaflega
fram tillöguna að því að byggður yrði
goshver í Öskjuhlíðinni. „Alltaf þarf
að huga að forgangsröðun, sérstak-
lega þegar takmarkaðir fjármunir
eru til ráðstöfunar. Ég treysti þeim
sem sjá um að meta þetta.“ sagði
Helgi Hjörvar um lokun Stróks.
isb@mbl.is
Goshverinn Strókur er
ekki forgangsverkefni
 Dýrt að halda
Stróki opnum
Morgunblaðið/Eggert
Órækt Illa hefur verið hirt um um-
hverfi Stróks eftir lokun hans.
Fjölmenni sótti tónleika bandarísku rokksveitarinnar Pixies í Laugardals-
höllinni í gærkvöldi. Fékk sveitin góðar undirtektir gestanna sem voru á
öllum aldri. Mono Town annaðist upphitun. Pixies sendi frá sér fyrstu
breiðskífuna í þrettán ár í vor og hefur hún fengið jákvæðar viðtökur.
Fjölmenni og góð stemning á tónleikum Pixies í Laugardalshöll
Morgunblaðið/Eva Björk
Gestir á öllum aldri
Árni Grétar Finnsson
agf@mbl.is
Sérfróður meðdómsmaður ber
sömu skyldur og embættisdómari
og það eru sömu kröfur gerðar um
hæfi hans og til embættisdómara.
Þetta segir Skúli Magnússon, for-
maður Dómarafélagsins. „Ef fyrir
liggur óvild eða annarleg sjónar-
mið dómara í garð málsaðila, þar á
meðal ákæruvalds, getur það vald-
ið vanhæfi og ef vanhæfur dómari
tekur þátt í meðferð máls getur
það leitt til ómerkingar dóms á
grundvelli almennu vanhæfisregln-
anna,“ segir Skúli og vísar til g-
liðar 6. gr. laga um meðferð saka-
mála.
Sverrir Ólafsson var meðdóm-
andi í svonefndu Aurum-máli. Eft-
ir uppkvaðningu dómsins lýsti
Ólafur Þór Hauksson, sérstakur
saksóknari, því yfir að sér hefði
ekki verið kunnugt um að Sverrir
væri bróðir Ólafs Ólafssonar at-
hafnamanns. Ólafur var einn sak-
borninga í svonefndu Al-Thani
máli þar sem reyndi á áþekk álita-
efni fyrir dómi.
Í kjölfar dómsuppkvaðningar
sagði Sverrir í samtali við frétta-
stofu RÚV að hann tryði því ekki
að sérstakur saksóknari hefði ekki
vitað af tengslunum. Svo segir
Sverrir: „Mér finnst viðbrögð hans
hæpin og mér finnst þetta bera
vott um örvæntingarfullar og jafn-
vel óheiðarlegar aðgerðir og hann
grípur til þeirra á erfiðum tímum
þegar trúverðugleiki hans stofnun-
ar er eiginlega í molum.“
Fordæmalaust á Íslandi
Ómögulegt er að segja á þessari
stundu um hver áhrif ummælin
kunna að hafa á framvindu málsins
en ljóst er að það er í höndum
Hæstaréttar að skera úr um hvort
þau leiði til vanhæfis dómara.
Skúli segir örfá dæmi til um að
dómarar tjái sig um dóma eftir að
þeir eru kveðnir upp og að slíkar
yfirlýsingar hafi verið gagnrýndar.
„Mér er ekki kunnugt um að ís-
lenskur dómari hafi valdið vanhæfi
með yfirlýsingum eftir uppkvaðn-
ingu dóms. Það er óhætt að segja
að sú óskráða regla gildi að dómari
tjái sig um dómsmál í dómi og öðr-
um úrlausnum en ekki með yfirlýs-
ingum í fjölmiðlum og það sama á
þá við um aðila dómsmáls,“ segir
Skúli en bendir á að dómarar geti
tjáð sig á fræðilegum vettvangi eða
leiðrétt bersýnilegar missagnir.
Ingimundur Einarsson, dóm-
stjóri Héraðsdóms Reykjavíkur,
tekur í sama streng og segist ekki
minnast þess að dómari hafi talist
vanhæfur vegna ummæla sinna
eftir dómsuppkvaðningu.
Dómur kann að verða ómerktur
 Fordæmalaust í íslenskri réttarsögu að dómari teljist vanhæfur vegna ummæla sinna  Hæsti-
réttur hefur endanlegt úrskurðarvald  Endurtaka þyrfti allar skýrslutökur fyrir nýjum dómurum
Skúli
Magnússon
Ingimundur
Einarsson
Ef svo fer að Hæstiréttur
ómerki héraðsdóm sökum van-
hæfis dómara þarf að endur-
taka aðalmeðferðina frá upp-
hafi. „Það er meginreglan. Ef að
það koma nýir dómarar að mál-
inu þá er það augljóst mál að
það þarf að endurtaka allar
skýrslutökur,“ segir Ingimundur
Einarsson, dómstjóri Héraðs-
dóms Reykjavíkur.
Endurtekin
aðalmeðferð
HÆSTIRÉTTUR ÁKVEÐUR
Rjúpnatalningar Náttúrufræðistofn-
unar Íslands í vor sýna fjölgun víða
um land. Samandregið fyrir öll taln-
ingasvæði var
meðalfjölgun
rjúpna 41% á milli
áranna 2013 og
2014.
Þessar niður-
stöður eru í sam-
ræmi við niður-
stöðu rjúpna-
talninga vorið
2013 en þær
sýndu að fækk-
unarskeiði sem
hófst 2009–2010 lauk eftir aðeins tvö
til þrjú ár. Þetta er óvanalegt þar
sem fyrri fækkunarskeið hafa varað í
5 til 8 ár og samkvæmt því átti næsta
lágmark að vera á árunum 2015 til
2018.
Aukning rjúpnastofnsins 2013-
2014 er mismikil eftir landshlutum og
á Suðurlandi og Norðvesturlandi er
kyrrstaða eða fækkun. Í sögulegu
samhengi er rjúpnafjöldinn 2014 und-
ir meðallagi. Mat á veiðiþoli stofnsins
og nánari greining á ástæðum fjölg-
unar munu liggja fyrir í ágúst í kjöl-
far mælinga á varpárangri rjúpna, af-
föllum 2013 til 2014 og veiði 2013.
Fjölgun
rjúpu víða
um land
 Mat á veiðiþoli
liggur fyrir í ágúst